Saumu 15 - Ritonõpo Omiry: A Bíblia Sagrada na língua Aparai do Brasil

Ritonõpo Tapyĩ taka ytokety

Sero saumu tymerose Tawi a.

¹ Ritonõpo, onoky Atapyĩ taka ihximyra omõnõko nae? Onoky enaromyra oesary kurã taka ytõko nae oeahmase ypy kurã po?

² Mokyro mã Ritonõpo omipona rokẽ exikety, zae rokẽ exikety imehnõ poko, aomiry ajohpe pyra roropa mana.

³ Imehnõ onykerekeremara exiketyme mana, tope tõ onyryhmara roropa exikety, imeimehnõ anaomihtopyra roropa mana.

⁴ Kure rokẽ Ritonõpo omipona exiketõ rĩko mana, tõmihpyry anamonohpyra exiketyme mana tyriry tupime toehse ahtao ro, yrome popyra exiketõ se pyra mã ynororo ipunaka.

⁵ Tytinerũ ke imehnõ akorehmãko mana, imotye onepehmapopyra ropa mana, ajohpãkõ nekarory anapoipyra mana zae pyra ehtoh epehpyryme. Morara awahtao jũme orẽpyra exĩko mase, enara.