Jo 25 - Ritonõpo Omiry: A Bíblia Sagrada na língua Aparai do Brasil

Piutate oturutopõpyry oseruao Zae rokẽ ehsaromepyra sytatose Ritonõpo neneryme

¹ Mame Piutate, Sua pono a tozuhse, ynara tykase:

² “Ritonõpo jamihme mana. Imehxo aexiry senetupuhtone; Ritonõpo poe osepeme emero kapuaõkomo.

³ Inenyohtyã tukuhse imepyny a tuhke toto ehtoh waro ehtohme? Ahno nae epona Ritonõpo ezuru saerehkara ro nae?

⁴ Zae rokẽ ehsaromepyra sytatose Ritonõpo neneryme. Ahno nae, sero nono po tyyrypyhpyke pyra exiketyme?

⁵ Ritonõpo a nuno roropa saerehkarahme sã mana. Xirikuato tõ roropa saerehkarahme sã mana.

⁶ Naeroro otara ãko nae ahno poko, maikuato sã exiketyme? Otyme kure sytatou mukuku sã exiketõ Ritonõpo a?”