Yuuḥanna 7 - Kitaab al Vahd aj Jadid 1978

YASUUV YAMSHI WA YAVALLIM FI VIID AL XIYAAM

¹ Bavd kida, Yasuuv kaan yamshi fi_j Jaliil. Vashaan huwa maa kaan daayir yamshi fi_l Yahuudiyya, vashaan al Yahuud kaanu vaawziin yaktuluuhu.

² Wa Viid al Xiyaam bitaav al Yahuud kaan gariib.

³ Vashaan kida, axwaanu gaalu leehu, “Xalli_l maḥall da w_amshi le_l Yahuudiyya vashaan talaamiizak yashuufu avmaalak al bitavmila.

⁴ Vashaan maa fih zool yavmil ḥaaja fi_s sirr, wa huwa vaawiz yabeyyin shughlu. ’In kunta tavmil al ḥaajaat di, warri nafsak le_d dunya.”

⁵ Vashaan axwaanu kamaan maa kaanu bi’aaminu beehu.

⁶ Yasuuv gaal leehum, “Wakti lissav maa ja, laakin al wakit bitaavkum daaiman ḥaaḍir.

⁷ Naas ad dunya maa bigdaru yakrahuukum, laakin yakrahuuni ana, vashaan ana bash‐had valeehum ’innu avmaalum baṭṭaala.

⁸ Amshu intu le_l viid. Ana maa maashi le_l viid da, vashaan wakti lissav maa ja be_t tamaam.”

⁹ Wa lamma gaal kida, hu gavad fi_j Jaliil.

¹⁰ Laakin bavd maa axwaanu ṭalavu le_l viid, huwa kamaan ṭalav, laakin maa giddaam an naas laakin zei fi_s sirr.

¹¹ Wa_l Yahuud kaanu bifattishu valeehu fi_l viid, wa yaguulu, “Huwa ween?”

¹² Wa kaan fih kalaam katiir min an naas min jihatu. Bavḍ miinahum gaalu, “Huwa raajil ṣaaliḥ,” wa naas taanyiin gaalu, “Laa, huwa bighishsh an naas.”

¹³ Laakin, maa fih waaḥid kaan bitkallam vannu giddaam an naas be sabab al xoof min al Yahuud.

¹⁴ Wa fi wasṭ al viid, Yasuuv ṭalav le_l heekal wa bada yavallim.

¹⁵ Wa_l Yahuud kaanu bistaghrabu minnu, wa gaalu, “Min ween yavrif al kutub wa huwa maa itvallam?”

¹⁶ Yasuuv gaal leehum, “At tavliim bitaavi maa ḥaggi, laakin ḥagg ar rassalni.

¹⁷ Iza waaḥid raḍyaan yavmil iraadat Allaah, huwa Maashi yavrif at tavliim da, iza huwa min Allaah, walla ana batkallam beehu min nafsi.

¹⁸ Al bitkallam min nafsu biṭlub majd nafsu. Laakin al biṭlub al majd ḥagg ar rassalu, huwa amiin, wa maa fiihu ghishsh.

¹⁹ Muusa maa addaakum al gaanuun? Wa maa fih waaḥid minnakum yaḥfaẓ al gaanuun. Le shinu vaawiziin taktuluuni?”

²⁰ An naas raddu valeehu, “Inta vindak sheeṭaan. Minu vaawiz yaktulak?”

²¹ Yasuuv gaal leehum, “Ana vamalta vamal waaḥid, wa kullukum bitistaghrabu.

²² Valashaan da, Muusa addaakum aṭ ṭahuur, wa da maa min Muusa, laakin min al abahaat. Wa fi_s sabit intu taṭahhiru insaan.

²³ Iza zool yagbal aṭ ṭahuur fi yoom as sabit vashaan gaanuun Muusa maa bitkassar, le shinu intu zavlaaniin minni vashaan ana shafeet az zool kullu fi_s sabit?

²⁴ Maa taḥkumu zei maa tashuufu min barra, laakin aḥkumu ḥukm vaadil.”

YASUUV HUWA AL MASIIḤ

²⁵ Bavdeen, bavḍ an naas min Uurushaliim gaalu, “(?) Da maa huwa al hum vaawiziin yaktuluuhu?

²⁶ Wa shuufu huwa bitkallam giddaam an naas, wa maa fih waaḥid yaguul leehu shi. (?) As salaaṭiin virfu tamaam ’innu da huwa_l Masiiḥ nafsu?

²⁷ Ar raajil da, niḥna vaarifiinu min ween. Laakin al Masiiḥ lamma yaji, maa fih zool biyavrif huwa yaji min ween.”

²⁸ Lamma Yasuuv kaan gaavid bivallim fi_l heekal, hu naada wa gaal, “Intu kullukum tavrifuuni, wa tavrifu min ween ana jiit. Ana maa jiit min nafsi. Laakin ar rassalni huwa ḥagg, wa intu maa bitavrifuuhu.

²⁹ Ana bavrifu, vashaan ana jiit minnu, wa huwa rassalni.”

³⁰ Vashaan kida, hum jarrabu yagbuḍu valeehu, laakin maa fih zool gidir yaxuṭṭ iidu valeehu, vashaan saavtu lissav maa jaat.

³¹ Vala kida, katiir min an naas aamanu beehu, wa gaalu, “Lamma al Masiiḥ yaji, huwa maashi yavmil avmaal aktar min al avmaal ar raajil da vamala?”

³² Wa_l Farriisiyyiin simivu ’an an naas yitkallamu vannu, wa_l gusus al kubaar wa_l Farriisiyyiin rassalu ḥurraas vashaan yamsikuuhu.

³³ Wa Yasuuv gaal leehum, “Ana mavaakum mudda giṣaira, wa bavdeen amshi leehu ar rassalni.

³⁴ Intu bitfattishu valeiya, wa maa maashiin talguuni. Wa le_l maḥall al ana akuun fiihu, intu maa bitagdaru taju.”

³⁵ Al Yahuud gaalu_l waaḥid le_t taani, “Ar raajil da vaawiz yamshi ween ḥatta niḥna maa maashiin nalgaahu? Huwa vaawiz yamshi le shavbna_s saakniin fi_l Yuunaan wa yavallim al Yuunaaniyyiin?

³⁶ Wa mavna al kalaam da shinu? al gaalu, Intu maashiin tafattishu valeiya, wa maa bitalguuni, wa, Le_l maḥall al ana bakuun fiihu, intu maa bitagdaru taju.”

³⁷ Wa fi_l yoom al axiir al kabiir min al viid, Yasuuv wagaf wa naada wa gaal, “Iza aiyi waaḥid vaṭash, xalliihu yaji leiya wa yashrab.

³⁸ Al bi’aamin beiya zei maa gaal al Kitaab, Baḥar mooya ḥaiya yajri min baṭnu,”

³⁹ Wa huwa gaal da van ar Ruuḥ, le deel al aamanu beehu wa_l maashiin yagbaluuhu. Vashaan ar Ruuḥ lissav maa ja, vashaan Yasuuv lissav maa kaan itmajjad.

⁴⁰ Lamma bavḍ min an naas simivu_l kalaam da, gaalu, “Da be_l ḥagiiga huwa_n nabi.”

⁴¹ Taanyiin gaalu, “Da huwa_l Masiiḥ.” Laakin taanyiin gaalu, “Al Masiiḥ biji min aj Jaliil?

⁴² Al Kitaab maa gaal ’innu_l Masiiḥ biji min awlaad Daawuud? wa biji min Beetlaham? al makaan as sakan fiihu Daawuud?”

⁴³ Vashaan kida, ḥaṣal ingisaam fi_n naas be xuṣuuṣ Yasuuv.

⁴⁴ Bavḍ minnahum kaanu daayiriin yamsikuuhu, laakin maa fih waaḥid xaṭṭ iideenu valeehu.

⁴⁵ Bavdeen al ḥurraas rajavu le_l gusus al kubaar wa_l Farriisiyyiin. Wa hum sa’aloohum, “Le shinu maa jibtuuhu?”

⁴⁶ Al ḥurraas raddu valeehum wa gaalu, “Maa fih waaḥid itkallam zei ar raajil da abadan.”

⁴⁷ Wa_l Farriisiyyiin raddu valeehum wa gaalu, “Wa huwa ghashshaakum kamaan?

⁴⁸ Fih waaḥid min ar ru’asaa walla min al Farriisiyyiin aaman beehu?

⁴⁹ Laakin aj jamaava deel al maa biyavrifu_l gaanuun malvuuniin.”

⁵⁰ Nigudimuus, ar raajil aj ja le Yasuuv gubbaal, wa kaan waaḥid minnahum, gaal leehum,

⁵¹ “Gaanuunna yaḥkum vala zool gubbaal maa yasmav minnu fi_l awwal? wa biyavrif huwa vamal shinu?”

⁵² Wa raddu wa gaalu leehu, “Inta min aj Jaliil? Fattish, wa shuuf ’innu nabi maa gaam min aj Jaliil.”

⁵³ Wa bavdeen kullu waaḥid masha le beetu.