رُومِيَه 3 - كِتاب العَهد الجَّديد مِن الكِتاب المُقَدَّس

أمانَة الله

¹ عَلَشان دا، شِنو الخير فِشان إنتَ يَهودي؟ ولّا شِنو الفايدَه في الطَّهور؟

² كَتير مِن كُلّو طَريق. في الأوَّل، الله أدّاهُم كلمتو.

³ شِنو إذا كان بَعض مِنَّهُم ما كان عِندَهُم إيمان؟ عَلَشان هُم ما عِندَهُم إيمان، الله ما بِكون أمين؟

⁴ أبَداً! خَلّي الله يَكون أمين و كُلّو إنسان كَضّاب. زي المَكتوب: ”عَلَشان تِتبَرَّر، في كَلامَك، و تَغلِب لَمّا يَحكُمو عَليك.“

⁵ و لَكِن إذا ذَنبَنا يَوَرّي بِر الله، بِنقول شِنو؟ الله مُظلِم لَمّا يَجيب زَعلو عَلينا؟ بَتكَلَّم زي ما بِقولو النّاس.

⁶ أبَداً! إذا داك الحَق، كيف الله يَقدَر يَدين الدُّنيا؟

⁷ و لَكِن إذا بِكِضِبي حَق الله يَزيد لِمَجدو، لِشِنو بَعَد دا أنا أكون مَحكوم زي خاطي؟

⁸ لِشِنو ما نَقول: ”خَلّونا نَعمِل الشَّر عَشان الخير بِجي؟“ و بَعَد النّاس يَكَضِّبو عَلينا، و يَقولو أن نِحنا نَقول كِدا. دينونَة النّاس ديل عادِل.

ما في إنسان بار

⁹ بَعدين شِنو؟ نِحنا اليَهود أحسَن؟ مُش مُمكِن أبَداً! عَشانّا وَرينا أن اليَهود و ناس إغريقيين كُلَّهُم تِحِت الخَطيَّه.

¹⁰ زي ما هو مَكتوب: ”ما في إنسان بار و لا واحِد.

¹¹ ما في واحِد يَفهَم، ما في واحِد يَطلُب الله.

¹² كُلُّهُم إتلَفَتو مِن الله، و كُلّو واحِد مِنَّهُم بِقى بِدون فايدَه. ما في واحِد يَعمِل كوَيس، ما في، و لا واحِد.

¹³ خَشمُم قَبر مَفتوح، و بِغِشّو بِلِساناتُم. سِم دَبايب تِحِت شَفاهُم.

¹⁴ و خَشمُم مَليان لَعنَه مُرَّه.

¹⁵ كِرعينُم يَمشو قَوّام عَشان يَكتُل.

¹⁶ خَراب و مُصيبَه في سِكّتُم.

¹⁷ و ما بِعرِفو سِكَّة السَّلام.

¹⁸ و ما في خوف الله قِدّام عُيونُم.“

¹⁹ و نِحنا بِنَعرِف، كُل البِقولو القانون يَقولو ليهُم التِحِت القانون، عَشان يَقفِل كُلّو خَشم، و كُل الدُّنيا يَبقى تِحِت دينونَة الله.

²⁰ عَلَشان كِدا، و لا زول يِتبَرَّر قِدّام الله بِأعمال القانون، عَشان بِالقانون يَجي مَعرِفَة الخَطيَّه.

البِر بِالإيمان

²¹ لَكِن هَسَّع بِر الله ظَهَر بِدون القانون، و القانون و الأنبياء يَشهَدو ليهو.

²² و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

²³ عَشان كُل النّاس عَمَلو خَطيَّه و إحتاجو لِمَجد الله.

²⁴ و يِتبَرَّرو مَجّاناً، بِنِعمَتو، بِالفِداء الجّا بِيَسُوع المَسيح.

²⁵ الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

²⁶ هو عَمَل دا عَشان يَوَرّي بِرّو هَسَّع عَشان هو نَفسو بار و يَبَرِّر البِآمِن بِيَسُوع.

²⁷ و كِدا، وين الكِبِر؟ ما في مَكان ليهو. و السَّبَب شِنو؟ عَشان نِحنا بِنطيع القانون؟ أبَداً! لَكِن عَشان بِنآمِن.

²⁸ عَشان نِحنا نَحسِب أن الزّول يِتبَرَّر بِالإيمان بِدون أعمال القانون.

²⁹ الله لِليَهود بَس؟ هو ما لِلأُمَم كَمان؟ أيوَه، لِلأُمَم كَمان.

³⁰ عَلَشان الله واحِد. و هو يَبَرِّر المُطَهَّر بِالإيمان و الما مُطَهَّر بِالإيمان.

³¹ و كِدا نَبَطِّل القانون بِالإيمان؟ أبَداً! لَكِن نَثَبِّت القانون.