Saumu 43 - Ritonõpo Omiry: A Bíblia Sagrada na língua Aparai do Brasil

Oturutoh Ritonõpo a imehnõ nonory po

¹ Ritonõpo, zae jehtoh ekaroko, kuewomako õmihpyry omipona pyra exiketõ winoino. Kypynanohko ajohpe exiketõ winoino, enekunohnanõ winoino.

² Ritonõpo, jewomaneme mase; oty katoh kurumekase? Oty katoh etuarimãko hano tyyryhmase yzehnotokomo a?

³ Saerehkatoh enehpoko ya jamorepaneme zae jesemary poko. Kuaroko ropa ypy Xião pona, oesary kurã pona, atapyĩ kurã pona.

⁴ Mame apoto apõ pona ytõko ase oẽpataka, Ritonõpo. Omoro rokẽ jãkyemãko mase. Ykyryry haapa etõko ase, eremiãko ase oeahmatohme, Ritonõpo, Jesemy.

⁵ Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme Ritonõpo Jesemy.