Luke 16 - Wester Boswell Scripture Selections 1874

THE RICH MAN AND LAZARUS. (Luke xvi. 19—31.)

¹⁹ Yekorus sas barvalo moosh kon sas rido adré lolo poχtan ta yoki rivoben ta hodás kooshko hoben sórkon divusáw.

²⁰ Sas mongamengro tei. O nav see lesti Lazarus. Yov sas chido kater o wooda sor naflo ta pordo o' wafedo tanaw.

²¹ Yov pootchdás o barvalo gairo to mook yov lei o bito kotoré o' mauro so pedás talé o barvalo gairo's misali. Jookels vián tei ta kossadé Iesko wafedo tanáw opré lesti.

²² O mongamengro merdás, ta yek o' mi Doovel's tatcho gairé liás-les adré Abraham's berk adré mi Duvelesko term. O barvalo moosh merdás tei, ta yov sas poorasto.

²³ Kanna yov sas adré o Bengesko tan, yov sas dook­-adno ta diktás Abraham doovorí adré mi Duvelesko tem, ta diktás Lazarus adré Iesko berk.

²⁴ O Barvalo moosh rovdás ta pendás, “Méero dad, Abraham! Te wel tooti komoben opré mandi ta bitcher Lazarus te chiv Iesko nei adré paani ta kel meero chib shilalo. Shom dosta dookadno adré kova yog.”

²⁵ Abraham pendás, “Chor! Kek bisser too? Adré teero meripen ta liás (lián) kooshti kola, pensa Lazarus liás wafedo kola. Kenáw yov see kedo mishto ta too shan dookadno.

²⁶ Ta, posh-rig sor dula kola, bauro hev see chido posh drom o' mendi ta tooti, jaw dula gairé so komena te jal avrí mi Duvelesko tem kater tooti odoi nastissa, ta dula gairé so komena te wei avrí o bengesko tan akéi nastissa.”

²⁷ O barvalo moosh pendás, “Kair mandi dova koshto, Dad, te bitcher Lazarus kater meero dadesko kair.

²⁸ Pansh palaw see mandi. Mook Lazarus pooker lendi. Trashova yon wena akéi adré kova wafedo bengesko tan.”

²⁹ Abraham penela kater lesti, “Moses ta waveré bauro rokeromengri see lendi. Mook ti palaw shoon kater lendi.”

³⁰ O barvalo moosh pendás, “Kek, dad Abraham. Sar yek moosh ghiás kater lendi avrí o mulo tem yon kerena mishto.”

³¹ Abraham pendás. “Sar kek shoonena Moses ta o waveré bauro rokeromengri, yon kek nanéi patserena sar yek moosh avela kater lendi avrí o mulo tern.”