Exodo 33 - Arabela

Moisees masesacari Pueyaso cuaara na shacantuuca cumaaca na niquitiirianoj

¹¹ Pueyasoori Moisees rupueja quijia. Nata na pocoojosacari mariyataa catecaji jiriquiotoojuaari taa pa rupuena pueyanota pa pocoojoquiaacuaani. Naa na pocoojonu nuhuajitij, Moiseesri narta pueya suhuortucuajinia tacatejohua. Saniniuujia na jiyaraajia Josueeri pueyaracaanu quijia suhuortujiniaaco tee Moisees pocoojojua Pueyasotacuajani. Cuno mashajaari Nun jiyanishano niyanu quijia.

¹⁸ Tamacari Moiseesri Pueyaso sequequiaari: —Quenaaja quia shacantuuca cumaaca cua niquitiri Pueyasonaa.

¹⁹ Pueyasoori naa na riucuaree: —Janiyari quia niquitiriquianoni taa jiyanoojiatucuaja janiyani. Janiyacuajaari cua sesa jiyaniquiriquiano quia tacojini. Naajuhuaj, teyano pueyano cua paniyani, janiyari cuno jiyanooriquianoni. Teyano pueyanoocua cua taraajenu paniyani, janiyari cunoocua taraajeriquianoni.

²⁰ Seetanujuanaa quia sequereeraj quiarijia. Maja cutaraari cua jiquiaco cua niquitiniu quiniutianiya quiajaniya. Teyano pueyanote cua niquiriini, cuno pueyanoori maja na naata rishiniu socua.