Yuuḥanna 19 - Kitaab al Vahd aj Jadid 1978

¹ Bavdeen Biilaaṭus axad Yasuuv wa jaladu.

² Wa_l vasaakir vamalu taaj min shook, wa xaṭṭoohu vala raasu, wa labbasoohu jallabiyya ḥamra.

³ Wa kaanu yamshu leehu wa biguulu, “As salaam, yaa Malik al Yahuud!” Wa kaanu yaḍrubuuhu be iideehum.

⁴ Wa Biilaaṭus marag barra marra taanya, wa gaal leehum, “Shuufu, ana baṭallivu leekum barra vashaan tavrifu ana maa ligiit fiihu zanb waaḥid.”

⁵ Wa Yasuuv ṭalav barra, wa huwa laabis taaj ash shook foog raasu wa_j jallabiyya al ḥamra. Wa Biilaaṭus gaal leehum, “Ahu da_l insaan.”

⁶ Wa lamma_l gusus al kubaar wa_l xaddaamiin shaafoohu, kooraku, wa gaalu, “Aṣlubu, Aṣlubu!” Biilaaṭus gaal leehum, “Uxduuhu intu, W_aṣlubuuhu, vashaan ana maa ligiit zanb fiihu.”

⁷ Al Yahuud gaalu leehu, “Vindana gaanuun, wa ḥasab gaanuunna, hu laazim yamuut, vashaan huwa vamal nafsu Ibn Allaah.”

⁸ Wa lamma Biilaaṭus simiv al kalaam da, xaaf shadiid.

⁹ Wa daxal beet al mudiir taani marra wa gaal le Yasuuv, “Min ween inta?” Laakin Yasuuv maa radda valeehu.

¹⁰ Wa Biilaaṭus gaal leehu, “Inta maa daayir tarudd valeiya? Inta maa vaarif vindi sulṭa vashaan afikkak? wa sulṭa vashaan aṣlubak?”

¹¹ Yasuuv radda valeehu wa gaal, “Inta maa vindak sulṭa valeiya abadan iza maa kaan leek sulṭa min foog. Vashaan kida, al waaḥid as sallamni leek, vindu xaṭiyya akbar.”

¹² Min al wakit daak, Biilaaṭus kaan vaawiz yafikku, laakin al Yahuud kaanu yakooriku, wa yaguulu, “Kaan inta fakkeet az zool da, maa takuun ṣaaḥib le Geeṣar. Kull al bisawwi nafsu malik, huwa ḍidd Geeṣar.”

¹³ Wa lamma Biilaaṭus simiv al kalaam da, hu jaab Yasuuv barra, wa gavad vala kursi_l ḥukm fi makaan ismu be_l Vibraaniyya, Jabbaata, yavni, al balaaṭ.

¹⁴ Wa da kaan Yoom al Istivdaad le Viid al Fiṣaḥ. Wa_l wakit kaan as saava iṭnaashar tagriiban. Bavdeen Biilaaṭus gaal le_l Yahuud, “Shuufu malikkum.”

¹⁵ Laakin kooraku, “Uxdu! Uxdu w_aṣlubu!” Biilaaṭus gaal leehum, “(?) Aṣlub al Malik bitaavkum?” Al gusus al kubaar raddu valeehu wa gaalu, “Maa vindana malik illa Geeṣar!”

¹⁶ Bavd kida, sallamu leehum vashaan yaṣlubuuhu.

YASUUV VALA_Ṣ ṢALIIB

¹⁷ Wa axadu Yasuuv, wa hu shaayil ṣaliibu, le_l makaan al biguulu vannu makaan aj jumjuma, wa ismu be_l Vibraaniyya, Juljusa.

¹⁸ Wa hinaak ṣalaboohu, wa ṣalabu itneen taanyiin mavaahu, waaḥid min hina wa waaḥid min hinaak, wa Yasuuv fi_l wasiṭ.

¹⁹ Wa Biilaaṭus katab kitaaba wa xaṭṭa vala_ṣ ṣaliib. Wa kaan maktuub, “Yasuuv an Naaṣiri, Malik al Yahuud.”

²⁰ Wa katiir min al Yahuud garu_l kitaaba di, vashaan al maḥall al hu kaan inṣalab fiihu kaan gariib min al madiina. Wa kaan maktuub be_l lughaat al Vibraaniyya wa_l Griigi Wa_l Laatiiniyya.

²¹ Wa_l gusus al kubaar gaalu le Biilaaṭus, “Maa taktib, Malik al Yahuud, laakin, Huwa gaal, Ana Malik al Yahuud.”

²² Biilaaṭus radda wa gaal leehum, “Al katabtu xalaaṣ, katabtu.”

²³ Bavdeen al vasaakir, lamma kaanu biṣlubu Yasuuv, axadu hiduumu. Wa gasamoohu arbavat agsaam, le kullu vaskari gisim. Wa axadu_l gamiiṣ kamaan. Wa_l gamiiṣ kaan biduun xiyaaṭa, mavmuul ḥitta waaḥda min foog le tiḥit.

²⁴ Wa gaalu bavḍahum le bavḍ, “Maa nashruṭu, laakin narmi gurva wa nashuuf al gurva yagav le minu.” Valashaan yatimm al maktuub fi_l Kitaab, “Gassamu hiduumi beenum, wa vala gamiiṣi ramu gurva.” Vashaan kida al vasaakir vamalu da.

²⁵ Wa umm Yasuuv, wa uxut ummu, Maryam marat Kuluuba, wa Maryam al Majdaliyya wagafu gariib le ṣaliib Yasuuv.

²⁶ Wa lamma Yasuuv shaaf ummu, wa_t tilmiiz al kaan biḥibbu waagif gariib, gaal le ummu, “Yaa sitt, shuufi, ibnak.”

²⁷ Wa gaal le_t tilmiiz, “Shuuf, ummak.” Wa min as saava diik, at tilmiiz da axad ummu le beetu.

MOOT YASUUV

²⁸ Bavd kida, Yasuuv shaaf kullu shi kaan xalaaṣ. Wa vashaan yatimm al maktuub fi_l Kitaab hu gaal, “Ana vaṭshaan.”

²⁹ Wa ḥalla kaanat maxṭuuṭa malyaana be xall. Wa malu sifinja min al xall, wa xaṭṭooha vala vaṣaaya ṭawiila, wa rafavooha le xashmu.

³⁰ Wa lamma Yasuuv axad al xall, gaal, “Be_l ḥagg kimil.” Wa dangar raasu wa sallam ar ruuḥ.

³¹ Wa da kaan Yoom al Istivdaad. Wa vashaan al yoom al bavdu kaan sabit maxṣuuṣ, al Yahuud sa’alu Biilaaṭus vashaan yaksiru rijleehum wa yanazziluuhum. Hum maa kaanu vaawiziinum yaxallu_l ajsaam vala_ṣ ṣaliib fi_s sabit.

³² Wa_l vasaakir jo wa kasaru rijleen al awwal wa_t taani min al maṣluubiin mavaahu.

³³ Wa lamma jo le Yasuuv, maa kasaru rijleehu, vashaan shaafoohu maat.

³⁴ Laakin waaḥid min al vasaakir ṭavan janbu be ḥarba, wa ṭawwaali damm wa mooya ṭalavu min janbu.

³⁵ Wa huwa ash shaaf kida, shihid, wa shahaadatu ḥagg. Wa huwa yavrif ’innu biguul al ḥagg, vashaan intu ta’aaminu kamaan.

³⁶ Wa_l ḥaajaat di ḥaṣalat, vashaan yatimm al maktuub fi_l Kitaab, “Wa laa waaḥid min viḍaamu bikuun maksuur.”

³⁷ Wa kamaan fi maḥall taani fi_l Kitaab, “Hum bishuufu_ṭ ṭavanoohu.”

DAFN YASUUV

³⁸ Bavd da, Yuusif al min Arraama sa’al Biilaaṭus vashaan yaaxud jism Yasuuv. Wa hu kaan tilmiiz le Yasuuv, wa laakin fi_s sirr vashaan al xoof min al Yahuud. Wa Biilaaṭus addaahu_l izn. Vashaan kida, ja wa axad jism Yasuuv.

³⁹ Wa Nigudimuus kamaan ja. Wa awwal marra lamma hu masha le Yasuuv, kaan fi_l leel. Hu jaab mavaahu buhaaraat malaxbaṭa, miyyat raṭl tagriiban.

⁴⁰ Wa axad jism Yasuuv, wa laffoohu fi gumaash tiil mava_l buhaaraat, zei tartiib al Yahuud le_d dafan.

⁴¹ Wa kaanat fih jineena fi_l makaan aṣ ṣalabu fiihu Yasuuv. Wa fi_j jineena di kaan fih gabur jadiid maa xaṭṭu fiihu zool gabla kida.

⁴² Wa xaṭṭu Yasuuv hinaak, valashaan kaan Yoom al Istivdaad bitaav al Yahuud, wa vashaan al gabur kaan gariib.