गालाति 3 - आठपहरियाधारमाबिधि लोक् बिस्वास 1 हाउ गालातियाङिगा बिस्वासिचि, खानि पोङ् ठोनाबा मालेगा याप्मिचि गाड्डे आलिसिएसिएगा? साङा खानि निङ्ग्वा फेराँ माचोगिबिडिएगा? आङा खानिलाउङ्सा येसु खिरिस्ट खाप्चेङि सियाना बारेङि पारचिन्दा लोनानिगा डागा॥ 2 आङा खानि ठिक् रिङ् सिलाप्नानि, पाक् खानिङा धारमाबिधि पालान् आचोगुमुङ् सेङ्सेङ्ना हाङ्सा आटोगुमेनि टे? माइना? टरो खानिङा खिरिस्टङाना बारेङि आखेम्सुम्ना खाबोरङि बिस्वास आचोगुमुङ् सेङ्सेङ्ना हाङ्सा आटोगुम्मे॥ 3 पोङ् खानि आड्डिक् ठोनाबा याप्मि आलिसिटिगा? खानिङा खानि चोला खिरिस्टङि सेङ्सेङ्ना हाङ्सालाम्मा उटुम् आचोगुम्मे॥ पाक् हाट्ले खानिङा आप्पे ना रिङ् खानि टोॽवालाम् पुरो चोक्मा आकोलुम्टुम्नि टे? 4 खानि बिस्वासि आलिसिउङ् औधि याङ्छामा आङ्डुमे, छेम्बा डोक् ना याङ्छामा खेडोक् लिनेट्नि नुङ् आङा आसा चोगुङ्टुङ्॥ 5 माङ्हाङ्ङा खानि सेङ्सेङ्ना हाङ्सा मापिडिटि हिट्नुङ् खानि माझाङि डोङ् ठोङ्डिना टोॽवा चोगुटु॥ पाक् खानिङा धारमाबिधि पालान् आचोगुमुङ् इ टे? माखाक्॥ नाउम्टे खानिङा खिरिस्टङाना बारेङि आखेम्सुम्ना खाबोरङि बिस्वास आचोगुमुङ् लिसाना ए॥ 6 हिट्नाडेडोक् आब्राहामङा माङ्हाङ् बिस्वास चोगुए हिट्नुङ् उन्ङा चोगुना बिस्वासङा माङ्हाङ्ङा उन् धारमोति याप्मि नुङ् लाडुए॥ 7 हिट्नाड्डेउङ् माङ्हाङ् बिस्वास काचोक्चि डोक् आब्राहामङागा छेम्बागा ओछालेट्चि नुङ् खानिङा बुजा चोगानुम्॥ 8 माङ्हाङ्ङा आब्राहाम लोडुए, “खान्लाम्मा डोक् सोब्बे छोङ्बाचिङा आसिक् ओटोगुटु॥” हिट्डेउङ् माङ्हाङ्ङा पानिछोङ्बाचि बिस्वासलाम्मा धारमोति चोगुचिचि नुङ् धारमाछाप्लाङा पाइले डोक् नुना खाबोर माट्टुएसुना॥ 9 हिट्नाड्डेउङ् आब्राहामङा बिस्वास चोगुङ् आसिक् टोगु गाड्डे डोक् माङ्हाङ्ङि बिस्वास काचोक्बाचिङा चा हिट्डेना आसिक् डोक् ओटोगुटु॥ 10 याप्मा बारखा पाइले धारमाछाप्लाङि नाड्डे छेप्टेसे, “जुन्ङा मोसाङा छेप्टुना धारमाबिधि सोब्बे बेला ख्वाप्पा टोॽवा चोगुन्ना हिट्नागा उठुङ्ङि माङ्हाङ्ङाना साराप ठायुक्॥” हिट्डेडोक् जुन्ङा धारमाबिधि पालान् चोगुङ् धारमोति लिमा कोन्युक् हिट्नागा सोब्बे उठुङ्ङि साराप ठायुक्॥ 11 हिड्डेउङ् माङ्हाङ् ओटोकानाङि धारमाबिधि पालान् चोगुङ् खोना याप्मि चा धारमोति लिनिना नुङ् पारचिन्दा युङ्ग्वा॥ पोङ्भोने धारमाछाप्लाङि छेप्टेसे, “धारमोति याप्मिम्बाक् माङ्हाङ्ङि बिस्वास चोगुङ् डोक् हिङ्युक्॥” 12 हिट्नुङ् धारमाबिधि लोक् बिस्वासङाना रिङ्उम्बाक् आलाग आलाग ए॥ धारमाछाप्लाङि नाड्डे छेप्टेसे, “जुन्ङा धारमाबिधिङि छेप्टागा रिङ् पालान् चोगुटु, हिट्नालाम्मा डोक् हिङ्युक्॥” 13 टरो खिरिस्टङा धारमाबिधिङाना सारापलाम्मा आनि छुट्कारा आपिडे॥ उन् खाप्चेङि छुडानाँ, उन्ङा आप्पे आनिना फाट्टुर लाउङ्सा साराप खुयुए॥ पोङ्भोने धारमाछाप्लाङि छेप्टेसे, “जुन् खाप्चेङि छुडाउङ् सियुक्, हिट्नाँ साराप टोगुना लियुक्॥” 14 माङ्हाङ्ङा आब्राहामलाउङ्सा चोगुना चामारसिङाना आसिक् पानिछोङ्बाचिङा चा ओटोगुवाक् नुङ् उन्ङा आनि छुट्कारा आपिडे, हिट्नुङ् माङ्हाङ्ङा चोगुना सेङ्सेङ्ना हाङ्साङाना चामारसिङाम्बाक् बिस्वासलाम्मा आनि सोब्बेङा खिरिस्ट येसुङि टोगुम्टुम्॥ धारमाबिधि लोक् चामारसिङा 15 बिस्वासि भुम्भु-झान्झाचि हिट्नुङ् आनो-आन्झाचि, हाट्ले लेम्बासेम्बा याप्मिङा चोगुना बारेङि ठिक् रिङ् माट्टुङ्टुङ्, इप्पाङ् याप्मिङा खोना चा रिङ्ङि चोगाचुना चामारसिङा हान्डेङ् एग्मा हिचुन्ना, हिट्नुङ् फेरि आरु रिङ् चा थापाँ चोक्मा हिचुन्ना॥ 16 हिट्नाडेडोक् माङ्हाङ्ङा आब्राहाम हिट्नुङ् उपुङ्ला माङ्हुप् चोगुए॥ नाहि धारमाछाप्लाङा “उपुङ्लाचि” नुङ् माट्टुन्ना, ना मानेम्बाक् याप्मा याप्मिचि उलियुक्॥ टरो धारमाछाप्लाङा “कापुङ्ला” एडोक् माट्टुटु, ना मानेम्बाक् ठिबाङ् याप्मि नुङ् लियुक्॥ ठिबाङ् एडोक् याप्मि नुङ्नाम्बाक् खिरिस्ट ए॥ 17 आङा माप्मा कोलुङ्ना रिङ्उम्बाक् ना ए, माङ्हाङ्ङा आब्राहामलोक् चोगुना माङ्हुप् युमा निस्चित चोगुए॥ हिट्डेउङ् टेम्बोक् साए तिस बारखा एङ्स्वा टायाना धारमाबिधिङा हिट्ना माङ्हुप् टुग्मा हिडुन्ना॥ 18 माङ्हाङ्ङा आब्राहाम आसिक् पिडुए, पोङ्भोने उन्ङा पिडुङ्टुङ् नुङ् चामारसिङा उन् चोगुएसुना डाना॥ हाट्ले माङ्हाङ्ङा धारमाबिधि पालान् मिचोक्ङे सोम्मा आनि आसिक् आपिनेट्नि भोने उन्ङाना चामारसिङा खेरोक् लियुक्॥ 19 हिट्डे भोने धारमाबिधि पोङ् आनि आपिडेना टे? ना धारमाबिधिम्बाक् याप्मिचिगा पाप निमेट्मा लाउङ्सा आपिडे॥ ना धारमाबिधिउम्टे चामारसिङा चोक्बालाक् आब्राहामङाना पुङ्ला मिटाए सोम्मा एडोक् डाना॥ छेम्बा डोक्, माङ्हाङ्ङा धारमाबिधि माङ्हाङ् रिङ् काउग्बाचिलाम्मा मोसा पिडुए, मोसाम्बाक् याप्मिचि हिट्नुङ् माङ्हाङ्ङाना रिङ् काटोङ्बा लिसे॥ 20 हाट्ले इप्पाङ् याप्मि टोङ्मा कोन्चिचि भोने रिङ् काटोङ्बा याप्मि चाहाब् लियुक्, टरो माङ्हाङ् आप्पेङा आब्राहामलोक् चामारसिङा चोगुए, हिट्डेउङ् उन्लाउङ्सा खोना चा रिङ् काटोङ्बा चाहाब् लिनिना॥ 21 हिट्डे भोने पाक् धारमाबिधि माङ्हाङ्ङाना चामारसिङा एङ्फुट्ङि कोब्युक्नि टे? हिट्डे माखाक्॥ धारमाबिधिङा याप्मि ओछोङ्ग्वाट् चोला पिडुनाँ बे, हिट्ना पालान् चोगुङ् डोक् याप्मि माङ्हाङ् ओटोकानाङि फाट्टुर माले लिसे बे॥ 22 टरो धारमाछाप्लाङा आनि सोब्बे पापङाना आधिन्ङि लिसेइसिए नुङ् माट्टुटु, हिट्डेउङ् येसु खिरिस्टङि बिस्वास चोगुमुङ् एडोक् माङ्हाङ्ङा चोगुना चामारसिङा आनि टोगुम्टुम्॥ 23 टरो खिरिस्टङि बिस्वास चोक्माना खाबोर टामा पाइले धारमाबिधिङाना आधिन्ङि आनि वासेट्टिगा, हिट्नुङ् माङ्हाङ्ङा टायुगेट्ना बिस्वासङाना लाम्बो आनि मिनेट्मे सोम्मा धारमाबिधिङा आनि आरेक्टेसाना डाना॥ 24 हिड्डेउङ् बिस्वासलाम्मा आनि धारमोति उलिसियाक् नुङ् खिरिस्ट मिटाए सोम्मा धारमाबिधिङा आनि गोठाला आचोगे॥ 25 टरो हाट्ले आनि खिरिस्टङि बिस्वास चोगुम्टुम्, हाट्लेउङ्ना हिट्ना धारमाबिधि आनिलाउङ्सा गोठाले लिमा कोन्निना॥ माङ्हाङ् ओछालेट्चि 26 हाट्ले खानि सोब्बे बिस्वासलाम्मा डोक् खिरिस्ट येसुङि माङ्हाङ्ङाना ओछालेट्चि आलिसिएसिए॥ 27 पोङ्भोने खानि माड्डे कोइङा येसु खिरिस्टङाना उनिङ्ङि बाप्टिस्मा चोगुटु भोने, हिट्नाङा ओचोलाङि खिरिस्टङाना ओचोला लाडुटु॥ 28 हाट्ले खिरिस्ट येसुङि याहुदि याप्मि चा माखाक्, गिरिक् चा माखाक्, कामारा चा माखाक्, छुट्कारा टोगुना याप्मि चा माखाक्, येम्बेछा चा माखाक्, मेन्झेमा चा माखाक्, पोङ्भोने खिरिस्टङि खानि सोब्बे ठिक् एडोक् ए॥ 29 हिट्नुङ् हाट्लेउङ् खानि खिरिस्टङाना ओयाप्मिचि ए हिट्नुङ् खानि आब्राहाम ओछालेट्चि गाड्डे डोक् आलिसिएसिए, हिट्नुङ् माङ्हाङ्ङा आब्राहाम लाउङ्सा चोगुना चामारसिङा डोक् खानिङा चा आटोगुम्टुम्॥ |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.