Saumu 142 - Ritonõpo Omiry: A Bíblia Sagrada na língua Aparai do Brasil

Takorehmapotoh Ritonõpo a

Tawi nymerohpyry

¹ Ritonõpo Kuesẽkõ kohmãko ase ypynanohtohme, ajohpame sã jakorehmary ekaropõko ase.

² Ekerekeremary ekarõko ase eya emero, zae pyra ehtoh poko emero oturũko ase jerekohmaryke.

³ Tapotũkehse ukurohtao jahtao, zae ynyriry waro mana. Zae ehtoh poko torẽnase ywy repe, yrome jesemary ao ahno apoitoh tonẽse jepetõkara a japoitohme.

⁴ Jomye josenuhmaryhtao japotunuru wino jakorehmane enetohme, arypyra, takorehmaneke pyra ase, towomaneke pyra. Ypyno exikety pyra ase.

⁵ Ritonõpo, okohmãko ase jakorehmatohme. Omoro mase jewomaneme, ose rokẽ ase isene ro jahtao sero nono po.

⁶ Okohmatoh etako jakorehmatohme, tapotũkehse jexiryke ukurohtao. Kypynanohko yzehno exiketõ wino, ymotye jamihme toexirykõke.

⁷ Jetuarimatoh tae kuanỹko, mame oeahmãko ase opoetory tõ oximõtoh tao kure ypoko toehse oexiryke.