غَلَاطِيَّه 6 - كِتاب العَهد الجَّديد مِن الكِتاب المُقَدَّس

عَمَل الخير لِلكُل

¹ يا أخوان، إذا الذَّنب مَسَك بِواحِد، النّاس الرّوحيين بينكُم يَرَجِعوهو بِروح الوَداعَه. لَكِن شوف نَفسَك. يِمكِن إنتَ كَمان تَكون مُجَرَّب.

² شيلو الأحمال بَعضَكُم بَعض، و كِدا تَكَمِّل قانون المَسيح.

³ و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

⁴ لَكِن خَلّي كُلّو واحِد يَمتَحِن العَمَل بِتاعو. و بَعَد دا بِقدَر يَشكُر نَفسو بَس، و مُش واحِد تاني.

⁵ عَشان كُلّو واحِد بِشيل الحِمِل بِتاعو.

⁶ خَلّي أي واحِد البِتعَلَّم الكِلمَه يَدّي جُزو لِمُعَلِّمو مِن كُل الحاجات الكوَيسَه.

⁷ ما تَغِشّو نُفوسكُم. واحِد ما بِقدَر يَضحَك عَلى الله. الشّي البِزرَعو الزّول، هو بِلِمّو كَمان.

⁸ عَشان البِزرَع لِجِسمو، هو مِن جِسمو بِلِم الخَراب. و البِزرَع لِلرّوح بِلِم الحَياة الأبَديَّه.

⁹ و ما نَكون تَعبانين في عَمَل الخير، عَشان بِنلِم في وَكِت الحَصاد إذا ما نَكون بِدون رَجاء.

¹⁰ عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

مُش طَهور لَكِن خَليقَه جَديدَه

¹¹ شوفو بِأي حُروف كَبيرَه بَكتِب ليكُم بِإيدي!

¹² كُل البِدور يَعمِلو مَنظَر سَمِح في الجِّسِم يَجبُروكُم تَكونو مُطَهَّرين، حَتّى النّاس ما يَطرُدوهُم فِشان صَليب المَسيح.

¹³ عَشان المُطَهَّرين، هُم نُفوسُم، ما بِحفَظو القانون. لَكِن هُم عاوزينكُم تَكونو مُطَهَّرين عَشان يَمَجِّدو جِسِمكُم.

¹⁴ خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

¹⁵ عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

¹⁶ السَّلام و الرَّحمَه عَلى كُل النّاس البِمشو بِحَسَب القانون دا، و عَلى إِسْرَائِيل الله.

¹⁷ مِن الوَكِت دا، واحِد ما يَتَعِّبني أكتَر، عَشانّي شايل في جِسمي عَلامات الرَّب يَسُوع.

¹⁸ نِعمَة رَبَّنا يَسُوع المَسيح مَعَ روحكُم، يا أخوان! آمين.