Yuuḥanna 5 - Kitaab al Vahd aj Jadid 1978

ASH SHIFA FI BEETḤASDA

¹ Wa bavd kida, kaan fih viid al Yahuud, wa Yasuuv ṭalav le Uurushaliim.

² Wa kaanat fi Uurushaliim jamb baab al xirfaan, birkat mooya isima be lughat al Yahuud, Beet‐ḥasda, leeha xamsa baraandaat.

³ Wa vaiyaaniin kutaar kaanu raagidiin fiiha, minnahum vaamyaaniin wa vurj wa mafluujiin,

⁴ kullahum munṭaẓiriin al mooya titḥarrak.

⁵ Wa kaan fih hinaak raajil vaiyaan muddat tamaanya wa talaatiin sana.

⁶ Wa lamma Yasuuv shaafu, wa virif ’innu raagid hinaak mudda ṭawiila, gaal leehu, “Inta vaawiz ash shifa?”

⁷ Ar raajil al vaiyaan radda wa gaal leehu, “Yaa Saiyid, maa vindi zool yanazzilni fi_l birka lamma_l mooya titḥarrak. Wa lamma ajarrib adxul, waaḥid taani yanzil gubbaali.”

⁸ Yasuuv gaal leehu, “Guum, shiil birshak, w_amshi.”

⁹ Wa ṭawwaali, ar raajil biga ṭaiyib, wa shaal birshu, wa masha. Wa kaan al yoom daak yoom as sabit.

¹⁰ Vashaan kida, al Yahuud gaalu le_z zool al biga ṭaiyib, “Al yoom huwa_s sabit, wa maa be_l gaanuun leek tashiil birshak.”

¹¹ Wa gaal leehum, “Ar raajil ash shafaani, hu gaal leiya, Shiil birshak w_amshi.”

¹² Wa sa’aloohu, “Minu huwa al gaal leek, Shiil birshak w_amshi?”

¹³ Laakin ar raajil al biga ṭaiyib maa kaan biyavrif huwa minu, vashaan Yasuuv dassa nafsu vashaan kaan fih jamav fi_l maḥall da.

¹⁴ Wa bavd kida, Yasuuv ligaahu fi_l heekal. Wa gaal leehu, “Shuuf, inta bigiit ṭaiyib. Maa tavmil xaṭiyya taani marra, vashaan shi akvab maa yaḥṣal leek.”

¹⁵ Wa_r raajil marag wa gaal le_l Yahuud ’innu Yasuuv huwa_sh shafaahu.

¹⁶ Vashaan kida, al Yahuud kaanu biṭrudu Yasuuv, wa vaawiziin yaktuluuhu, vashaan huwa vamal kida fi_s sabit.

¹⁷ Laakin Yasuuv radda wa gaal leehum, “Abuui daaiman biyavmil, wa ana bavmil kamaan.”

¹⁸ Valashaan kida, al Yahuud kaanu daayiriin yaktuluuhu be aiya ṭariiga, mush bass vashaan huwa xaalaf as sabit, wa laakin vashaan huwa gaal kamaan ’in Allaah Abuuhu. Wa kida vamal nafsu waaḥid mava Allaah.

ḤAYAAT BE WAASṬAT AL IBN

¹⁹ Wa Yasuuv gaal leehum, “Al ḥagg al ḥagg aguul leekum, al Ibn maa bigdar yavmil ḥaaja min nafsu, laakin bass al huwa bishuuf al Abu biyavmil. Vashaan aiyi shi al Abu biyavmil, al Ibn biyavmilu kamaan.

²⁰ Vashaan al Abu biḥibb al Ibn, wa yawarriihu kullu shi al huwa yavmilu. Wa maashi yawarriihu vajaayib akbar min di, vashaan intu tistaghrabu.

²¹ Zei maa al Abu yagawwim al meyyitiin wa yaddiihum al ḥayaat, kamaan al Ibn yaddi leehum al ḥayaat zei maa huwa vaawiz.

²² Vashaan al Abu maa biḥkum aiyi waaḥid laakin adda kull al ḥukm le_l Ibn,

²³ vashaan kullu_n naas yaḥtarimu_l Ibn, zei maa hum yaḥtarimu_l Abu. Al maa yaḥtarim al Ibn, maa yaḥtarim al Abu ar rassalu.

²⁴ Al ḥagg al ḥagg aguul leekum, al bismav kalaami wa bi’aamin be_r rassalni, takuun leehu_l ḥayaat al abadiyya, wa maa biji le_l ḥukm, vashaan huwa marag min al moot le_l ḥayaat.

²⁵ Al ḥagg al ḥagg aguul leekum, as saava bitaji, wa hiya hassav, lamma_l meyyitiin bismavu ṣoot Ibn Allaah, wa_l bismavu yaviishu.

²⁶ Vashaan zei maa al Abu vindu ḥayaat fi nafsu, huwa kamaan adda le_l Ibn vashaan takuun leehu_l ḥayaat fi nafsu.

²⁷ Wa addaahu sulṭa ’an yaḥkum kamaan, vashaan huwa Ibn al insaan.

²⁸ Maa tistaghrabu min da, vashaan saava bitaji lamma kull an naas al fi_l gubuur biyasmavu ṣootu,

²⁹ wa yaṭlavu, al vamalu ḥaajaat kwaisa le giyaamat al ḥayaat, wa_l vamalu ḥaajaat baṭṭaala le giyaamat ad deenuuna.

SHAHAADAAT VAN YASUUV

³⁰ Ana maa bagdar avmil shi min nafsi. Zei maa asmav, ana aḥkum. Wa ḥukmi vadiil, vashaan ana maa baṭlub iraadati, laakin iraadat ar rassalni.

³¹ Iza bash‐had le nafsi, shahaadati mush al ḥagg.

³² Fih waaḥid taani yash‐had leiya. Wa ana vaarif shahaadatu al huwa bish‐hada leiya hiya ḥagg.

³³ Intu rassaltu le Yuuḥanna, wa hu shihid le_l ḥagg.

³⁴ Wa ana maa bagbal shahaada min insaan, wa laakin aguul kida vashaan intu taxlaṣu.

³⁵ Yuuḥanna kaan al lamba al miwalliva al bitaddi nuur. Wa intu kuntu raḍyaaniin tafraḥu be nuuru le wakit galiil.

³⁶ Laakin ana vindi shahaada akbar min shahaadat Yuuḥanna. Vashaan al avmaal al Abu addaaha leiya vashaan atimma, al avmaal di zaata al ana bavmil, hiya tawarri ’innu_l Abu rassalni.

³⁷ Wa_l Abu nafsu ar rassalni yash‐had leiya, wa intu maa simivtu ṣootu abadan, wa maa shuftu shaklu.

³⁸ Wa kilmatu maa saakna fiikum, vashaan intu maa bit’aaminu beehu ar rassalu.

³⁹ Intu tafattishu_l Kutub, vashaan intu taftakiru vindakum fiihum al ḥayaat al abadiyya. Wa hum al bish‐hadu leiya.

⁴⁰ Wa intu maa vaawiziin taju leiya vashaan takuun leekum al ḥayaat.

⁴¹ Ana maa bagbal majd min an naas.

⁴² Laakin ana virifta intu maa vindakum maḥabbat Allaah fi guluubkum.

⁴³ Ana jiit b_ism Abuui, wa intu maa bitagbaluuni. Iza waaḥid taani yajiikum be ism nafsu, bitagbaluuhu.

⁴⁴ Keef tagdaru ta’aaminu wa intu tagbalu majd, waaḥid min at taani, wa laakin maa bitfattishu vala_l majd al min Allaah al waḥiid.

⁴⁵ Maa taftakiru ana bashtaki valeekum le_l Abu. Fih waaḥid al bishtaki valeekum, wa huwa Muusa, al fiihu rajaakum.

⁴⁶ Vashaan iza kuntu bitṣaddigu Muusa, kuntu taṣaddiguuni, vashaan huwa katab vanni.

⁴⁷ Laakin iza kuntu maa bitṣaddigu Kutub Muusa, keef taṣaddigu kalaami?”