١ تِيمُوثَاوُس 2 - كِتاب العَهد الجَّديد مِن الكِتاب المُقَدَّس

تَعليم عَن العِبادَه

¹ و بَطلُب قَبل كُلّو حاجَه، تَقَدِّمو طَلَبات و صَلَوات و وَساطَه و شُكر فِشان كُل النّاس،

² عَشان المُلوك و كُل العِندَهُم سُلطَه عَلَشان نَعيش حَياة بِسَلام و سُكوت في كُلّو خوف الله و قَداسَه.

³ عَشان دا كوَيس و مَقبول قِدّام الله مُخَلِّصنا.

⁴ و هو عاوِز كُل النّاس يَكونو مُخَلَّصين و يَجو لِمَعرِفَة الحَق.

⁵ عَشان في الله واحِد و وَسيط واحِد بين الله و النّاس، و هو الإنسان المَسيح يَسُوع،

⁶ الأدّا نَفسو فِداء عَن كُل النّاس، و دي الشِّهادَه في وَكتو الموافِق.

⁷ و لِلقَصِد دا كُنتَ مُختار أكون مُبَشِّر و رَسول. (أنا بَقول الحَق و ما بَكَضِّب.) و أنا مُعَلِّم لِلأُمَم في الإيمان و الحَق.

⁸ عَلَشان كِدا، أنا بَدور الرُّجال في كُلّو مَحَل يَصَلّو و يَرفَعو إيدينُم القُدُّوس، بِدون زَعل ولّا شَكَل.

⁹ و زي دا بَدور النِّسوان يَلبَسو بِتَرتيب موافِق، بِأدَب و عَقل، مُش بِشَعر مُضَفَّر و الدَّهَب ولّا لولي ولّا هِدوم غالي.

¹⁰ لَكِن يَلبَسو الأعمال الكوَيسَه زي ما يِستَحِق لِلنِّسوان البِقولو هُم يَخافو الله.

¹¹ خَلّي المَرَه تِتعَلَّم في سُكوت بِكُلّو تَواضُع.

¹² و أنا ما بَدّي إذِن لِلمَرَه تَعَلِّم ولّا تَكون رَئيس عَلى الرّاجِل، لَكِن هي لازِم تَسكُت.

¹³ عَشان الله خَلَق آدَم في الأوَّل، بَعدين حَوا.

¹⁴ آدَم ما كان مَغشوش، لَكِن المَرَه كانَت مَغشوشَه، و بِقَت خَاطيَه.

¹⁵ لَكِن هي بِتَخلَص بِوِلادَة الأولاد إذا تِستَمِر في الإيمان و المَحَبَّه و القَداسَه مَعَ مَسِك النَّفس.