Yuuḥanna 8 - Kitaab al Vahd aj Jadid 1978

AL MARA AZ ZAANIYA

¹ Laakin Yasuuv masha le Jabal az Zeetuun.

² Wa fi_s ṣabaaḥ badri, rajav taani le_l heekal. Wa_n naas kullahum jo leehu. Wa gavad wa ibtada yavallimum.

³ Wa muvallimiin al gaanuun wa_l Farriisiyyiin gaddamu leehu mara masakooha fi zina. Wa lamma waggafooha fi_l wasiṭ,

⁴ gaalu leehu, “Yaa Muvallim, al mara di masakooha wa hiya bitavmil az zina.

⁵ Wa fi_l gaanuun, Muusa amarna narmi ḥujaar vala waaḥda zei di. Wa inta taguul shinu?”

⁶ Hum gaalu kida vashaan yajarribuuhu, vashaan yakuun vindahum sabab bishtakuuhu beehu. Laakin Yasuuv dangar, wa katab be aṣbavu fi_l arḍ.

⁷ Wa lamma istamarru yas’aluuhu, gaam wa gaal leehum, “Huwa_l maa vindu xaṭiyya beenkum xalliihu yarmiiha be ḥajar fi_l awwal.”

⁸ Wa dangar taani marra, wa katab be aṣbavu fi_l arḍ.

⁹ Laakin lamma simivoohu, maragu waaḥid wara waaḥid, wa ibtadu min al kubaar le_ṣ ṣughaar, lighaayat maa xallu Yasuuv baraahu, wa_l mara waagfa giddaamu.

¹⁰ Wa lamma Yasuuv wagaf, hu gaal leeha, “Yaa sitt, ween an naas al mushtakiin valeeki? Maa fih waaḥid ḥakam valeeki?”

¹¹ Hiya gaalat leehu, “Maa fih waaḥid, yaa Saiyid.” Wa Yasuuv gaal leeha, “Wa laa ana baḥkum valeeki. Amshi, wa maa tavmili xaṭiyya taani marra.”

YASUUV NUUR AD DUNYA

¹² Marra taanya, Yasuuv itkallam mavaahum wa gaal, “Ana huwa nuur ad dunya. Al bitbavni maa yamshi fi_ḍ ḍulumma abadan, laakin yakuun leehu nuur al ḥayaat.”

¹³ Bavdeen al Farriisiyyiin gaalu leehu, “Inta tash‐had le nafsak, wa vashaan kida, ash shahaada bitaavtak maa ṣaḥiiḥ.”

¹⁴ Yasuuv radda wa gaal leehum, “Hatta iza kaan ana ash‐had le nafsi, shahaadati ḥagg, vashaan ana vaarif min ween ana jiit, wa le ween ana maashi. Laakin intu maa vaarfiin min ween ana jaai, walla le ween ana maashi.

¹⁵ Intu bitaḥkumu ḥasab aj jism, laakin ana maa baḥkum aiyi waaḥid.

¹⁶ Ḥatta iza ḥakamta, al ḥukm bitaavi ṣaḥiiḥ, vashaan ana maa aḥkum baraai, laakin ana wa_l Abu ar rassalni.

¹⁷ Kamaan maktuub fi_l gaanuun bitaavkum, ‘Shahaadat itneen rujaal, hiya ḥagg’.

¹⁸ Ana ash‐had le nafsi, wa_l Abu ar rassalni yash‐had leiya.”

¹⁹ Wa bavdeen gaalu leehu, “Ween Abuuk?” Yasuuv gaal leehum, “Intu maa bitavrifuuni, wa maa bitavrifu Abuui. Iza viriftuuni, kuntu viriftu Abuui kamaan.”

²⁰ Yasuuv gaal leehum al kalaam da jamb al xazna, lamma kaan bivallim fi_l heekal. Wa maa fih waaḥid gabaḍu, vashaan waktu lissav maa kaan ja.

²¹ Yasuuv gaal leehum taani, “Ana bamshi, wa intu bitfattishu valeiya, wa tamuutu fi xaṭiyyatkum. Wa_l maḥall al ana maashi leehu, intu maa bitagdaru taju leehu.”

²² Bavdeen al Yahuud gaalu, “Hu biktul nafsu? vashaan yaguul, Al maḥall al ana maashi leehu, intu maa bitagdaru taju leehu.”

²³ Gaal leehum, “Intu min tiḥit, wa ana min foog. Intu min ad dunya di, laakin ana maa min ad dunya di.

²⁴ Ana gulta leekum intu maashiin tamuutu fi xaṭaayaakum. Vashaan intu maa bit’aaminu ’inni ana huwa, intu maashiin tamuutu fi xaṭaayaakum.”

²⁵ Gaalu leehu, “Inta minu?” Wa Yasuuv gaal leehum, “Ana huwa al kallamtakum beehu min al awwal.

²⁶ Ana vindi ḥaajaat katiira aguula leekum, wa aḥkum valeekum. Laakin ar rassalni, huwa ḥagg, wa_s simivtu minnu, da baguulu le_d dunya.”

²⁷ Laakin hum maa fihmu ’innu kaan bikallimum van al Abu.

²⁸ Wa Yasuuv gaal leehum, “Lamma tarfavu Ibn al insaan, fi_l wakit da bitavrifu ’inni ana huwa, wa ana maa bavmil ḥaaja be nafsi. Laakin zei maa vallamni Abuui, ana baguul al ḥaajaat di.

²⁹ Wa_r rassalni, huwa mavaai. Huwa maa bixalliini baraai, vashaan ana daaiman bavmil al ḥaajaat al huwa bikuun mabsuuṭ minnaha.”

³⁰ Wa lamma kaan bitkallam be_l kalaam da, naas kutaar aamanu beehu.

³¹ Wa bavdeen Yasuuv gaal le_l Yahuud al aamanu beehu, “Kaan intu saabitiin fi kalaami, be_l ḥagg takuunu talaamiizi.

³² Wa bitavrifu_l ḥagg, wa_l ḥagg biddiikum al ḥurriyya.”

³³ Raddu wa gaalu leehu, “Niḥna awlaad Ibraahiim, wa maa fih zool yavmilna vabiid abadan. Keef inta taguul, Niḥna binkuun ḥurriin?”

³⁴ Yasuuv radda wa gaal leehum, “Al ḥagg al ḥagg aguul leekum, kullu waaḥid al yavmil al xaṭiyya, huwa vabd le_l xaṭiyya.

³⁵ Wa_l vabd maa bistamirr fi_l beet le_l abad. Laakin al Ibn, huwa_l biyagvud fi_l beet le_l abad.

³⁶ Iza al Ibn addaakum al ḥurriyya, be_l ḥagg bitkuunu ḥurriin.

³⁷ Ana vaarif intu awlaad Ibraahiim. Laakin intu vaawziin taktuluuni, vashaan kalaami maa vindu maḥall fiikum.

³⁸ Ana batkallam ash shuftu mava Abuui, wa intu bitavmilu as simivtuuhu min abuukum.”

³⁹ Raddu wa gaalu leehu, “Ibraahiim huwa abuuna.” Yasuuv gaal leehum, “Kaan intu awlaad Ibraahiim, kuntu tavmilu avmaal Ibraahiim.

⁴⁰ Laakin intu hassav daayiriin taktuluuni, wa ana huwa al gaal leekum al ḥagg as simivtu min Allaah. Wa Ibraahiim maa vamal ḥaaja zei di.

⁴¹ Intu tavmilu avmaal abuukum.” Gaalu leehu, “Niḥna maa kunna mawluudiin min zina. Vindana Abu waaḥid, wa huwa Allaah.”

⁴² Yasuuv gaal leehum, “Iza kaan Allaah Abuukum, kuntu taḥibbuuni, vashaan ana maragta wa jiit min Allaah. Ana maa jiit min nafsi, laakin huwa rassalni.

⁴³ Le shinu intu maa bitafhamu kalaami? Vashaan intu maa tagdaru tasmavu kalaami.

⁴⁴ Intu min abuukum huwa Ibliis, wa intu bitavmilu zei maa abuukum vaawiz. Huwa kaan kattaal an naas min al awwal, wa maa sabat fi_l ḥagg, vashaan maa fiihu ḥagg. Wa lamma yitkallam be_l kiḍib, huwa bitkallam min vindu, vashaanu kaḍḍaab, wa abu_l kaḍḍaab.

⁴⁵ Laakin valashaan ana baguul al ḥagg, intu maa bit’aaminu beiya.

⁴⁶ Minu minnakum yawabbixni vala xaṭiyya? Wa valashaan aguul al ḥagg, le shinu intu maa bit’aaminu beiya?

⁴⁷ Huwa al min Allaah yasmav kalaam Allaah. Vashaan kida, intu maa bitasmavu, vashaan intu maa min Allaah.”

SHAHAADAT YASUUV VAN NAFSU

⁴⁸ Al Yahuud raddu wa gaalu leehu, “(?) Niḥna maa gulna_l ḥagg lamma gulna inta Saamiri, wa vindak sheeṭaan?”

⁴⁹ Yasuuv radda wa gaal leehum, “Ana maa vindi sheeṭaan, laakin ana aḥtarim Abuui, wa intu maa taḥtarimuuni.

⁵⁰ Ana maa baṭlub majd le nafsi. Fih waaḥid al biṭlubu, wa huwa bikuun al gaaḍi.

⁵¹ Al ḥagg al ḥagg aguul leekum, iza kaan waaḥid biḥfaẓ kalaami, hu maa bishuuf al moot abadan.”

⁵² Wa_l Yahuud gaalu leehu, “Hassav virifna vindak sheeṭaan. Ibraahiim maat wa_l anbiya, wa inta taguul, Kaan waaḥid yaḥfaz — kalaami, maa bishuuf al moot abadan.

⁵³ Inta akbar min Ibraahiim abuuna al maat? wa_l anbiya al maatu? Inta tavmil nafsak takuun minu?”

⁵⁴ Yasuuv radda wa gaal leehum, “Iza bamajjid nafsi, majdi maa leehu faaida. Abuui huwa al bimajjidni, al intu taguulu huwa Ilaahkum.

⁵⁵ Wa intu maa bitavrifuuhu, laakin ana bavrifu. Wa iza kaan gulta maa bavrifu, akuun kaḍḍaab zeiyakum. Laakinni avrifu wa aḥfaẓ kilmatu.

⁵⁶ Abuukum Ibraahiim inbasaṭ vashaan yashuuf yoomi. Wa huwa shaafu wa firiḥ.”

⁵⁷ Al Yahuud gaalu leehu, “Inta vumrak lissav maa xamsiin sana. Keef shufta Ibraahiim?”

⁵⁸ Yasuuv gaal leehum, “Al ḥagg al ḥagg aguul leekum, gubbaal maa Ibraahiim kaan fih, ana mawjuud.”

⁵⁹ Wa hum rafavu ḥujaar vashaan yarmuuhu beeha. Laakin Yasuuv dassa nafsu, wa masha min al heekal.