पारकास 20 - आठपहरियाठिक् हाजार बारखा 1 हिट्नुङ्ना आङा घाइरो भाड्खालोङिना साँचो हिट्नुङ् ठिक् ठेना साङ्ला उमुक्ङि याङेसुना ठिक् माङ्हाङ् रिङ् काउग्बा टोनालोग्लाम्मा उङ्सागेट्टाना निसुङे॥ 2 हिट्नुङ् हिट्नाङा हिट्ना ठेना ओप्पु लाबुङ् ठिक् हाजार बारखा लाउङ्सा रेक्टुए॥ हिट्ना ठेना ओप्पुम्बाक् आच्छो बेलाना ओप्पु, हिट्ना दुस्टाचिगा हाङ्बा आथाबा सैतान ए॥ 3 माङ्हाङ् रिङ् काउग्बाङा हिट्ना सैतान यो घाइरो भाड्खालोङि लेप्टुए, हिट्नुङ् ठिक् हाजार बारखा सोम्मा ढुवारिक्ङि साँचो ठेन्डुङ् छाप् मेट्टुए, हिट्डेउङ् हिट्नाँ सोब्बे छोङ्बाचि मुसिक्पा चाट्टुन्चिन्गा॥ ठिक् हाजार बारखा बेला काक्टुङ् हिट्ना इम्टेप्मा बेला लोङ्सा लेड्मा कोन्युक्॥ 4 हिट्नुङ् आङा सिङासान् निसुङे, हिट्नि न्याए चोक्मा आधिकार ओटोगुगा याप्मिचि उयुङासागा॥ हिट्नि येसुङाना खाबोर लोक् माङ्हाङ् रिङ् पारचार ओचोगुनाँ नाराङि उन्चि टेहेक् ओचेप्टुचिगा याप्मिचिगा हाङ्सा चा निसुङे॥ हिट्नागाम्बाक् हिट्ना जिवाट् लोक् हिट्नाङाना मुरति साम्माङ् ओचोग्वाट्टुन् हिट्नुङ् हिट्नाङाना छाप् उन्चि नाम्धाङ्ङि आथाबा उन्चि मुक्ङि चा ओवाडुवाट्टुन्॥ हिट्नागा फेरि उहिङ्ग्वाट् उलिसे हिट्नुङ् खिरिस्टलोक् ठिक् हाजार बारखा सासान् ओचोगुए॥ 5 आरु उसियागा याप्मिचि हाजार बारखा लाट्टाउङ् एडोक् उहिङ्ग्वाट् उलिसाउङ् ओकोबे॥ माङ्हाङ्ङा याप्मिचि उसियागालाम्मा उहिङ्ग्वाट् चोगुचिगा ना पाइलेना खेप् ए॥ 6 छेम्बा डोक्, माङ्हाङ्ङा उसियागालाम्मा पाइलेना खेप् उहिङ्ग्वाट् चोगुचिगा याप्मिचि खुसि लोक् सेङ्सेङ् उलियाक्॥ हिट्नागा दोस्रो खेप् सिमा कोन्निना, टरो हिट्नागा माङ्हाङ्ङाना हिट्नुङ् खिरिस्टङाना पुजारि उलियुक्, हिट्नुङ् हिट्नागाँ ठिक् हाजार बारखा उन्लोक् सासान् ओचोगुटु॥ सैतानङाना आन्ते 7 ठिक् हाजार बारखा लाट्युङ् माङ्हाङ्ङा सैतान छाक्टुना ठोङ्लाम् लेडुटु, 8 हिट्नुङ् हिट्नाँ सोब्बे देसङिगा याप्मिचि मुसिक्पा चाट्टुचिचि॥ नागा देस-देसङिगा याप्मिचिम्बाक् गोग लोक् मागोग ओलोडुचिचि॥ सैतानङा हिट्नागा सोब्बे एक्के चोटि छुम्सुचिउङ् खेमाबुङ्मा चोक्मा टाडुचिचि॥ हिट्नागा सामुन्दराङिना खाम्सेरेक्वा गाड्डे नेमा डोक् हिनिम्चिम्लोक् आड्डिक् जोम् उलियुक्॥ 9 हिट्नागा नारा टेप् ख्वाप्पालेङ् ओखाडे॥ हिट्नागाँ माङ्हाङ् ओयाप्मिचिगा छाउनि हिट्नुङ् उन्ङा माया चोगुना खालाङ्गा घेराँ ओचोगुए॥ टरो टोनालोग्लाम् मिङाना ओलाप्को ठायाउङ् हिट्नागा उटुनाउङ् उसिए॥ 10 हिट्नुङ् देस-देसङिगा याप्मिचि मुसिक्पा काचाट्बा हिट्ना सैतान हाट्टेट्टाना गान्धाक्ङाना कुन्डाङि माङ्हाङ् रिङ् काउग्बाङा लेप्टुए, हिट्नि डोक् हिट्ना जिवाट् हिट्नुङ् माङ्जोना माङ्काटा चा वासेट्टाचिगा॥ हिट्नि हिट्नागाँ लेन्सेन् सोरोक् याङ्छामा ओआङ्डुटु॥ याप्मिचिगा न्याए 11 आङा ठिक् ठेना फुट्ना सिङासान् हिट्नुङ् हिट्नि ठिबाङ् युङेसाना निसुङे॥ हिट्नुङ् नारा लोक् टाङ्साङ् उन्ङाना ओनाभाक्लाम्मा मासाडा चे, हिट्नुङ् नारा लोक् टाङ्साङ् फेरि साङा चा उनिस्वाट्टुन्॥ 12 हिट्नुङ् आङा ओठेयागा हिट्नुङ् उचिजिक्गा सोब्बे उसियागा याप्मिचि सिङासान् सोरि ओएबेसागा निसुङ्चें, हिट्नुङ् छाप्लाचि ओङ्से हिट्नुङ् हिट्नि आरको ठिक् जिबानङाना छाप्ला चा ओङ्से॥ हिट्नुङ् माङ्हाङ्ङा उसियागा याप्मिचि हिट्नागाँ ओचोगुना टोॽवाङाना बारेङि छाप्लाचिङि छेप्टि गाड्डे डोक् हिट्नागा न्याए चोगुचे॥ 13 हिट्नुङ् सामुन्दराङि उसियागा याप्मिचि चा सामुन्दराङा नोक्टुए, हिट्नुङ् पाताललाम्मा चा उसियागा याप्मिचि न्याए लाउङ्सा ओहोन्डे॥ माङ्हाङ्ङा हिट्नागा सोब्बेङागा उन्चिङा ओचोगुना टोॽवा आन्सार न्याए चोगुचे॥ 14-15 हिट्नुङ् हिट्ना चोलाङाना छाप्लाङि उन्चि निङ् छेप्निगेट्निगा याप्मिचि माङ्हाङ्ङा मि भुङ्रोङि ठेन्डुचिचि॥ हिट्नुङ्ना हिट्नि मिरतु हिट्नुङ् पाताल काइले चा लिनिना, पोङ्भोने नागा मिङाना भुङ्रोङि लेप्युक्॥ हिट्ना मिङाना कुन्डाङि पिमाना साजाएम्बाक् इप्पोक् खेप् सिमा नुङ् ओलोडुटु॥ |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.