Exodo 9 - Arabela

Saaja Egipcio taucuaca juyaca cusonuusacari

⁶ Tariqui, puetunu Egipcio taucuaca juyacajanaari macunucua juhuaquequiaari. Pueyasojuanaacuajaari na cusojuanuuquiaari. Saniniuujia, Israelcuajinio caneno pueya juyacaari maja quenaaja niquiriyatu cusonu quiquiaari.

⁷ Naacuatej, Faraoonri na jiyaraajia jiyaramiquiquiaari Israelcuajinio caneno pueya juyaca niquiniuucua. Seetanujuanaa naa quiquiaariiri. Majaari quenaaja niquiriyatu juyaca cusonu quiquiaari. Naajaa, camarnu Faraoonri saaja jiyacatequiaari. Majaari Israelcuajinio caneno pueya na cartenu quirii nojori quianura na jiyajiniji.

¹³ Jiyacaritij, Pueyasoori naa Moisees sequereequij: —Quiocua tariquiicuaji sanema. Quiocua naa Faraoon sequeseequij: “Camarnujuanaa, Hebreocuaca Pueyasoni, nojuajaari naa cua sequeree cua numootenura quiajaniyatej: ‘Cua pueya quiria quia cartere. Nojori cuaara niiquiji quiaara cariiquia jiyajinia tii nojori timitianura janiya.

¹⁴ Quiaa jaara cua sequesano miyaquiri, janiyari quiocua jiyaronutaniya naquiya cua miitiajarano cusonuni, puetunu quiara poonijionaa nujuanunaacuajanaa, puetunu quia jiitiasano pueyacuajanaanio. Quiaa jiyoteeri naacua niishiriquiano majaari socua tamonu Cumaacaraca quijia quiniu nio jiyajinia juhua janiyaja.

¹⁵ Cua cumaaca quia niishiniuria, janiya maara tari quia saniitiocanuni quiocua cua jiyarosacari cusonu, puetunu quia jiitiasano quiarta taucuacaacuajaajanio. Naa cua miishacaritij, janiya maara tari quia shaajacanunij.

¹⁶ Naajaa, janiya quia rishitiyajaani cua cumaacata cua miishano quia niquiniuria. Naacuatej, puetunu naa cua miishanocoriquianojinijijanaari nio jiyajinia janiyajiniji pohuatasaariquiano.

¹⁷ Casaajuhua quiajaniyani, quiaari saaja cua pueya masesano rejeteya. Majaari nojori quia cartenu paniniu.’”