1 Samuel 7 - Arabela

Samuel quishacari narta Israel pueya jiitiana

³ Samuelri naacua puetunu narta Israel pueya sequequiaari naatej: —Pueyanaa, niaa jaara Pueyasoocua jiriquioterohua nioojia seetanujuanaa nia paniniutia nojuaja, nia tiacoji quiarijia nia quejoore cuno jeecojosano taucuaca pueyasohuani, juhua Astartee niquishano pueyasohuanio. Niaa jaara naa miiritij, Pueyasoori maja tari na shanacunu quiniutianiya cuno Filisteocuaca miitianura niajaniya.

¹⁵ Samuelri narta Israel pueya jiitiana quiquiaari pueyaracaanu, cuaara shaajequiaarijaatijia.

¹⁶ Naa narta pueya jiitiana Samuel quishacaritij, nojuajaari puetunu marijiarajanaa Betel tiacajinia, Guilgal tiacajinia, Mizpaa tiacajinia quiaja pueya na jeecatootenuucua.

¹⁷ Naa cuno jiuujianaraca tiacajinia na rucuanenu nuhuajitij, na nuhuaji tiji tacatejohua tama na Ramaa tiacajiniohuajaarijia. Samuelri cuno Ramaa tiacajinia tama na muetacajaaja jiitiaja. Tiji jiitiaja puetunu cuno narta Israel pueyajanaari. Samuelri cuno na quijia tiacajinia Pueyasora seya na catijiajara juhuacuquiaarijuhuaj.