Yuuḥanna 21 - Kitaab al Vahd aj Jadid 1978

ẒUHUUR YASUUV VIND BAḤAR ṬABARIYYA

¹ Bavd kida, Yasuuv beyyan nafsu taani marra le_t talaamiiz vind Baḥar Ṭabariyya. Wa huwa beyyan nafsu be_ṭ ṭariiga di.

² Simvaan Buṭrus, wa Tuuma al ismu_t Teemaan, wa Natanaa’iil al min Gaana_j Jaliil, wa awlaad Zabadi_l itneen, wa itneen taanyiin min talaamiizu, kaanu kulluhum sawa.

³ Wa Simvaan Buṭrus gaal leehum, “Ana maashi aṣeyyid.” Gaalu leehu, “Niḥna kamaan namshi mavaak.” Wa maragu wa rikbu_l murkab. Laakin fi_l leela di, maa masaku ḥaaja.

⁴ Wa lamma kaan aṣ ṣabaaḥ, Yasuuv wagaf vala_ṭ ṭarf. Laakin at talaamiiz maa kaanu vaarfiin da Yasuuv.

⁵ Wa Yasuuv gaal leehum, “Yaa awlaad, vindakum samak?” Raddu valeehu, “Laa.”

⁶ Gaal leehum, “Armu_sh shabaka vala yamiin al murkab, wa intu bitalgu_s samak.” Wa vala kida, ramu_sh shabaka taani marra, wa maa gidru yajarruuha min katrat as samak.

⁷ Wa_t tilmiiz daak al Yasuuv kaan biḥibbu, gaal le Buṭrus, “Da huwa_r Rabb.” Wa lamma Simvaan Buṭrus simiv da huwa_r Rabb, libis hiduumu, vashaanu kaan varyaan. Wa rama nafsu fi_l baḥar.

⁸ Laakin at talaamiiz at taanyiin jo fi_l murkab, wa hum bijurru_sh shabaka malyaana min as samak. Vashaan hum maa kaanu baviid min al arḍ be miyyat mitir tagriiban.

⁹ Wa lamma maragu le_l arḍ, shaafu ḥajar maxṭuuṭ foogu naar min al faḥam, wa fooga samak wa veesh.

¹⁰ Yasuuv gaal leehum, “Gaddimu min as samak al masaktuuhu hassav.”

¹¹ Wa Buṭrus masha le_l murkab, wa jarr ash shabaka foog al arḍ, malyaana min as samak al kabiir, miyya wa talaata wa xamsiin samaka. Wa mava_l katrat di, ash shabaka maa itsharraṭat.

¹² Yasuuv gaal leehum, “Tavaalu, uklu.” Wa maa fih waaḥid min at talaamiiz gidir yas’alu, “Inta minu?” vashaan kaanu vaarfiin tamaam huwa_r Rabb.

¹³ Wa bavdeen, Yasuuv ja wa axad al veesh, wa addaahum, wa kida kamaan addaahum as samak.

¹⁴ Wa di hassav taalit marra Yasuuv ẓahar fiiha le talaamiizu, bavd maa gaam min been al meyyitiin.

SU’AAL YASUUV, INTA BITḤIBBNI

¹⁵ Wa lamma hum faṭaru, Yasuuv gaal le Simvaan Buṭrus, “Yaa Simvaan, ibn Yuuḥanna, inta bitḥibbni aktar min deel?” Gaal leehu, “Aiwa, yaa Rabb, inta bitavrif ana baḥibbak.” Yasuuv gaal leehu, “Addi akil le xirfaani_ṣ ṣughaar.”

¹⁶ Yasuuv gaal leehu marra taanya, “Yaa Simvaan ibn Yuuḥanna, inta bitḥibbni?” Gaal leehu, “Aiwa, yaa Rabb. Inta bitavrif ana baḥibbak.” Gaal leehu, “Aḥras xirfaani.”

¹⁷ Yasuuv gaal leehu marra taalta, “Yaa Simvaan ibn Yuuḥanna, inta bitḥibbni?” Wa Buṭrus kaan ḥaznaan vashaan Yasuuv gaal leehu taalit marra, “Inta bitḥibbni?” Wa gaal leehu, “Yaa Rabb, inta bitavrif kullu ḥaaja. Inta bitavrif ana baḥibbak.” Wa Yasuuv gaal leehu, “Aḥras xirfaani.

¹⁸ Al ḥagg al ḥagg aguul leek, lamma kunta ṣaghaiyir, libista hiduumak wa masheet le_l maḥall al inta daayiru. Laakin lamma bigiit vajuuz, inta maashi tamidd iideek, wa waaḥid bilabbisak wa bishiilak le_l maḥall al inta maa vaawiz tamshi leehu.”

¹⁹ Yasuuv gaal kida vashaan yawarri yaatu moot kaan maashi bimajjid beehu Allaah. Wa bavd kida, gaal leehu, “Atbavni.”

²⁰ Wa Buṭrus itlafat, wa shaaf at tilmiiz al Yasuuv biḥibbu kaan yatbavu. Wa huwa zaatu_l intakal vala ṣadur Yasuuv wakit al vasha wa gaal, “Yaa Saiyid, minu da al basallimak?”

²¹ Wa lamma Buṭrus shaaf da, gaal le Yasuuv, “Yaa Rabb, wa huwa, maalu?”

²² Yasuuv gaal leehu, “Iza iraadati ’innu yaviish lighaayat maa baji, da shinu leek? Inta tavaal waraai.”

²³ Wa_l kalaam da biga mavruuf been al axwaan, ’innu_t tilmiiz daak maa bimuut. Laakin Yasuuv maa gaal leehu ’innu maa bimuut, laakin “Iza iraadati ’innu yaviish lighaayat maa baji, da shinu leek?”

²⁴ Da huwa_t tilmiiz al bish‐had be_l ḥaajaat di, wa_l katab al ḥaajaat di. Wa binavrif shahaadatu ḥagg.

²⁵ Wa Yasuuv vamal ḥaajaat taanya katiira kamaan. Iza kaanat maktuuba waaḥda waaḥda, aftakir ad dunya nafsa maa bitshiil al kutub al maktuuba.