Saumu 54 - Ritonõpo Omiry: A Bíblia Sagrada na língua Aparai do Brasil

Kuewomako Ritonõpo

Tawi nymerohpyry, inekarohpyry eremiaketõ tuisary a.

¹ Ritonõpo, kypynanohko ajamitunuru ke! Kuanỹko jamihmehxo oexiryke.

² Jotururu oya etako ke, Ritonõpo! Otatõme exiko jomiry poko.

³ Ahno oehnõko, epyrypaketomo, etonatohme ymaro. Orutua kõ zehnotokõ jetapary se mã toto. Ritonõpo omipona pyra exiketõme mã toto.

⁴ Yrome Ritonõpo Jesẽ mã jakorehmaneme mana, Jewomaneme roropa mana, zuaro ase.

⁵ Jepetõkara nyrihpyry popỹ ke toto wãnohpory se ase Ritonõpo a. Zae Ritonõpo mana, morara exiryke toto enahkapõko mana.

⁶ Tãkye jexiryke ynekarory ekarõko ase oya, Ritonõpo. “Kure mase,” ãko ase, oeahmaryme, kure oexiryke.

⁷ Kypynanopyase popyra ehtoh wino emero, jepetõkara poremãkatopõpyry tonese ya.