١ تِيمُوثَاوُس 4 - كِتاب العَهد الجَّديد مِن الكِتاب المُقَدَّس

تَعليم لِتِيمُوثَاوُس

¹ و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

² تَعليم زي دا بِجي مِن ناس كَضّابين البِغِشّو، و ضَمايرُم مَحروقين زي بِمَكوَه سُخنَه.

³ هُم يَمنَعو النّاس مِن العِرِس. و يأمُروم ما ياكلو بَعَض الأكِل. لَكِن الله خَلَقو عَشان المؤمِنين و اليَعرِفو الحَق يَقبَلوهو بِالشُّكر.

⁴ عَشان كُل الخَلَقو الله كوَيس، و ما لازِم نابا أي شي إذا ناخُدو بِالشُّكر.

⁵ عَلَشان يَكون مُقَدَّس بِكِلمَة الله و الصَّلاه.

⁶ إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

⁷ كون بَعيد مِن حِكايات الكُبار في السِّن بِتاع السّوق، و عَلِّم نَفسَك خوف الله.

⁸ عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

⁹ و الكِلمَه دي أمينَه و تِستَحِق كُلّو قُبول.

¹⁰ و عَشان دا نَتعَب و نَشتَغِل شَديد، عَلَشان خَتّينا رَجاءنا في الله الحَي، مُخَلِّص كُل النّاس، خُصوصاً المؤمِنين.

¹¹ آمُر و عَلِّم الحاجات دي.

¹² ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

¹³ لِغايَة ما بَجي، خَلّي بالَك لِلقِرايَه، و بَشِّر و عَلِّم.

¹⁴ ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

¹⁵ خُت بالَك في الحاجات دي، و أَدِّي نَفسَك ليها، عَشان كُلّو واحِد بِشوف كيف إنتَ تِتقَدَّم.

¹⁶ شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.