Saumu 123 - Ritonõpo Omiry: A Bíblia Sagrada na língua Aparai do Brasil

Yna ipynanohko

Ytoytoketõ eremiatoh sero.

¹ Ritonõpo yna Esemy, kakoxi osenuhmãko ase oya. Ãpony, tuisa imehxo apõ moroto mana kapu ao.

² Namoto mã tosẽ emary enẽko mana, nohpome namoto ahtao morararo tosẽ emary onenekehpyra mana, moro saaro oya enẽko ynanase, Ritonõpo yna Esemy, yna pyno oehtoh eraximãko ynanase.

³ Yna pyno exiko, Ritonõpo! Yna pyno exiko, ynahtomaryke imehnomo a.

⁴ Ynahtomãko mã mokaro tymõkomoke exiketomo, kokoro rokẽ epyrypaketõ roropa yna poihtõko mã toto.