Biblia Todo Logo
Bìoball air-loidhne

- Sanasan -

एफिसि 6 - आठपहरिया


पिच्‍छाचि लोक् मामा-पाबाचिलाउङ्‌सा साल्‍लाह

1 हाउ पिच्‍छाचि, खानि टाङ्‌बाङाना ओयाप्‌मिचि आलिसिनाँ खानि पाबा-मामाङा मालोडिगा रिङ् खेम्‍सानुम्, पोङ्‌भोने नाड्‌डे चोक्‍माउम्‍बाक् ओचेट्‌नु लियुक्॥

2 टाङ्‌बाङा आपिडाना पाइलेना आग्‍याँ हिट्‌नुङ् हिट्‌ना पालान् काचोक्‍बाङा इनाम टोगुटु नुङ् चामारसिङा चोगुना रिङ्‌म्‍बाक् नाड्‌डेना ए, “खानिङा पाबा-मामा मान् चोगानुम्‌चिम्,

3 हिट्‌नाडेउङ् खानिलाउङ्‌सा ओचेट्‌नु लियुक् हिट्‌नुङ् नाराङि याप्‍मा बेला सोम्‍मा आहिङिटि॥”

4 हाउ पाबा-मामाचि, खानि छाचिलाउङ्‌सा रेक् काट्‌मा मेट्‌नेनुम्‌चिम्, टरो हिट्‌नागा लाउङ्‌सा टाङ्‌बाङा निङ्‌ग्‍वा चोगु गाड्‌डे तालिम पिडानुम्‌चिम् हिट्‌नुङ् हिसिक्‍टानुम्‌चिम्॥


कामारा लोक् डाङ्‌बाङाना रिङ्

5 हाउ कामाराचि, ना नाराङिगा खानि डाङ्‌बाचिङा मालोडिगा रिङ् खेम्‍सानुम्॥ खानिङा खिरिस्‍टङाना सेवा आचोगुम् गाड्‌डे डोक् खानि निङ्‌ग्‍वालाम्‍मा डोक् आड्‌डिक् मान् चोगानुम्‌चिम्‍मुङ् उन्‌चि सेवा चोगानुम्॥

6 खानिङा खानि डाङ्‌बाचिगा रिङ् खेम्‍मा कोन्‌युक्, डाङ्‌बाचिङा खानि माकोडिलोक् आथाबा उन्‌चिलाम्‍मा होहोबास् टोक्‍मा एडोक् उन्‌चि रिङ् खेम्‍माना माखाक्॥ टरो खानि खिरिस्‍टङाना चाकार आलिसिनाँ माङ्‌हाङ्‌ङा निङ्‌ग्‍वा चोगु गाड्‌डे खानि निङ्‌ग्‍वालाम्‍मा डोक् चोगानुम्॥

7 याप्‌मिचि लाउङ्‌सा चोगि गाड्‌डे माखाक्, टरो टाङ्‌बा लाउङ्‌सा टोॽवा चोगि गाड्‌डे खानि निङ्‌ग्‍वालाम्‍मा डोक् टोॽवा चोगानुम्॥

8 खानिङा ना रिङ् मिट्‌टानुम्, चाकार नुङ् चा चाकार माखाक् नुङ् चा, ख्‍वाप्‍पा याप्‌मिचिङा उन्‌चिङा ओचोगुना ओचेट्‌नु टोॽवाङाना इनाम टाङ्‌बालाम्‍मा ओटोगुटु॥

9 हाउ डाङ्‌बाचि, खानि कामाराचि ओचेट्‌नु चाट्‌ला मेट्‌टानुम्‌चिम्, हिट्‌नुङ् हिट्‌नागा पाट्‌नेनुम्‌चिम्, पोङ्‌भोने खानि हिट्‌नुङ् खानि कामाराचिगा ठिक्‍ए डाङ्‌बा टोनालोग्‌ङि वाहेट् नुङ् मुन्‍नेनुम्॥ उन् खोनालेङ् चा केङ्‌निना॥


हाङ्‌साङाना हातियार बारे

10 हाट्‌ले आन्‍तेङि, टाङ्‌बाङाना ठेना ओबोल्‍ङा खानि बोल्‍लेउ लिसानि॥

11 उपिङ्‌बाचिङा चुङ्‌माउङ्‌सा हातियार ओखुयु गाड्‌डे खानिङा चा माङ्‌हाङ्‌ङा मापिडिगा हातियार खुयानुम्, हिड्‌डेउङ् सैतानङा खानि छालाँ चोक्‍मा माकोलिनाँ, खानिङा हिट्‌ना बिरोध चोक्‍मा आहिडुम्‍टुम्॥

12 पोङ्‌भोने आनिना खेमाबुङ्‌माम्‍बाक् याप्‌मिचिगा बिरुद्‌दाङि माखाक्, टरो आनिना खेमाबुङ्‌माम्‍बाक् ठेप्‍मा ठेट्‌निना साक्‌ति हिट्‌नुङ् आधिकारलोक्‍ना, हिट्‌नुङ् ना नाराङि सासान् काचोक् डुम्‍बारिक् डुम्‌ङिना साक्‌तिलोक्, हिट्‌नुङ् टाङ्‌साङि उलिगा पारिक् पारिक्‍गा टोम्‍गाचिगा हिट्‌नुङ् ओभेन्‍गा हाङ्‌साङागा साक्‌तिचिगा बिरुद्‌दाङि ए॥

13 हिट्‌नाड्‌डेउङ् माङ्‌हाङ्‌ङा मापिडिगा ख्‍वाप्‍पा हातियारचि खुयानुम्, हिड्‌डेउङ् उचाफेम्‍मा बेला खानिलाउङ्‌सा ओभेन्‍नाङा लाप्‍मा माकोलिनाँ हिट्‌ना छाक्‍मा आहिडुम्‍टुम्, हिट्‌नुङ् आन्‍ते सोम्‍मा आचुङियाक्‌टि चा खानि मिवान्‍ने येप्‍मा आहिडिटि॥

14 हिट्‌नुङ्‌ना सोरोक् टेयार लिसानि॥ छेम्‍बाना रिङ् पाइना हिट्‌ना लाडु, हिट्‌नुङ् हिट्‌नाम्‍बाक् पेटि गाड्‌डे डोक् काकामोरङि रेक्‍टु॥ हिट्‌नुङ् माङ्‌हाङ् ओटोकानाङि पाक् नुना हिट्‌ना चोगु, हिट्‌नुङ् हिट्‌नाम्‍बाक् छातिपाता गाड्‌डेना जुन्‍ङा काछाति जोगाँ चोगुटु॥

15 हिट्‌नुङ् आनि हाङ्‌हाङ् आपिना माङ्‌हाङ्‌ङाना नुना खाबोरङा खानि खेम्‍माबुङ्‌मा लाउङ्‌सा टेयार लिसानि॥ हिट्‌ना लाङ्‌सुप् गाड्‌डे डोक् वाडानुम्॥

16 हिट्‌टेप्‍मा एडोक् माखाक्, बिस्‍वासङि दोरो लिसानि, हिट्‌नाम्‍बाक् खानिना ढाल ए॥ जब याङ्‌छामा बेला सैतान खानिङि मि ओलाप्‍को गाड्‌डे डोक् टायुक्, टब खानिङा हिट्‌नागा बिस्‍वासलाम्‍मा सेप्‍मा आहिडुम्‍टुम्॥

17 माङ्‌हाङ्‌ङा आपिना मुक्‌टि लाडानुम्, हिट्‌ना खानि टोपि ए, हिट्‌नुङ् माङ्‌हाङ्‌ङाना रिङ् चालाङ् चोगानुम्, हिट्‌नाम्‍बाक् खानि चेप्‍सा ए, हिट्‌ना सेङ्‌सेङ्‌ना हाङ्‌साङा खानि मापिडिटि॥

18 माङ्‌हाङ् घुवार नाक्‍टानुमुङ् सोरोक् बिन्‌टि चोगायाक्‍टानि, हिट्‌नुङ् सोब्‍बे बेला सेङ्‌सेङ्‌ना हाङ्‌साङाना ओबोल्‌ङि बिन्‌टि चोगानि॥ सोरोक् ओछेक्‍छेक् लिसानि हिट्‌नुङ् ख्‍वाप्‍पा माङ्‌हाङ् ओयाप्‌मिचि लाउङ्‌सा सोरोक् बिन्‌टि चोगायाक्‍टानुम्॥

19 हिट्‌नुङ् आङा चेक्‍मा बेला पाक् माप्‍माना हिट्‌ना रिङ् माङ्‌हाङ्‌ङा याङ्उपियाक् नुङ् आङा लाउङ्‌सा बिन्‌टि याङ्‌चोगाबिडानि, हिट्‌डेउङ् आङा मिकिट्‌ङे माङ्‌हाङ्‌ङाना ठोबाना नुना खाबोर आरु लोमा हिडुङ्‌चिङ्‌चिङ्॥

20 आङा खिरिस्‍टङाना रिङ् कालो याप्‌मि, हिट्‌डेउङ् आङा खाम्‍बाङ्‌ङि ठाइसाङे॥ आङा खोड्‌डे पारिक् चेक्‍मा कोन्‌युक्‍ना हिट्‌ना पारिक् मिकेट्‌ङे चेक्‍मा उहिडुङ् नुङ् आङालोङ्‌सा बिन्‌टि याङ्‌चोगाबिडानि॥


आखेरिङाना स्‍या

21-22 आङा नाहि खोड्‌डे वाङेट्‌ङा हिट्‌नुङ् पाक् चोक्‍ङेट्‌ङाना हिट्‌ना रिङ् खानिङा ठाहा टोगानुम् नुङ् आङा तुखिकास खानिङि पाङ्‌सुङ्‌गेट्‌टुङ्॥ ना तुखिकास आनिना मायालु झान्‍झा ए, हिट्‌नुङ् उन् टाङ्‌बाङाना सेवा काचोक्‍बा बिस्‍वासिलो ए॥ उन्‍ङा डोक् आन्‍याँना बारेङि खानि मालोडिटि हिट्‌नुङ् खानि निङ्‌ग्‍वा बोल्‍लेउ माचोगिबिडिटि॥

23 ख्‍वाप्‍पा बिस्‍वासि भुम्‍भु-झान्‍झाचिलाउङ्‌सा माङ्‌हाङ् पाबा हिट्‌नुङ् डाङ्‌बा येसु खिरिस्‍टङा हाङ्‌हाङ् मापिड्‌याक्, हिट्‌नुङ् ठिबाङ्‌ङा आरको माया चोक्‍मा काहिबा हिट्‌नुङ् खिरिस्‍टङि बिस्‍वास चोक्‍मायाक्‍मा काहिबा माचोगियाक् नुङ् आङा बिन्‌टि चोगुङ्‌टुङ्॥

24 आनि डाङ्‌बा येसु खिरिस्‍टलोङ्‌सा माया काचोक्‌चि सोब्‍बेलोक् माङ्‌हाङ्‌ङाना मायादाया सोरोक् उलियाक्॥

© 2023, Wycliffe Bible Translators, Inc. and Nepal Bible Society

Wycliffe Bible Translators, Inc.
Lean sinn:



Sanasan