मुलिचेला टोॽवा 25 - आठपहरियाफेस्तास सोरि पावालङाना रिङ् 1 फेस्तास ठेना हाकिम आप्पे याहुदिया ओछेट्राङि टायाना सुम्बोक् लेम्बा ओएङ्स्वा कैसारियालाम्मा यरुसलेम खाडे॥ 2 हिट्नि गाडुवाडाङ्बाचि हिट्नुङ् याहुदिचिगा मुलि याप्मिचिङा उन्लोक् उटुबे हिट्नुङ् पावालङाना बिरुद्दाङि उन्चि रिङ् उयुङ्सुए॥ 3 हिट्नुङ् हिट्नागाँ फेस्तासङि “पावाल यरुसलेमङि याप्मि पाङ्साबिडा” नुङ् बिन्टि ओठाङ्सुए, पोङ्भोने हिट्नागाँ पावाल लाम्बोङि आप्युगेट्ना बेला डोक् सेप्माना निङ्ग्वा ओचोगुएसुना॥ 4 टरो फेस्तासङा हिट्नागा लोडुचे, “पावाल कैसारियाङि खाम्बाङ्ङि ओछाक्टुङ् उयुङ्सुएसुए, हिट्नुङ् आङा चा एला डोक् हिट्नि खाड्नागेट्नाँ॥ 5 हिट्डेउङ् खानि माड्डे आम्टेप्मा सासाक्चि आङालोक् ओखाट्युक् भोने पाङ्सानुम्चिम्॥ हिट्ना पावालङा ओचाफेन्ना टोॽवा चोगुएसुए भोने, हिट्नागाँ हिट्नि डोक् उजुरि चोक्मा उहिडुटु॥” 6 हिट्नुङ् फेस्तास साङ्लाम्मा ठिमेक् लेम्बा सोम्मा यरुसलेमङि युङे हिट्नुङ् कैसारियाङि नोक्टे, हिट्नुङ् हान्डेङ् लेम्बा उन् न्याए चोक्माना बैठाक्ङि युङाउङ् “पावाल आप्टानुम्” पिक्सा आग्याँ पिडुचे॥ 7 जब हिट्नागाँ पावाल हिट्नि ओटाडुए हिट्नुङ् यरुसलेमलाम्मा ओटायागा याहुदिचि पावाल पुप् उपुप्टुङ् नानाभाँटि लोसा फाट्टुर ओलाबुए॥ टरो हिट्नागाँ फाट्टुर ओलाबुना रिङ्ङाना पारमान् भोने पिमा उहिडुवाट्टुन्॥ 8 पावालङा हिट्नागा नाड्डे लोडुचे, “आङा याहुदि धारमाबिधिङाना बिरुद्दाङि, माङ्ठाना बिरुद्दाङि, हिट्नुङ् रोमि हाङ्ङाना बिरुद्दाङि पाक्चा ओचाफेन्ना टोॽवा चोक्निङ्गेट्निङ्ना॥” 9 याहुदिचि हारका उलियाक् नुङ् फेस्तासङा पावाल लोडुए, “पाक् खान् फाट्टुर मालाबाना रिङ्ङाना बारेङि टो यरुसलेमङि डोक् खान्ङाना न्याए आङा चोक्नाबिना नुङ् आमिट्निगेट्निनै?” 10 टरो पावालङा लोडुए, “आडाङ्बा, आङाउम्टे कैसारङाना न्याए चोक्माना बैठाक्ङि येबाइसाङे॥ नाहि डोक् आङाना न्याए लिमा कोन्युक्॥ आङा याहुदिचिगा बिरुद्दाङि पाक्चा ओचाफेन्ना टोॽवा चोक्निङ्गेट्निङ्ना नुङ् खान्ङा चा नुलोक् ठाहा आटोगुएसुए॥ 11 आङा ओचाफेन्ना टोॽवा चोगुएसुङे हिट्नुङ् सिमा डोक् कोन्ना टोॽवा चोगुएसुङे भोने, आङा सिमा चा टेयार लिङा॥ टरो नागाँ ओलाबाङ्ना फाट्टुर खेडोक्ना भोने, आङा साङा चा उन्चि मुक्ङि जिम्मा पिमा उहिनिङ्गा॥ हिट्नुङ् कैसारङा डोक् आङाना न्याए ओचोग्ङाबिङा नुङ् बिन्टि ठाङ्सुङ्टुङ्॥” 12 हिट्नुङ् फेस्तास उन् साल्लाह कापिबाचिलोक् मुन्डुप्टाउङ् पावाल लोडुए, “खान्ङा आङाना न्याए कैसारङा डोक् ओचोगुवाक् नुङ् बिन्टि आठाङ्सुए॥ हिड्नाड्डेउङ् आङा खान् कैसारङि डोक् पाङ्नाँ॥” हाङ्बा आग्रिपासलोक् फेस्तास मुन्डुप्टाना 13 आम्टेप्मा लेम्बा ओएङ्स्वा फेस्तास स्वागाट् चोक्ङा हाङ्बा आग्रिपास लोक् उन्झा बारनिकि कैसारियाङि खाडाचे॥ 14 हिट्नागाचि आम्टेप्मा लेम्बा कैसारियाङि युङाचे हिट्नुङ् फेस्तासङा पावाल फाट्टुर ओलाबुना बारेङि हाङ्बा आग्रिपास नाड्डे लोडुए, “नाहि फेलिक्सङा छाक्टुढोना ठिबाङ् याप्मि युङ्ग्वा॥ 15 आङा यरुसलेम वासाङ्ना बेला गाडुवाडाङ्बाचि हिट्नुङ् याहुदिचिगा ओठेडोङ्चिङा फाट्टुर ओलाबुङ् हिट्ना साजाए पिमा डोक् कोन्युक् पिक्सा ओमाट्टुए॥ 16 टरो आङा हिट्नागा लोडुङ्चिङे, ‘खोना याप्मि चा फाट्टुर ओलाबुना रिङ् मिटोक्ङे सोम्मा रोमि सारकारङाना धारमाबिधिङि साजाए पिमाना चालान् वाइना॥ हिट्नुङ् फाट्टुर ओलाबुना याप्मिङा फाट्टुर कालाब्बाचि याप्मिचि सोरि उन्ङा उरिङ् माप्मा टोग्मा कोन्युक्’॥ 17 जब हिट्नागा उछुमाउङ् नाहि ओटाए हिट्नुङ् आङा एला डोक् पावाल न्याए चोक्माना बैठाक्ङि टाडानुम् नुङ् आग्याँ पिडुङ्चिङे॥ 18 हिट्नुङ् पावाल बिरोध काचोक्चि ओकोबाउङ् उन् फाट्टुर लाब्मा ठालाँ ओचोगुए, टरो आङा मिट्टुङ् गाड्डे हिट्नागाँ पाक्चा ओचाफेन्ना रिङ्ङि फाट्टुर लाब्मा उहिडुवाट्टुन्॥ 19 टरो हिट्नागाँगा खेमाबुङ्माउम् उन्चिगा धारमाङिना बारेङि हिट्नुङ् सियाना येसु ओलोडुना याप्मिङाना बारेङि एडोक् रैछो॥ हिट्नुङ् पावालम्बाक् सियाना येसु उहिङ्ग्वाट् लिसाउङ् कोबे नुङ् पिग्ना रैछो॥ 20 हिट्नुङ् ना रिङ्ङाना बारेङि खोड्डे पारिक् छिनोफानो चोक्मा नुङ् आङा पाक्चा मिट्मा हिनेएट्निङ् हिट्नुङ् ना बारेङि रिङ्पान् चोक्मा यरुसलेमङि खाप्मा कानिङ्ग्वा युङ्ग्वानि नुङ् पावाल सिलाप्टुङे॥ 21 टरो उन्ङा रोमि साम्राटङा आङाना न्याए ओचोगुवाक् नुङ् बिन्टि ठाङ्सुए, हिट्नुङ् रोमि हाङ्ङि मिपाङ्ङे सोम्मा टिलिङ्गाचिङा हिट्ना नुलोक् ओकोडु नुङ् आग्याँ पिडुङ्चिङे॥” 22 हिट्नुङ् आग्रिपास हाङ्बाङा फेस्तास लोडुए, “ना याप्मिङाना बारेङि आङा आप्पे उरिङ् खेम्सुङ् नुङ् मिट्टाइसाङे॥” हिट्नुङ् फेस्तासङा लोडुए, “हान्डेङ् डोक् खान्ङा उरिङ् खेम्मा आटोगुटु॥” हाङ्बा आग्रिपास सोरि पावाल 23 हिट्नुङ् हान्डेङ् लेम्बा हाङ्बा आग्रिपास हिट्नुङ् बारनिकि नुगा नुगा लोट्लिङ् वाडाचुङ् गाजाबाजालोक् आबाचे॥ हिट्नुङ् हिट्नागाचि सेनापतिचि हिट्नुङ् खालाङ्गाङिगा मुलि याप्मिचिलोक् काचाहारि-कुन्डाल चोक्माना ठोङ्ङि लिगाचे॥ हिट्नुङ् फेस्तासङा पावाल आप्टानुम् लोडुचे, हिट्नुङ् उन् ओआप्टुए॥ 24 हिट्नुङ् फेस्तासङा माट्टुए, “आनि हाङ्बा आग्रिपास हिट्नुङ् नाहि वासेट्टिगा सोब्बे टाक्चि, याहुदिचि सोब्बेङा आङि फाट्टुर ओलाबुउङ् ओटाडुना याप्मि ना डोक्॥ ना याप्मि सेप्मा डोक् कोन्युक् नुङ् सोब्बे याहुदिचिङा यरुसलेमङि हिट्नुङ् कैसारियाङि चा बिन्टि ओठाङ्सुए॥ 25 टरो आङा ना याप्मि सेप्मा डोक् कोन्ना टोॽवा चोगुना आङा पाक्चा टुब्नेएट्निङ् हिट्नुङ् ना याप्मिङा आप्पे रोमि साम्राट सोरि बिन्टि ठाङ्सुङ्टुङ् नुङ् माट्टुनाँ आङा ना याप्मि रोमि साम्राट सोरि पाङ्माना निङ्ग्वा चोगुङे॥ 26 टरो ना याप्मिङाना बारेङि साम्राटलोङ्सा चिट्ठिङि छेप्माना मुलि रिङ् पाक्चा आङालोक् वाइना॥ नाड्डेउङ् आङा ना याप्मि खानि सोरि, हिट्नुङ् मुलिगारि आडाङ्बा हाङ्बा आग्रिपास सोरि आप्टुएसुङे॥ हिट्नुङ् खानिङा ना रिङ्ङाना मुलि रिङ् ठाहा आटोगुमे भोने, आङा छेप्माना रिङ् टोगुङ्टुङ् नुङ् आनिङ्ग्वाङि लोसाइसाङे॥ 27 पोङ्भोने कैदि याप्मिङाना बिरोधङि पाक्चा फाट्टुर ठाहा मिलेए सोम्मा कैसारङि पाङ्मा आङालोङ्सा ओचेट्नुना लिनिना॥” |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.