Luke 15 - Wester Boswell Scripture Selections 1874

THE PRODIGAL SON. (Luke xv. 11—32.)

¹¹ Yekorus yek gairo sas dooï chavé.

¹² Ta o tamodaír pendás kater Iesko dad. “Dad! Dé­ mandi o kotor o' kóli ta peréla mandi.” Ta yov dias lendi Iesko jivoben.

¹³ Ta, kek dósta divusáw palla, o tamodaír chavo chidás sor ketané ta yov liás Iesko drom adré dooro tem, ta odoi yov nashedás sor Iesko kola 'dré wáfedo jivoben.

¹⁴ Ta kanna yov nashedás sor, odói sas bauro bokaloben adré doova tern ta yov viás te kom kumeni te hol.

¹⁵ Ta yov ghiás ta pandás lesti kokero kater gavengro of doova tern, ta o moosh bitchadás-les adré o poovyaw te del hoben kater baulé.

¹⁶ Ta komessa (komdás) te porder Iesko pur with o kola so o baulé hodé. Ta kek gairo diás leski vaniso.

¹⁷ Ta kanna yov diktás lesti kokero yov pendás, “Sar kisi mi dadeski pessadé bootsiengri si mauro dosta ta dosta, ta mandi merova bokalo.

¹⁸ Mandi atchova opré ta jova kater meero Dad, and penova lesti, Meero Dad! Kedóm wafedo aposh mi Doovel ta tooti.

¹⁹ Ta mandi shom kek komi mol to be kordo teero chavo. Kair mandi sar yek o' teero pessado bootsiengri.”

²⁰ Ta yov atchdás ta viás kater Iesko Dad. Ta kanna yov sas ajáw a bauro door avrí, Iesko dad diktás-les ta yov sas dosta toogno, ta nashdás, ta pedás opré Iesko men ta choomadás-les.

²¹ Ta o chavo pendás kater lesti dad, “Mandi kedóm wafedo apósh mi Doovel ta 'dré teero dikimus ta mandi shom kek komi mol to be kordo teero chavo.”

²² Ta o dad pendás kater Iesko bootsiengri, “And avrí o feterdaír ploχta ta chiv-Ies opré lesti, ta chiv wongusti opré Iesko wast, ta choχáw opré Iesko peeré.

²³ Ta and akeí o tikno groovni so see kedo tullo, ta maur lesti, ta mook mendi hoi ta be mishto adré moro zeeáw.

²⁴ Jaw mi chavo sas mulo ta see jido apopli. Yov sas nashedo talla see yov latchno apopli.” Ta yon vián (viás) to be mishto adré lenghi zeeáw.

²⁵ Lesko poorodaír chavo sas adré o poov. Jaw yov viás ta sas posha o kair yov shoondás o boshomengri ta o kelopen.

²⁶ Ta yov kordás bootsiengro ta pootchdás, “So see?”

²⁷ O bootsiengro pendás, “Teero pal viás ta teero dad mordás o tullo tikno groovni, jaw yov liás-les sor kooshto apopli.”

²⁸ O poorodáir chavo sas hoïno ta pendás yov'd kek jal adré. Jaw Iesko dad viás avrí ta pootchdás-les te wei adré.

²⁹ Ta yov diás lav ta pendás kater Iesko dad, “Dordi! So kisi beshaw mandi kedóm sorkon kola too pootchdás (pootchdán) mandi? Kekeno cheerus mandi pogadóm teero trad. Kekeno cheerus too diás man bokoro te kel peias sar meero komyáw.

³⁰ Jaw sig meero pal avela, maurdás too lesti o tullo tikno groovni, ta yov nashedás sor teero jivoben sar loob­ niáw.”

³¹ Lesko dad pendás, “Mi chavo! Too shan mansa sorkon cheerus ta sor meero kola see tooti.

³² Tatcho sas mendi te kel peias. Teero pal sas mulo. Yov see jido apopli. Yov sas nashedo ta see latchno apopli.”