أعمال الرُّسُل 26 - كِتاب العَهد الجَّديد مِن الكِتاب المُقَدَّس

بُولُس قِدّام مَلِك أَغْرِيبَاس

¹ و أَغْرِيبَاس قال لِبُولُس: ”عِندَك إذِن تِتكَلَّم فِشان خاطِر نَفسَك.“ و كِدا بُولُس مَدَّ إيدو وإبتَدا يتكَلَّم:

² ”أنا أحسِب نَفسي مَبسوط، يا مَلِك أَغْرِيبَاس، عَلَشان انا ماشي أتكَلَّم فِشان نَفسي اللّيلَه دي قِدَّامَك عَن كُل البِشتَكوني بيهو اليَهود.

³ و خُصوصاً فِشان إنتَ بِتَعرِف كُل العادات و القَضايا بين اليَهود. عَلَشان كِدا، بَطلُب ليك تَسمَعني بِالصَّبر.

⁴ كُل اليَهود بِيَعرِفو المَشي بِتاعي مِن وَكِت كُنتَ وَلَد. و كيف مِن بِدايَة حَياتي، كُنتَ بَعيش بين أُمَّتي و في أُورُشَلِيم.

⁵ و بِيِعرِفوني مِن وَكِت طَويل، و إذا هُم رَضيانين، يَقدَرو يَشهَدو لَي، أنا عِشتَ فرِّيسي بِحَسَب حِزب الدّين بِتاعنا الأشَد.

⁶ و هَسَّع أنا واقِف أحاكِم عَلى رَجاء الوَعَد بيهو الله أبَهاتنا.

⁷ و دا الوَعَد، الإتناشَر قَبيلَه بِتاعنا يَنتَظِرو عَشان يَتِم ليهُم. و هُم بِخدِمو الله بِالتَّعب، ليل و نَهار. فِشان الرَّجاء دا، اليَهود إشتَكو عَلي، يا مَلِك.

⁸ لِشِنو واحِد مِنَّكُم يَفتَكِر ما مُمكِن يَصَدِّق أن الله بِقَوِّم المَيِّتين؟

⁹ و أنا كَمان كُنتَ بَفتَكِر في نَفسي لازِم أسَوّي حاجات كَتيرَه ضِد إسِم يَسُوع النّاصِري.

¹⁰ و سَوّيت كِدا في أُورُشَلِيم. و أنا نَفسي خَتّيت في سِجِن كَتيرين مِن القِدِّسين، بَعَد ما أخَدتَ سُلطَه مِن القُسُس الكُبار. و لَمّا كانو يَكتُلوهُم، أنا كُنتَ بَدّي صوتي ضِدُّم.

¹¹ و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

¹² و لَمّا كُنتَ ماشي لِدِمَشق بِسُلطَه و أمر مِن القُسُس الكُبار،

¹³ كُنتَ في الطَّرِيق، يا مَلِك، و شُفتَ في نُص النَّهار نور مِن السَّما. و النّور دا كان يَفوت عَلى نور الشَّمِش و يَنَوِّر حَواليهم، و حَول النّاس الماشين مَعاي.

¹⁴ و لَمّا كُلُّنا وَقَعنا عَلى الأرض، سِمِعتَ صوت يَقول لَي بِّاللُغَه العِبرانيَّه: شَاوُل، شَاوُل، لِشِنو تَطرُدني؟ صَعب عَليك بِتقاوِمني.

¹⁵ و أنا قُلتَ: مِنو إنتَ، يا سَيِّدي؟ و الرَّب قال: أنا يَسُوع الأنتَ بِتَطرُدو.

¹⁶ و لَكِن، قوم و أقيف عَلى رِجلينَك. عَشان أنا ظَهَرتَ ليك لِدا، عَشان أختارَك تَكون خَدّام و شاهِد بِالحاجات الشُّفتو فِيني، و بِالماشي أوَرّيهو ليك.

¹⁷ و أنا بَخَلِّصَك مِن الشَّعب و مِن الأُمَم. و هَسَّع بَرَسِّلَك ليهُم

¹⁸ عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

¹⁹ عَلَشان كِدا، يا مَلِك أَغْرِيبَاس، ما أبيت أعمِل زي ما الرَّب قال لَي في الرّؤيَه السَّماويَّه.

²⁰ لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

²¹ بِالسَّبَب دا، اليَهود قَبَضوني في الهيكَل و جَرَّبو يَكتُلوني.

²² و لَكِن فِشان كانَت عِندي مُساعَدَه مِن الله، قَعَدتَ لِليوم دا، شاهِد لِلصَّغير و الكَبير. أنا ما بَقول حاجَه إلّا القالو الأنبياء و مُوسَى إنّو بِكون.

²³ يَعني، المَسيح بِتوَجَّع و بِكون هو أوَّل واحِد البِقوم مِن بين المَيِّتين، و يَخَبِّر بِالنّور لِلشَّعب و لِلأُمَم.“

²⁴ و وَكِت بُولُس كان بِتكَلَّم فِشان نَفسو، فَسْتُوس قال بِصوت عالي: ”إنتَ مَجنون، يا بُولُس! مَعرِفتَك العَظيمَه عَمَلَتَك تَكون مَجنون.“

²⁵ و بُولُس قال: ”أنا ما مَجنون، يا أَغْرِيبَاس المُحتِرَم، لَكِن بَتكَلَّم كِلمات الحَق و المَعقول.

²⁶ و المَلِك بِيَعرِف بِالحاجات دي، و أنا بَقدَر أتكَلَّم قِدّامو بِالحُرّيَّه. و ما بَصَدِّق أي حاجَه مِن داك مَدسوسَه مِنّو، عَلَشان دا ما حَصَل في رُكن.

²⁷ إنتَ بِتآمِن بِالأنبياء، يا مَلِك أَغْرِيبَاس؟ أنا بَعرِف إنتَ بِتآمِن.“

²⁸ و أَغْرِيبَاس قال لِبُولُس: ”إنتَ بِقَليل داير تَعمِلني مَسيحي؟“

²⁹ و بُولُس قال: ”كُنتَ بَصَلّي لِلَّه بِقَليل ولّا بِكَتير، ما إنتَ بَس، لَكِن كُل البِسمَعوني اللّيلَه كَمان، يَبقو كِدا زي ما أنا، إلّا الجَّنازِير ديل.“

³⁰ و قام المَلِك و المُدير و بَرْنِيكِي و القَاعِدين مَعاهُم.

³¹ و وَكِت ما هُم يَمرُقو، كانو بِقولو بَعضَهُم لِبَعض: ”الإنسان دا ما عَمَل شي يِستَحِق الموت ولّا الجَّنازِير.“

³² و أَغْرِيبَاس قال لِفَسْتُوس: ”كان مُمكِن نَفِك الإنسان دا، إذا ما كان رَفَع طَلَبو لِقَيصَر.“