Saumu 131 - Ritonõpo Omiry: A Bíblia Sagrada na língua Aparai do Brasil

Zae Ritonõpo ehtoh enetuputyry

Tawi nymerohpyry.

¹ Ritonõpo Jesemy, imehnõ motye tuisame jehtoh poko epyrypara ase; imehxo jehtopõpyry turumekase ya, yamene se pyra jexiryke. Tuaro pyra jehtoh tonõ poko torẽtyke pyra ase, morohne poko onenetupuhsaromepyra jahtao.

² Ukurohtao tymynyhpãse ywy, atarypopyra ase syhryme poeto ehtoh samo, tyse apory ao suhsu turumekase ahtao eya. Moro saaro tãkye ase, mynyhme sã roropa ase ukurohtao.

³ Izyraeu tomo, Ritonõpo enetupuhtoko Oesẽkõme seromaroro, jũme roropa, enara!