Yuuḥanna 6 - Kitaab al Vahd aj Jadid 1978

YASUUV YADDI AKL LE_L XAMSAT ALAAF

¹ Bavd kida, Yasuuv masha le_j jamb at taani le Baḥar aj Jaliil, al huwa baḥar Ṭabariyya.

² Wa naas kutaar tibivoohu, vashaan shaafu_l valaamaat al kaan biyavmila le_l vaiyaaniin.

³ Wa Yasuuv ṭalav foog aj jabal, wa gavad hinaak mava talaamiizu.

⁴ Wa fi_l wakit daak, viid al Yahuud al ismu_l Fiṣaḥ kaan gariib.

⁵ Wa Yasuuv rafav veeneehu, wa shaaf naas kutaar jaaiyiin leehu. Wa gaal le Fiilubbus, “Min ween nashtari akil vashaan an naas deel yaaklu?”

⁶ Huwa gaal kida vashaan yajarrib Fiilubbus, vashaan Yasuuv virif al maashi yasawwiihu.

⁷ Fiilubbus gaal leehu, “’In jibna veesh be miiteen jineeh, maa bikuun kifaaya vashaan kullu waaḥid yaaxud ḥitta ṣaghaira.”

⁸ Waaḥid min talaamiizu, wa huwa Andaraawus, axu Simvaan Buṭrus, gaal leehu,

⁹ “Hina fih walad vindu xamsa rughfaan shaviir, wa samakteen. Laakin da shinu le naas gadur kida?”

¹⁰ Yasuuv gaal leehum, “Xallu_n naas yagvudu.” Wa kaan fi_l makaan geshsh katiir, wa_r rujaal gavadu. Wa vadadum xamsat alaaf tagriiban.

¹¹ Wa Yasuuv axad al veesh, wa shakar, wa gassam vala_t talaamiiz. Wa_t talaamiiz addu le_l gaavidiin, wa kamaan as samakteen, zei maa kaanu daayiriin.

¹² Wa lamma shibivu, Yasuuv gaal le talaamiizu, “Ajmavu_l ḥitat al faaḍla vashaan maa naḍayyiv shi.”

¹³ Wa valashaan kida lammu wa malu iṭnaashar guffa min al kisar al baagi min al xamsa rughfaan shaviir bavd maa an naas akalu.

¹⁴ Wa lamma_n naas shaafu_l valaama al vamala Yasuuv, hum gaalu, “Ṣaḥiiḥ, da huwa an nabi aj jaai le_d dunya.”

¹⁵ Laakin Yasuuv, valashaan virif ’innahum daayiriin yaju yamsikuuhu wa yavmiluuhu malik, rajav taani le_j jabal baraahu.

YASUUV YAMSHI VALA_L BAḤE

¹⁶ Wa lamma kaan al misa, talaamiizu nazalu le_l baḥar.

¹⁷ Wa daxalu_l murkab, wa kaanu maashiin yagṭavu_l baḥar le Kafranaaḥuum. Wa_l waaṭa bigat al leel, wa Yasuuv lissav maa kaan ja leehum.

¹⁸ Wa_l baḥar itḥarrak min habuub shadiida.

¹⁹ Wa lamma hum saagu_l murkab zei talaata walla arbava miil, shaafu Yasuuv maashi vala_l baḥar, wa jaai gariib le_l murkab. Wa xaafu.

²⁰ Wa Yasuuv gaal leehum, “Maa taxaafu, ana huwa.”

²¹ Wa kaanu raḍyaaniin ’innu yakuun mavaahum fi_l murkab. Wa ṭawwaali al murkab wiṣlat al maḥall al hum kaanu maashiin leehu.

²² Wa fi_l yoom at taani, an naas al kaanu waagfiin hinaak fi_j jamb at taani le_l baḥar, shaafu ’innu murkab waaḥda bass kaanat hinaak. Hum virfu huwa maa daxal al murkab mava talaamiizu, wa laakin at talaamiiz mashu baraahum.

²³ Bavdeen jo maraakib taanya min Ṭabariyya gariib le_l makaan al akalu fiihu_l akil bavd maa ar Rabb shakar.

²⁴ Wa lamma_n naas shaafu ’innu Yasuuv maa fih hinaak, walla talaamiizu, hum kamaan daxalu_l maraakib wa jo le Kafranaaḥuum yafattishu vala Yasuuv.

YASUUV VEESH AL ḤAYAAT

²⁵ Wa lamma ligoohu fi_j jamb at taani le_l baḥar, gaalu leehu, “Yaa Muvallim, inta jiit hina miteen?”

²⁶ Yasuuv radda valeehum wa gaal, “Al ḥagg al ḥagg aguul leekum, intu bitaṭlubuuni, maa vashaan al valaamaat ash shuftuuha, laakin vashaan intu akaltu min ar rughfaan wa shabivtu.

²⁷ Maa tashtaghilu le_l akl al bixsar, laakin le_l akil al bistamirr le_l ḥayaat al abadiyya. Wa Ibn al insaan biddi leekum, vashaan Allaah al Abu sabbatu.”

²⁸ Wa gaalu leehu, “Nasawwi shinu vashaan navmil avmaal Allaah?”

²⁹ Yasuuv radda valeehum wa gaal, “Da huwa vamal Allaah, ’an ta’aaminu beehu al huwa rassalu.”

³⁰ Wa gaalu leehu, “Yaata valaama tavmil vashaan nashuuf wa na’aamin beek? Inta bitavmil shinu?

³¹ Abahaatna akalu_l manna fi_l xala. Zei maa huwa maktuub, Hu addaahum akl min as sama, vashaan yaaklu.”

³² Yasuuv radda wa gaal leehum, “Al ḥagg al ḥagg aguul leekum, mush Muusa al addaakum al manna min as sama, laakin Abuui yaddiikum al veesh al ḥagiigi min as sama.

³³ Vashaan veesh Allaah, huwa_l yanzil min as sama, wa yaddi ḥayaat le_d dunya.”

³⁴ Wa gaalu leehu, “Yaa Saiyid, addiina_l veesh da daaiman.”

³⁵ Wa Yasuuv gaal leehum, “Ana huwa veesh al ḥayaat. Al biji leiya maa bikuun javaan, wa_l bi’aamin beiya maa yavṭash abadan.

³⁶ Wa laakin ana gulta leekum ’innakum shuftuuni, wa lissav maa bit’aaminu.

³⁷ Kull al Abu yaddiini, yaji leiya. Wa_l biji leiya, maa baṭrudu barra abadan.

³⁸ Vashaan ana nazalta min as sama, mush vashaan avmil iraadati, laakin iraadat ar rassalni.

³⁹ Wa di iraadat ar rassalni, ’innu kull al addaani, maa awaddir minnu shi, laakin bagawwimu fi_l yoom al axiir.

⁴⁰ Vashaan di iraadat Abuui, kull al bishuuf al Ibn wa bi’aamin beehu, takuun leehu_l ḥayaat al abadiyya. Wa ana bagawwimu fi_l yoom al axiir.”

⁴¹ Wa_l Yahuud nagnagu valeehu, vashaan huwa gaal, “Ana huwa al veesh an nazal min as sama.”

⁴² Wa gaalu, “Da maa Yasuuv ibn Yuusif? Wa niḥna vaarifiin abuuhu wa ummu? Wa hassav keef yaguul, Ana nazalta min as sama?”

⁴³ Wa Yasuuv radda vallehum wa gaal, “Maa tanagnigu fi beenkum.

⁴⁴ Maa fih waaḥid yagdar yaji leiya illa al Abu ar rassalni yajiibu leiya. Wa ana bagawwimu fi_l yoom al axiir.

⁴⁵ Vashaan maktuub fi_l Anbiya, Wa_l kull bikuunu mitvallimiin min Allaah. Wa kull as simiv wa itvallam min al Abu yaji leiya.

⁴⁶ Maa fih waaḥid shaaf al Abu illa huwa_l min Allaah. Huwa bass shaaf al Abu.

⁴⁷ Al ḥagg al ḥagg aguul leekum, al bi’aamin beiya, takuun leehu al ḥayaat al abadiyya.

⁴⁸ Ana huwa veesh al ḥayaat.

⁴⁹ Abahaatkum akalu_l manna fi_l xala, wa maatu.

⁵⁰ Wa laakin al veesh al binzil min as sama, al insaan yaakul minnu wa maa yamuut.

⁵¹ Ana huwa al veesh al ḥai an nazal min as sama. Iza waaḥid akal min al veesh da, hu biviish le_l abad. Wa_l veesh al ana baddiihu, huwa jismi_l baddiihu le ḥayaat ad dunya.”

⁵² Wa_l Yahuud itshaakalu mava bavḍ, wa gaalu, “Keef ar raajil da yagdar yaddiina jismu vashaan naaklu?”

⁵³ Yasuuv gaal leehum, “Al ḥagg, al ḥagg aguul leekum, kaan maa taaklu jism Ibn al insaan, wa tashrabu dammu, maa bitkuun fiikum ḥayaat.

⁵⁴ Kull al yaakul jismi wa yashrab dammi, takuun leehu_l ḥayaat al abadiyya. Wa ana bagawwimu fi_l yoom al axiir.

⁵⁵ Vashaan jismi akl ḥagiigi, wa dammi shiraab ḥagiigi.

⁵⁶ Al yaakul jismi wa yashrab dammi yaskun fiyya, wa ana fiihu.

⁵⁷ Zei maa al Abu_l ḥai rassalni, wa ana ḥai be_l Abu, kullu waaḥid al yaakulni yaviish beiya.

⁵⁸ Da huwa_l veesh an nazal min as sama. Al abahaat akalu_l manna fi_l xala wa maatu. Laakin al yaakul min al veesh da, yaviish le_l abad.”

⁵⁹ Yasuuv gaal al kalaam da wa huwa bivallim fi beet ar Rabb fi Kafranaaḥuum.

⁶⁰ Wa katiir min talaamiizu, lamma simivu_l kalaam da gaalu, “Al kalaam da ṣavb. Minu yagdar yasmavu?”

⁶¹ Laakin Yasuuv virif fi nafsu ’innu talaamiizu binagnigu van da, wa gaal leehum, “Al kalaam da bixalliikum tagavu?

⁶² Keef bikuun iza tashuufu Ibn al insaan yaṭlav le_l makaan al kaan fiihu fi_l awwal?

⁶³ Ar Ruuḥ huwa_l biddi ḥayaat, laakin aj jism maa fiihu faaida. Al kalaam al baguulu leekum hassav, huwa ruuḥ wa ḥayaat.

⁶⁴ Laakin bavḍ minnakum maa bi’aaminu abadan.” Vashaan huwa virif min al awwal minu hum al bi’aaminu, wa minu al maashi yankiru.

⁶⁵ Wa huwa gaal, “Vashaan kida, ana gulta leekum, Maa fih waaḥid yagdar yaji leiya illa iza Abuui addaahu.”

⁶⁶ Bavd kida, kutaar min talaamiizu xalloohu, wa maa tibivoohu taani.

⁶⁷ Yasuuv gaal le_l iṭnaashar, “Intu kamaan vaawiziin taxalluuni?”

⁶⁸ Simvaan Buṭrus radda wa gaal leehu, “Yaa Saiyid, niḥna namshi le minu? Inta vindak kalaam al ḥayaat al abadiyya.

⁶⁹ Wa niḥna aamanna, wa it’akkadna inta Gudduus Allaah.”

⁷⁰ Yasuuv gaal leehum, “(?) Ana maa ixtartakum al iṭnaashar? Wa waaḥid minnakum sheeṭaan.”

⁷¹ Wa huwa kaan bitkallam van Yahuuza ibn Simvaan al Isxariyuuṭi, vashaan huwa kaan waaḥid min al iṭnaashar, wa kaan maashi yasallimu.