غَلَاطِيَّه 5 - كِتاب العَهد الجَّديد مِن الكِتاب المُقَدَّس

حُرّيَّه في المَسيح

¹ عَشان المَسيح حَرَّرنا بِالحُرّيَّه دي، كونو ثابِتين فيها، و ما تَرجَعو تَطيعو لِنير العُبوديَه.

² شوفو! أنا بُولُس بَقول ليكُم: إن طَهَّروكُم، المَسيح ما عِندو فايدَه ليكُم.

³ و أشهَد كَمان لِكُلّو زول مُطَهَّر، هو لازِم يَطيع القانون كُلّو.

⁴ إنتو العاوزين تِتبَرَّرو بِالقانون، قَطَعوكُم مِن المَسيح، و وَقَعتو مِن النِّعمَه.

⁵ عَشان نِحنا بِالرّوح، بِالإيمان، نِستَنّا رَجاء البِر.

⁶ عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

⁷ كُنتو بِتَجرو كوَيس. مِنو وَقَّفكُم حَتّى ما تَطيعو الحَق؟

⁸ العَمَل دا مُش مِن البِناديكُم.

⁹ خَميرَه صَغَيرَه تَشتَغِل في كُل العَجين.

¹⁰ أنا مِتَّكِل عَليكُم في الرَّب، إنتو ما بِتَفتَكِرو حاجَه تانيَه. أي زول اليَلَخبِتكُم، ماشي يِتحَمَّل الحُكم.

¹¹ لَكِن أنا، يا أخوان، إذا كان لِسَّع بَنادي بِالطَّهور، لِشِنو لِسَّع بِطرُدوني؟ في الحالَه ديك، عَترَة الصَّليب فاتَت.

¹² أنا عاوِز اليَطَهِّروكُم، يَقطَعو نُفوسُم كَمان!

حَياة بِالرّوح

¹³ يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

¹⁴ عَشان كُل القانون يَتِم في كِلمَه واحدَه: ”حِب قَريبَك زي نَفسَك.“

¹⁵ و إذا تَعُضّو و تَبلَعو بَعضَكُم بَعض، شوفو عَشان ما تَخَرِّبو بَعضَكُم بَعض.

¹⁶ عَشان كِدا بَقول، أمشو بِالرّوح، و كِدا ما بِتكَمِّلو شَهوات الجِّسِم.

¹⁷ عَشان شَهوات الجِّسِم تَعاكِس الرّوح، و الرّوح يَعاكِس الجِّسِم. الإتنين ديل يَعاكِسو، واحِد مِنَّهُم عَلى التّاني، حَتّى ما تَعمِلو العاوزينو.

¹⁸ لَكِن إذا كان الرّوح يَقودكُم، إنتو ما تِحِت القانون.

¹⁹ و أعمال الجِّسِم بيّنَه، و هي الزِّنا، و النَّجاسَه، و السَّفاهَه،

²⁰ و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

²¹ و الطَّمَع، و السُّكر، و الحَفلات البَطّالَه، و حاجات زي دي. أحَزِّركُم مِنَّها كَمان، زي ما حَزَّرتَكُم قُبّال دا. البِعمِلو حاجات زي دي، ما بِيورَثو مَلَكوت الله.

²² لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

²³ و الوَداعَه، و مَسِك النَّفس. و ما في قانون ضِد حاجات زي دي.

²⁴ لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

²⁵ إذا نَعيش بِالرّوح، خَلّونا نَمشي كَمان بِحَسَب الرّوح.

²⁶ واجِب عَلينا أن ما نَشكُر نُفوسنا، ولّا نَزَعِّل بَعَضَنا بَعض، ولّا نَحسُد بَعَضَنا بَعض.