Daniel 12 - Arabela

Jiyanohua puereetaari quiniutianiya jiya puequenu panishacari

¹ “‘Jiyacaritij, Pueyaso seru cumaacaraca quijia Miguelri tiuquiriquiano. Nojuajaari quia pueya cojuana cutara; quia pueyacuaji tacunajaariuhuaj. Jiyacariiri jiyanohua puereeta quiniutianiya. Puetunu jiyacajinia quijiaca pueya supueyaquishacarijia, jiyano puereeta casaari maja na niquishaanu quijia. Jiyacaritij, quia pueyajinijinioori jiyanooshaanutaniya cutara, noo pojori teyano sesacatucuaja Pueyaso nequesoreetujinia naajiotasano quiyani.

² Queraatia macunucuaari jiyacari samiitiaconutaniya na jamacajiniji; noojiaqueyari pueyaracaanu shuquiriaatia quiriquiano, tamasacaari saniniuujia pueyaracaanu puereeta saniitiosocoriquiano quiniutianiyacujua. Nojori caririquiniuuri pueetaaquiriquiano.

³ Noo pojori saniniuujia, maninia miiniu niishijiaca pueyatej, canapuetucuaja queraatia pueya puerojoquiaari saa Pueyaso panishano na miiniuriajani, nojoriiri pueyaracaanu nenecuajaca quiriquiano. Naajuhuaj, nojoriiri pueyaracaanu nunucojua quiriquiano juhua jiya cajiniocua riyaja.’”