Saumu 124 - Ritonõpo Omiry: A Bíblia Sagrada na língua Aparai do Brasil

Typoetory tõ pynanohneme Ritonõpo mana

Tawi nymerohpyry.

¹ “Otara sehtory kymaro xine pyra Ritonõpo Kuesẽkõ ahtao?” Kuezuhtoko Izyraeu tomo!

² Ezuhtoh sero: “Kymaro xine pyra Kuesẽkõ ahtao kyzehno xine exiketõ tooehse ahtao etonase,

³ typoremãkase sehtory, kymarokõ tonahse exiry eya xine isene ro; kyzetũkõ tanỹse ahtao eya xine.

⁴ Mame tuna konõto a kymarokõ tarose exiry; zue aka tarose sehtory,

⁵ zue konõto kuaka tynerymapose kymarokõ exiry.”

⁶ “Kure mase,” sykatone Ritonõpo Kuesẽkomo a, kymarokõ onekaropyra exiryke kuepetõkara a poremãkatohme eya xine.

⁷ Tonepanohse sytatose, torõ enepanopyry sã apoitoh winoino. Apoitoh tyhmose, imyhpokatyã tõ sã sytatose.

⁸ Kuakorehmatohkõ oehnõko Ritonõpo poe, kapu Rihpono, sero nono Rihpõme roropa.