مَتَّى 1 - كِتاب العَهد الجَّديد مِن الكِتاب المُقَدَّس

¹ كِتاب ميلاد يَسُوع المَسيح وَلَد دَاوُد، وَلَد إِبْرَاهِيم.

حِساب أجيال يَسُوع

² إِبْرَاهِيم وِلِد إِسْحَاق، و إِسْحَاق وِلِد يَعْقُوب، و يَعْقُوب وِلِد يَهُوذَا و أخوانو.

³ و يَهُوذَا وِلِد فَارِص و زَارَح مِن ثَامَار. و فَارِص وِلِد حَصْرُون، و حَصْرُون وِلِد أَرَام.

⁴ و أَرَام وِلِد عَمِّينَادَاب. و عَمِّينَادَاب وِلِد نَحْشُون، و نَحْشُون وِلِد سَلْمُون،

⁵ و سَلْمُون وِلِد بُوعَز مِن رَاحَاب. و بُوعَز وِلِد عُوبِيد مِن رَاعُوث، و عُوبِيد وِلِد يَسَّى،

⁶ و يَسَّى وِلِد دَاوُد المَلِك. و دَاوُد وِلِد سُلَيْمَان مِن مَرَة أُورِيَّا.

⁷ و سُلَيْمَان وِلِد رَحَبْعَام، و رَحَبْعَام وِلِد أَبِيَّا، و أَبِيَّا وِلِد آسَا.

⁸ و آسَا وِلِد يَهُوشَافَاط، و يَهُوشَافَاط وِلِد يُورَام، و يُورَام وِلِد عُزِّيَّا.

⁹ و عُزِّيَّا وِلِد يُوثَام، و يُوثَام وِلِد آحَاز، و آحَاز وِلِد حِزْقِيَّا.

¹⁰ و حِزْقِيَّا وِلِد مَنَسَّى، و مَنَسَّى وِلِد آمُون، و آمُون وِلِد يُوشِيَّا.

¹¹ و يُوشِيَّا وِلِد يَكُنْيَا و أخوانو، وَكِت ما شالوهو لِبابِل.

¹² و بَعَد ما شالوهو لِبابِل، يَكُنْيَا وِلِد شَأَلْتِئِيل، و شَأَلْتِئِيل وِلِد زَرُبَّابِل،

¹³ و زَرُبَّابِل وِلِد أَبِيهُود، و أَبِيهُود وِلِد أَلِيَاقِيم، و أَلِيَاقِيم وِلِد عَازُور.

¹⁴ و عَازُور وِلِد صَادُوق، و صَادُوق وِلِد أَخِيم، و أَخِيم وِلِد أَلِيُود.

¹⁵ و أَلِيُود وِلِد أَلِيعَازَر، و أَلِيعَازَر وِلِد مَتَّان، و مَتَّان وِلِد يَعْقُوب.

¹⁶ و يَعْقُوب وِلِد يُوسِف، راجِل مَرْيَم، المِنَّها كان مَولود يَسُوع الإسمو المَسيح.

¹⁷ عَلى كِدا، كُل الأقسام مِن إِبْرَاهِيم لِدَاوُد كانو أربَعتاشَر قِسم، و مِن دَاوُد لِغايَة الوَكِت الشّالوهو لِبابِل، أربَعتاشَر قِسم، و مِن الوَكِت الشّالوهو لِبابِل لِغايَة ما جا المَسيح، أربَعتاشَر قِسم.

وِلادَة يَسُوع

¹⁸ و ميلاد يَسُوع المَسيح كان زي دا: لَمّا يُوسِف كان عَمَل التَّرتيب عَشان يِتزَوَّج مَرْيَم، قُبّال ما إتلَمّو، هي بِقَت حامِل مِن الرّوح القُدُس.

¹⁹ و راجِلا يُوسِف الكان عَديل، و ما رَضيان أن يَعمِلا خَجلانَه، كان عاوِز يَخَلّيها بِالسِّر.

²⁰ لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس.

²¹ و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

²² و كُلّو دا كان عَلَشان يَتِم الكَلام الرَّب قال بِالنَّبي:

²³ ”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“ دا يَعني: ”الله مَعانا.“

²⁴ و لَمّا يُوسِف قام مِن النّوم، عَمَل زي ما مَلاك الرَّب أمَرو، و أخَد مَرَتو.

²⁵ و هو ما عِرِفا زي زوجَتو لِغايَة ما مَرْيَم وِلدَت وَلَدا. و هو سَمّاهو يَسُوع.