Saumu 137 - Ritonõpo Omiry: A Bíblia Sagrada na língua Aparai do Brasil

Omuhpe Izyraeu ehtopõpyry poko

¹ Typorohse ynanexiase tuna tõ ehpiõ po Papironia po; xitãkone ynanexiase wenikehpyra yna ahtao Jerusarẽ poko.

² Rira tõ tynomose yna a tyhwyme moroto wewe tõ pokona.

³ Mokaro typoetoryme yna aronanõ yna eremiary etary se toh nexiase, tãkyemaporykõ se toh nexiase yna a: “Oeremiatoko eremiatoh tonõ Xião poko,” tykase toto.

⁴ Yrome imehnõ nonory po yna ahtao otãto eremiãko yna nae Kuesẽkõ eahmaryme?

⁵ Pata Jerusarẽ, opoko tuenikehse jahtao, jũme rira etory rumekary se ase.

⁶ Opoko tuenikehse jahtao, jũme jeremiary rumekary se ase jãkyemaneme Jerusarẽ osenetupuhkepyryhtao.

⁷ Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

⁸ Pata Papironia, omoro tykararahsẽme exĩko! Tãkye exĩko mokaro mana oryhmananomo, yna poko onyrihpyrykõ emetakame,

⁹ opoenõkõ pisarara apoiryhtao eya xine, toto apihpytanohpotohme topu pona!