Saumu 126 - Ritonõpo Omiry: A Bíblia Sagrada na língua Aparai do Brasil

Kure yna tyriko tãkye yna ehtohme

Ytoytoketõ eremiatoh sero.

¹ Kuenepyrykõ ropa ahtao Kuesẽkomo a Jerusarẽ pona osenehketõ sã sexiatose.

² Exianãko sexiatose, eremiãko roropa tãkye kuexirykõke. Mame ynara tykase imehnõ nonory põkõ kypoko xine: “Kure rokẽ mokaro tyrise Ritonõpo a.”

³ Ajohpe pyra, kure rokẽ kymarokõ tyrise eya; tãkye kuhse sytatose.

⁴ Ritonõpo, kure yna tyriko ropa, yna narykatyã ahtanohpoko, yna eky tõ emãkapoko ropa, konopo oepyry samo iporiry tõ pehkase ropa, tonore aexityamo.

⁵ Ah mokaro ixitatyã tutupikõ arykaryhtao tãkye nexĩ toto tykyrysã apoiryhtao ropa tyya xine!

⁶ Mokaro ixitatyã toytorykohtao, ipuhturu puimãko arykatohme, oehnõko ropa mã toto toremiarykõme, tãkye rahkene, tykyrysã enepyryhtao.