Saumu 100 - Ritonõpo Omiry: A Bíblia Sagrada na língua Aparai do Brasil

Eremiatoh sero eahmatohme

Eremiatopo.

¹ Ritonõpo eahmaryme oeremiatoko, emero sero nono põkomo!

² Atãkyemarykõme Ritonõpo eahmatoko, osehtoko oeremiarykõme Kuesẽkõ ẽpataka.

³ Wenikehpyra ehtoko Kuesẽkõ Ritonõpo mana. Inyrihpyryme sytatose, ipoenõme roropa; ipoetoryme sytatose, ekyme roropa.

⁴ Omõtoko omõtoh ae Itapyĩ taka, “Kure mase,” kahtoko eya, eahmaryme omõtoko tyarakẽ taka. Ritonõpo eahmatoko. “Kure mase,” kahtoko eya.

⁵ Kure Ritonõpo exiryke, kypyno xine aexiry jũme mana, kypyno xine aehtoh amonohkara, zae rokẽ exikehpyra roropa mana.