Saumu 1 - Ritonõpo Omiry: A Bíblia Sagrada na língua Aparai do Brasil

Tãkye ehtoh poko

¹ Tãkye exĩko matose popynõ omihpyry omipona pyra awahtao xine, iirypyrymãkõ onypoenohpyra roropa awahtao xine, Ritonõpo kerekeremananõ maro oximõpyra roropa awahtao xine.

² Yrome Ritonõpo nymeropohpyry omipona oexirykõ poko atãkyemãko matose, inymeropohpyry poko osenetupuhnõko matose saereme, koko, enara.

³ Moro sã awahtao xine wewe tõ sã exĩko matose tarykase ahtao tuna ehpio; ahtãko mana, eperytãko roropa toperytatoh po toehse ahtao, zary mã aremãpyra roropa mana. Moro sã orẽpyra exĩko matose, onyrirykõ kure exĩko roropa mana emero.

⁴ Yrome Ritonõpo omipona pyra exiketõ moro sã pyra mana; otupĩko mã toto, tyryrykane a arexi pihpyry arory sã exĩko mã toto.

⁵ Naeroro tõmipona pyra exiketõ apiakãko Ritonõpo mana, ameke exĩko mã toto Ritonõpo omipona exiketõ winoino.

⁶ Ynara exiryke, tõmipona exiketõ pynanohnõko Ritonõpo mana, yrome popyra exiketõ wãnohnõko mana.