Saumu 53 - Ritonõpo Omiry: A Bíblia Sagrada na língua Aparai do Brasil

Popyra ahno ehtopo

Tawi nymerohpyry, inekarohpyry eremiaketõ tuisary a.

¹ Tuaro pyra exiketõ ynara osenetupuhnõko tukurohtao mana: “Ya Ritonõpo jesẽme pyra mana.” Yrome popyra mã mokaro, inyrityã nuriame mana; zae ehtoh onyripyra mã toto emero porehme.

² Kapu poe sero nono põkõ enẽko Ritonõpo mana, zae ehtoh waro exiketõ zupĩko, toiro Tosẽme Ritonõpo eahmane zupĩko mana.

³ Yrome toeramase mã toto emero zae ehtoh esemary poe, oxisã mã toto imotahpyry samo. Zae ehtoh poko exiketõ pyra mã ipunaka, toiro zae exikety pyra mana.

⁴ Ritonõpo ynara ekaropõko: “Mokaro popyra exiketõ zae ehtoh waro pyra toh nae? Torẽnase toto, ypoetory tõ kyryry kurã ematonanopyry poko, mame moro motye, oturupyra mã toto ya.”

⁵ Yrome imeĩpo enaromỹke exĩko mã toto, tykytyky ãko, moro oserehtoh panõ onukuhpitopyra toh nexiase, typoetory tõ epetõkara zehpyry pahnõko Ritonõpo exiryke. Turumekase mã toto, Ritonõpo a, naeroro toto poremãkãko Izyraeu tõ mana porehme.

⁶ Ritonõpo, Izyraeu tõ pynanohne enehpoko Jerusarẽ poe! Opoetory tõ enepyry ropa ahtao Ritonõpo a imeimehnõ nonory poe tãkye exĩko mã toto, Jako pakomotyamo.