Saumu 127 - Ritonõpo Omiry: A Bíblia Sagrada na língua Aparai do Brasil

Kure tapyi taõkõ tyrise ahtao Ritonõpo a

Ytoytoketõ eremiatoh sero. Saromão nymerohpyry.

¹ Tapyi onyripyra Ritonõpo ahtao toiparo rokẽ erohnõko tapyi rinanõ mana tyriry poko. Pata onewomara Kuesẽkõ ahtao toiparo rokẽ eraximãko erase tõ mana.

² Toiparo rokẽ itamurumehxo toerokuru poko epehpyry apoiry poko; pakeimo owõnõko mase, ataxikãko tykohmãse ahtao. Ynara exiryke, tonahsã ekarõko Ritonõpo mana typyno aexityamo a inykyrykohtao ro.

³ Omũkurukõ Kuesẽkõ nekaroryme mã toto; inekarory kurãme mã oya xine toto.

⁴ Orutua mũkuru tõ tonuruse tamuhpõme pyra ynororo ahtao, pyrou sã mã toto soutatu emahpo;

⁵ Tãkye mã mokyro tuhke typyreke exikety; mokyro onyporemãkapopyra imehnõ mana, tyehno exiketõ maro aotururuhtao juize tõ ẽpataka, apiakatoh tao.