يَعْقُوب 4 - كِتاب العَهد الجَّديد مِن الكِتاب المُقَدَّس

طيعو الله

¹ مِن وين الهُروب و الشَّكلات بينكُم؟ ما مِن شَهوَه البِحارِبو في عُدوانكُم؟

² تَدورو و ما بِتحَصِّلو عَليهو. تَكتُلو و تَطمَعو فيهو و لَكِن ما بِتَقدَرو تَحَصِّلو عَليهو. تَشاكِلو و تَحارِبو. و ما تَحَصِّلو عَليهو عَشان ما تَطلُبو.

³ لَمّا تَطلُبو ما تاخدو، عَشانكُم تَطلُبو بِغَلطَه، عَشان تَصرُفوهو عَلى سُروركُم.

⁴ يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

⁵ ولّا تَفتَكِرو الكِتاب يَقول بِدون سَبَب: ”الرّوح العَمَّلو يَسكُن فينا يَحِب لِلحَسَد؟“

⁶ لَكِن هُوَ يَدّي نِعمَه زِيادَه. عَشان كِدا، الكِتاب يَقول: ”الله يَقاوِم المَتكَبِّرين، و لَكِن يَدّي نِعمَه لِلمِتواضِعين.“

⁷ طيعو الله. قاوِمو إبْلِيس و هو بِهرُب مِنَّكُم.

⁸ قَرِّبو لِلَّه و هو بِقَرِّب ليكُم. غَسِّلو إيدينكُم، يا خاطيين، و نَضِّفو قُلوبكُم، إنتو العِندَكُم فِكرين.

⁹ أحزِنو كورِكو و أبكو. غَيِرو ضِحِكُّم لِبِكى، و فَرَحكُم لِحُزن.

¹⁰ كونو مِتواضِعين قِدّام الرَّب، و هو بِرفَعكُم.

¹¹ يا أخوان، ما تِتكَلَّمو الشَّر بَعضَكُم بَعض. البِتكَلَّم الشَّر عَلى أخوهو ولّا يَحكُم عَلى أخوهو، يتكَلَّم ضِد القانون، و يَحكُم عَلي القانون. و إذا تَحكُم عَلى القانون، إنتَ ما عامِل بِالقانون، لَكِن إنتَ قاضي ليهو.

¹² البِدّي القانون و القاضي واحِد بَس، هو البِقدَر يَخَلِّص و يَهلِك. مِنو إنتَ، يا البِحكُم عَلى قَريبَك؟

¹³ هَسَّع أسمَعو، يا البِقولو: ”نَمشي اللّيلَه دي ولّا بُكرَه لِلمَدينَه دي ولّا ديك، و هِناك نَقعُد سَنَه و نَتاجِر و نَربَح.“

¹⁴ و إنتو ما بِتَعرِفو الماشي يَحصَل بُكرَه. حَياتكُم شِنو؟ إنتو دُخان يَظهَر لِوَكِت قَليل و يَفوت.

¹⁵ بَدَل مِن دا، لازِم تَقولو: ”إن شاء الرَّب، بِنعيش و بِنَعمِل دا ولّا داك.“

¹⁶ لَكِن هَسَّع بِتَشكُرو و بِتَرفَعو نُفوسكُم. كُلّو كِبِر زي دا شَرّير.

¹⁷ البِيَعرِف يَعمِل الخير و ما بيَعمِلو، داك خَطيَّه ليهو.