Saumu 3 - Ritonõpo Omiry: A Bíblia Sagrada na língua Aparai do Brasil

Atakorehmapotoh Ritonõpo a

Tawi nymerohpyry sero toepase ynororo ahtao tumũkuru Apisarão kurũke.

¹ Ritonõpo, jepetõkara tuhke mã toto! Tuhkãkõ yzehno toehse mã toto!

² Oturũko mã toto ypoko, ynara ãko mã toto: “Mokyro anakorehmara Ritonõpo exĩko mana!”

³ Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

⁴ Ritonõpo kohmãko ase jakorehmaneme, tosary ypy kurã poe jezuhnõko mana.

⁵ Ataxikãko ase, torẽtyke pyra nyhnõko ase, imeĩpo pakãko ropa ase Kuesẽkõ jewomaryke.

⁶ Enaromyra ase, jepetõkara miu motye toto ahtao, jomye toehse toto ahtao, toto zuno pyra ase.

⁷ Osehko, Ritonõpo! Kypynanohko Jesemy! Etonãko mase jepetõkara maro; mokaro popyra exiketõ poremãkãko mase, toto jamitunuru enahkapõko mase.

⁸ Orẽpyra kyritorỹko Ritonõpo Kuesẽkõ mana. Kure rokẽ opoetory tõ tyriko, Ritonõpo.