عِبرانيين 4 - كِتاب العَهد الجَّديد مِن الكِتاب المُقَدَّس

راحَه لِشَعب الله

¹ الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

² و هُم بَشَّرونا بِالإنجيل زي ما بِشَّرو ديل، لَكِن الكِلمَه الهُم سِمِعوهو ما كانَت عِندَها فايدَه ليهُم. و دا عَلَشان ديل السِّمِعوهو ما لَخبَطوها بِالإيمان.

³ عَشان نِحنا الآمَنّا نَدخُل الرّاحَه، زي ما هو قال: ”عَلَشان كِدا، حَلَفتَ في غَضَبي، هُم ما بِدخُلو راحَتي أبَداً!“ و لَكِن هو كَمَّل الأعمال مِن خَليقَة الدُّنيا.

⁴ عَشان هو قال في مَحَل تاني عَن اليوم السّابِع: ”الله إستَراح في اليوم السّابِع مِن كُلّو أعمالو.“

⁵ و في المَحَل دا تاني مَرَّه هو قال؛ ”هُم ما بِدخُلو راحَتي أبَداً!“

⁶ و هُم، البَشَّرو ليهُم في الأوَّل، ما دَخَلو عَلَشان هُم ما طاعو. و لَكِن لِسَّع في بَعض مِن النّاس البِدخُلو في الرّاحَه ديك.

⁷ عَلَشان كِدا، الله جَهَّز كَمان يوم إسمو النَّهار دا. و هو إتكَلَّم بِدَاوُد بَعَد مُدَّه طَويلَه، زي ما إتكَلَّم مِن قُبّال: ”النَّهار دا إذا تَسمَعو صوتو، ما تَخَلّو روسينكُم يَكونو قَوّيين.“

⁸ عَشان إذا يَشُوع كان أدّا راحَه ليهُم، الله ما كان إتكَلَّم بَعَد دا عَن يوم تاني.

⁹ عَلَشان كِدا، راحَة سَبِت تِستَمِر لِشَعب الله.

¹⁰ عَشان أي واحِد البِدخُل راحَتو، هو كَمان إستَراح مِن أعمالو زي ما الله إستَراح مِن أعمالو.

¹¹ عَلَشان كِدا، خَلّونا نَتعَب عَشان نَدخُل في الرّاحَه ديك. و نَخاف يِمكِن واحِد يَعمِل زي ما هُم عَمَلو لَمّا ما طاعو.

¹² عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

¹³ ما في أي حاجَه مَدسوسَه مِن الله، لَكِن كُلّو حاجَه عَريانَه و مَفتوحَه قِدّام عُيون الله. و نِحنا لازِم نَدّيهو حِساب.

يَسُوع رَئيس القُسُس العَظيم

¹⁴ عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

¹⁵ عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

¹⁶ عَلَشان كِدا، خَلّونا نَقَرِّب بِتأكيد لِكُرسي النِّعمَه، عَشان نَقبَل رَحمَه و نَلقى نِعمَه لِلمُساعِدَه في وَكِت الإحتِياج.