Yuuḥanna 2 - Kitaab al Vahd aj Jadid 1978

AL VIRS FI GAANA

¹ Wa fi_l yoom at taalit, kaan fih virs fi Gaana_j Jaliil. Wa umm Yasuuv kaanat hinaak.

² Wa Yasuuv wa talaamiizu kaanu mavzuumiin kamaan le_l virs.

³ Wa lamma_l xamr kaan xalaaṣ, umm Yasuuv gaalat leehu, “Maa vindahum xamr.”

⁴ Yasuuv gaal leeha, “Maalik wa maali, yaa sitt? Saavti lissav maa jaat.”

⁵ Wa ummu gaalat le_l xaddaamiin, “Al biguulu leekum, avmiluuhu.”

⁶ Wa kaan fih sitta ziyaar min ḥujaar mawjuuda hinaak vashaan vaadat al ghasiil, zei maa al Yahuud yasawwu daaiman. Kullu waaḥid minnaha yashiil xamsa sitta ṣafaayiḥ.

⁷ Yasuuv gaal leehum, “Amlu_z ziyaar mooya.” Wa malooha tamaam.

⁸ Wa bavdeen gaal leehum, “Kubbu minnu shwaiya, wa gaddimuuhu le ra’iis al vazuuma.” Wa gaddamu leehu.

⁹ Wa lamma ra’iis al vazuuma shirib al mooya_l Yasuuv ghayyara le xamr, hu maa virif min ween jaabooha, laakin al xaddaamiin al kabbu_l mooya virifu. Wa bavd da, ra’iis al vazuuma naada_l variis.

¹⁰ Wa gaal leehu, “Kullu zool bigaddim al xamr al kwaisa fi_l awwal, wa lamma_n naas shiribu katiir, bavdeen yagaddim al maa kwaisa. Laakin inta vamalta be_l vaks. Xalleet al xamr al kwaisa lighaayat hassav.”

¹¹ Wa di kaanat awwal al valaamaat al vamala Yasuuv fi Gaana_j Jaliil. Wa beyyan majdu. Wa talaamiizu aamanu beehu.

YASUUV YANAḌḌIF AL HEEKAL

¹² Wa bavd kida, nazal le Kafranaaḥuum, huwa, wa ummu, wa axwaanu, wa talaamiizu. Wa gavadu hinaak aiyaam galiila.

¹³ Wa Viid al Fiṣaḥ bitaav al Yahuud kaan gariib. Wa Yasuuv ṭalav le Uurushaliim.

¹⁴ Wa liga fi_l heekal, naas gaavidiin, hum al kaanu bibiivu bagar wa ghanam wa ḥamaam, wa_l bighayyiru_l guruush.

¹⁵ Wa vamal sooṭ min ḥabl, wa ṭarad al kull, yavni al ghanam wa_l bagar min al heekal. Wa kabba_l guruush bitaavat al bighayyiru_l guruush. Wa galab aṭ ṭarabeezaat bitaavatum.

¹⁶ Wa gaal le_n naas al bibiivu_l ḥamaam, “Shiilu deel min hina. Maa taxallu beet Abuui yabga beet tijaara.”

¹⁷ Wa talaamiizu itzakkaru ’innu maktuub, “Maḥabba ḥaarra le beetak akalatni.”

¹⁸ Wa_l Yahuud gaalu leehu, “Al valaama shinu at tawarriina inta vindak sulṭa vashaan tasawwi kida?”

¹⁹ Yasuuv radda wa gaal leehum, “Kassiru_l heekal da, wa ana abniihu fi talaatat aiyaam.”

²⁰ Wa_l Yahuud gaalu, “Al heekal da kaan mabni fi sitta wa arbaviin sana, wa inta bitabniihu fi talaatat aiyaam?”

²¹ Laakin huwa kaan bitkallam van heekal jismu.

²² Wa vashaan kida, lamma Yasuuv gaam min been al meyyitiin, talaamiizu itzakkaru ’innu gaal leehum kida. Wa aamanu be_l Kitaab wa be_l kalaam al gaal leehum Yasuuv.

²³ Wa lamma kaan fi Uurushaliim fi Viid al Fiṣaḥ, naas kutaar aamanu beehu lamma shaafu_l valaamaat al vamala.

²⁴ Laakin Yasuuv maa sallam nafsu leehum, vashaan huwa kaan biyavrif kull an naas,

²⁵ wa vashaan huwa maa kaan muḥtaaj le aiyi zool yash‐had vannu. Vashaan huwa nafsu virif aj juwwa_l insaan.