Saumu 8 - Ritonõpo Omiry: A Bíblia Sagrada na língua Aparai do Brasil

Ritonõpo saerehkatoh poko

Sero saumu tymerose Tawi a.

¹ Ritonõpo yna Esemy, imehxo oehtoh tõsenepose sero nono poro porehme! Oeahmãko mã toto kapu etyhpyry pona,

² oeahmãko poeto tõ pisarara, eremiãko enurusenã komo, mireremã kõ roropa oeahmãko mã toto, oepetõkara poremãkatohme ozehno exiketõ mynyhpãkapotohme emero porehme.

³ Kapu eneryhtao ya, onyrihpyry, nuno te, xirikuato tõ roropa, esao xine tyrise kehko oya,

⁴ onokyme kure yna, ahnome rokẽ ynanase? Yrome yna poko osenetupuhnõko mase. Orihketõme ynanase, yrome yna pyno ro mase.

⁵ Tyrise ynanase oya, Ritonõpo, opoetoryme yna ehtohme, yna Esẽ imehxo oehtohme. Yrome tuisame kyriase roropa imehnõ esẽme yna ehtohme.

⁶ Ajamitunuru mekaroase yna a, onyrityã esẽme yna ehtohme. Onokyro tõkehko, okyno tõ roropa, yna ekyme toto ehtohme:

⁷ Kaneru tomo te, pui tõkehko, onokyro tomo emero.

⁸ Torõ tomo te, kana roropa tuna konõto kuaõkõ, isene exiketõ porehme.

⁹ Ritonõpo, yna Esemy, imehxo oehtoh tonepose mana sero nono po porehme.