عِبرانيين 5 - كِتاب العَهد الجَّديد مِن الكِتاب المُقَدَّس

¹ و هُم ياخُدو كُلّو رَئيس قُسُس مِن بين النّاس. و يَختاروهو فِشان النّاس في حاجات الله، عَشان يَقَدِّم هَدايا و ضَبايح عَن الخَطايا.

² و هو بِقدَر يَرحَم ديل الما عِندَهُم مَعرِفَه و البِضَيعو السِّكَّه، عَلَشان هو نَفسو عِندو الضُّعف حَوَليهو.

³ و بِالسَّبَب دا، هو لازِم يَقَدِّم ضَبايح عَن الخَطايا لِنَفسو، زي ما يَقَدِّم لِلنّاس.

⁴ و ما في واحِد ياخُد الإحتِرام دا لِنَفسو، إلّا إذا الله يَناديهو، زي ما هو نادى هارون كَمان.

⁵ و كِدا كَمان، المَسيح ما أخَد المَجد لِنَفسو عَشان يَبقى رَئيس قُسُس. لَكِن الله قال ليهو: ”إنتَ إبني، أنا وَلَدتَك اليوم دا.“

⁶ زي ما يَقول في مَحَل تاني: ”إنتَ قَسّيس لِلأبَد، زي التَّرتيب بِتاع مَلكِصادَق.“

⁷ و في أيام حَياتو عَلى الأرض، يَسُوع قَدَّم صَلَوات و طَلَبات بِكوراك شَديد و دِموع لِلَّه، القِدِر يَخَلِّصو مِن الموت. و الله سِمِع ليهو، عَلَشان هو كان بِخاف الله.

⁸ و مَعَ إنّو إبن، هو إتعَلَّم أن يَطيع بِالحاجات الهو تِعِب فيها.

⁹ و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

¹⁰ و الله سَمّاهو رَئيس قُسُس زي التَّرتيب بِتاع مَلكِصادَق.

حَذَر عَن الوقوع

¹¹ و عِندَنا كَلام كَتير عَن دا، و صَعب عَشان يَتَرجِم، عَلَشانكُم بِقيتو تُقال في السَّمَع.

¹² و بِالحَق، الوَكِت جا لَمّا إنتو لازِم تَكونو مُعَلِّمين. لَكِن إنتو تَحتاجو لِواحِد يَعَلِّمكُم مِن جَديد بِدايَة تَعاليم كِلمَة الله. إنتو تَحتاجو لِللَّبَن، مُش لِلأكِل القَوّي.

¹³ عَشان كُلّو واحِد البِشرَب اللَّبَن، ما عِندو إختِبار في كَلام البِر، عَلَشان هو طِفل.

¹⁴ لَكِن الأكِل القَوّي هو ليهُم البِقو كامِلين و دايماً إستَعمَلو عَقلُم عَشان يَحكُمو بين الكَويس و البَطّال.