Yuuḥanna 3 - Kitaab al Vahd aj Jadid 1978

YASUUV YAVALLIM NIGUDIMUUS

¹ Kaan fih raajil min al Farriisiyyiin ismu Nigudimuus, ra’iis le_l Yahuud.

² Hu ja le Yasuuv fi_l leel, wa gaal leehu, “Niḥna vaarfiin ’innak jiit Muvallim min Allaah. Vashaan maa fih waaḥid yagdar yavmil al valaamaat al inta bitavmila, iza Allaah maa mavaahu.”

³ Yasuuv radda wa gaal leehu, “Al ḥagg al ḥagg aguul leek, ’in kaan waaḥid maa yitwalad min foog, hu maa bigdar yashuuf malakuut Allaah.”

⁴ Nigudimuus gaal leehu, “Keef al insaan yagdar yitwalad wa huwa raajil vajuuz? Huwa bigdar yadxul baṭn ummu marra taanya wa yitwalad?”

⁵ Yasuuv gaal leehu, “Al ḥagg al ḥagg aguul leek, iza kaan waaḥid maa bitwalad min al mooya wa_r Ruuḥ, hu maa bigdar yadxul malakuut Allaah.

⁶ Al mawluud min aj jism, huwa jism. Wa_l mawluud min ar Ruuḥ, huwa ruuḥ.

⁷ Maa tistaghrabu vashaan gulta leek, ‘Laazim titwalad min foog.’

⁸ Ar riiḥ tahibb le_l makaan al vaawiza, wa tasmav ṣoota. Laakinnak maa bitavrif min ween bitaji, walla le ween bitamshi. Wa_l bitwalad min ar Ruuḥ, huwa kida.”

⁹ Nigudimuus radda wa gaal leehu, “Keef da yagdar yakuun kida?”

¹⁰ Yasuuv radda wa gaal leehu, “Inta muvallim Israa’iil, wa maa bitavrif da?

¹¹ Al ḥagg al ḥagg aguul leek, niḥna binitkallam be_sh shi an navrifu, wa nash‐had be_sh shi an nashuufu. Wa intu maa bitagbalu shahaadatna.

¹² Iza kaan gulta leekum al ḥaajaat bitaavat al arḍ wa maa bit’aaminu, keefin ta’aaminu iza aguul leekum al ḥaajaat bitaavat as sama?

¹³ Maa fih waaḥid ṭalav le_s sama illa huwa_n nazal min as sama, yavni Ibn al insaan al fi_s sama.

¹⁴ Wa zei maa Muusa rafav ad dabiib fi_l xala, kamaan laazim yarfavu Ibn al insaan.

¹⁵ Vashaan kull al bi’aamin beehu maa yahlik, laakin takuun leehu al ḥayaat al abadiyya.

¹⁶ Vashaan Allaah ḥabba_d dunya, ḥatta adda Ibnu_l waḥiid, vashaan kullu waaḥid al bi’aamin beehu maa yahlik, laakin takuun leehu al ḥayaat al abadiyya.

¹⁷ Vashaan Allaah maa rassal Ibnu le_d dunya vashaan yadiin ad dunya, laakin rassalu vashaan yaxalliṣ ad dunya beehu.

¹⁸ Al insaan al bi’aamin beehu, Allaah maa yadiinu. Wa_l insaan al maa bi’aamin beehu, huwa madyuun valeehu min gubbaal, vashaan huwa maa aaman be ism Ibn Allaah.

¹⁹ Wa di hiya_d deenuuna, ’in an nuur ja le_d dunya, wa_n naas ḥabbu_ḍ ḍulumma aktar min an nuur, vashaan avmaalum kaanat sharriira.

²⁰ Vashaan kullu waaḥid al biyavmil al ḥaajaat ash sharriira, yakrah an nuur, wa maa yaji le_n nuur, vashaan avmaalu maa yitwabbaxu.

²¹ Laakin al bisawwi_l ḥagg yaji le_n nuur, vashaan avmaalu yaẓharu ’innaha mavmuula be Allaah.”

SHAHAADAT YUUḤANNA VAN YASUUV

²² Wa bavdeen Yasuuv wa talaamiizu jo le arḍ al Yahuudiyya. Wa gavad mavaahum hinaak, wa kaan bivammid.

²³ Wa Yuuḥanna kamaan kaan bivammid fi Veenuun gariib min Saaliim, vashaan mooya katiira kaanat hinaak. Wa naas kaanu yaju wa yitvammadu.

²⁴ Vashaan lissav maa kaanu xaṭṭu Yuuḥanna fi_s sijin fi_l wakit da.

²⁵ Wa kaan fih su’aal been talaamiiz Yuuḥanna wa waaḥid Yahuudi, van al ghasiil.

²⁶ Wa hum jo le Yuuḥanna wa gaalu leehu, “Yaa muvallim, ar raajil al kaan mavaak fi ghaadi_l Urdunn al inta shihidta leehu, huwa kamaan bivammid, wa kull an naas bimshu leehu.”

²⁷ Yuuḥanna radda wa gaal leehum, “Maa fih insaan yaaxud ḥaaja, iza Allaah maa addaaha leehu min as sama.

²⁸ Intu zaatkum tash‐hadu leiya, ’inni gulta leekum, Ana maa al Masiiḥ, laakin ana marassal giddaamu.

²⁹ Wa_l vindu_l varuusa, huwa_l variis. Laakin ṣaaḥib al variis al waagif wa yasmav ṣoot al variis, huwa bikuun mabsuuṭ, vashaan bismav ṣoot al variis. Vashaan kida, faraḥi da hassav biga kaamil.

³⁰ Huwa laazim yakuun akbar, wa ana laazim akuun aṣghar.”

³¹ Al biji min foog, huwa foog al kull. Wa_l min al arḍ, huwa bitaav al arḍ, wa min al arḍ bitkallam. Wa_j jaai min as sama, huwa foog al kull.

³² Wa huwa yash‐had be_sh shaafu wa_s simivu. Wa maa fih zool bigbal shahaadatu.

³³ Wa_l yagbal shahaadatu xaṭṭa xitmu ’in Allaah amiin.

³⁴ Wa_r rassalu Allaah, da huwa al yitkallam be kalaam Allaah. Vashaan Allaah maa biddi_r Ruuḥ be_l meezaan.

³⁵ Al Abu biḥibb al Ibn. Wa xaṭṭa kullu shi tiḥit sulṭatu.

³⁶ Huwa_l bi’aamin be_l Ibn, leehu_l ḥayaat al abadiyya. Wa huwa_l maa bi’aamin be_l Ibn, maa bishuuf al ḥayaat, laakin ghaḍab Allaah yabga valeehu.