Saumu 120 - Ritonõpo Omiry: A Bíblia Sagrada na língua Aparai do Brasil

Takorehmatoh ekaropory Ritonõpo a

Ytoytoketõ eremiatoh sero.

¹ Popyra ehtoh toehse ahtao ya, Ritonõpo Kuesẽkõ tykohmase ya, jomiry totase eya.

² Ritonõpo, ajohpe exiketõ wino kypynanohko, onekunohtõkõ winoino.

³ Ajohpãkomo, oty rĩko Ritonõpo oya xine nae? Oty ke awãnohtorỹko nae?

⁴ Awãnohtorỹko mana pyrou pohsuimã ke soutatu poe te, ikarany zemimã ke roropa!

⁵ Taro jehtoh amaro xine popyra nase; Meseke nonory po jehtoh samo, Ketaa põkõ maro jehtoh sã roropa.

⁶ Moino okynahxo ywy ase taro osepeme se pyra exiketõ maro.

⁷ Osepeme ehtoh poko jotururuhtao, oturũko mã toto etonary se toehtohkõ poko.