Yuuḥanna 18 - Kitaab al Vahd aj Jadid 1978

YASUUV MUSALLAM LE VUDWAANU

¹ Wa lamma Yasuuv gaal al kalaam da, marag mava talaamiizu le_j jamb at taani le waadi Gidruun. Hinaak kaanat fih jineena, wa Yasuuv wa talaamiizu daxalooha.

² Wa Yahuuza, al bisallimu, kaan yavrif al makaan, vashaan Yasuuv kaan bijtamiv hinaak marraat katiira mava talaamiizu.

³ Valashaan kida, Yahuuza axad jamaava min al vasaakir, wa xaddaamiin min al gusus al kubaar wa_l Farriisiyyiin. Wa hum jo le hinaak shaayiliin lambaat wa silaaḥ.

⁴ Bavdeen Yasuuv, wa huwa vaarif kull al ḥaajaat al biju valeehu, marag leehum. Wa gaal, “Intu daayiriin minu?”

⁵ Gaalu leehu, “Yasuuv an Naaṣiri.” Yasuuv gaal leehum, “Ana huwa.” Wa Yahuuza al bisallimu kaan waagif mavaahum.

⁶ Wa lamma gaal, “Ana huwa,” hum rajavu le wara, wa wagavu vala_l arḍ.

⁷ Wa sa’alum taani, “Intu daayiriin minu?” Gaalu, “Yasuuv an Naaṣiri.”

⁸ Yasuuv radda valeehum wa gaal, “Ana gulta leekum ana huwa. Kaan intu daayiriinni, xallu deel yamrugu.”

⁹ Da ḥaṣal vashaan yatimm al kalaam al gaalu, “Al addeetum leiya, maa itwaddar minnahum wa laa waaḥid.”

¹⁰ Wa Simvaan Buṭrus kaan vindu seef. Wa shaalu wa ḍarab vabd ra’iis al gusus, wa gaṭav aḍaanu_l yamiin. Wa ism al vabd kaan Malxus.

¹¹ Wa Yasuuv gaal le Buṭrus, “Xuṭṭ as seef fi maḥallu. Kubbaayat al wajav al Abu addaani, maa bashraba?”

¹² Wa bavdeen al vasaakir wa_ḍ ḍaabiṭ bitaavum wa xaddaamiin al Yahuud, gabaḍu vala Yasuuv wa rabaṭoohu.

¹³ Wa jaaboohu fi_l awwal le Ḥannaan, vashaan huwa kaan nasiib Giyaafa al kaan ra’iis al gusus fi_s sana diik.

¹⁴ Wa kaan Giyaafa al gaal le_l Yahuud, “Axeer zool waaḥid yamuut fishaan an naas.”

BUṬRUS YANKUR YASUUV TALAATA MARRAAT

¹⁵ Wa Simvaan Buṭrus wa tilmiiz taani kaanu yatbavu Yasuuv. Wa_t tilmiiz daak kaan mavruuf vind ra’iis al gusus. Wa kida hu daxal mava Yasuuv le ḥoosh ra’iis al gusus.

¹⁶ Laakin Buṭrus kaan waagif vind al baab barra. Wa_t tilmiiz at taani, al kaan mavruuf vind ra’iis al gusus, ṭalav barra, wa kallam al xaddaama_l bitaḥras al baab. Wa xalla Buṭrus yadxul.

¹⁷ Wa_l xaddaama_l bitaḥras al baab gaalat le Buṭrus, “Inta kamaan mush waaḥid min talaamiiz al insaan da?” Wa Buṭrus gaal leeha, “Laa, mush ana.”

¹⁸ Wa_l xaddaamiin wa_ḍ ḍubbaaṭ kaanu waagfiin, wa hum wallavu_n naar. Wa vashaan kaan baarid, kaanu bidaffu. Wa Buṭrus kaan waagif mavaahum yadaffi nafsu.

¹⁹ Wa bavd da, ra’iis al gusus sa’al Yasuuv van talaamiizu wa van tavliimu.

²⁰ Wa Yasuuv gaal leehu, “Ana itkallamta giddaam an naas. Wa ana vallamta kullu wakit fi buyuut ar Rabb wa fi_l heekal, al makaan al bilimmu fiihu kull al Yahuud. Wa maa itkallamta aiyi shi be_s sirr.

²¹ Vashaan shinu bitas’alni ana? As’al an naas as simivu kalaami. Shuufu! Deel yavrifu ana gulta shinu.”

²² Wa lamma Yasuuv gaal kida, waaḥid min al xaddaamiin kaan waagif gariib, wa hu ḍarab Yasuuv be iidu. Wa gaal leehu, “Kida tarudd vala ra’iis al gusus?”

²³ Yasuuv radda valeehu wa gaal, “Iza itkallamta be ghalaṭ, warriini_l ghalaṭ. Wa iza itkallamta kwaiyis, vashaan shinu bitaḍrubni?”

²⁴ Bavdeen Ḥannaan rassalu marbuuṭ le Giyaafa ra’iis al gusus.

²⁵ Wa Simvaan Buṭrus kaan waagif yadaffi nafsu. Wa gaalu leehu, “Inta maa waaḥid min talaamiizu kamaan?” Wa huwa nakar wa gaal, “Mush ana.”

²⁶ Waaḥid min vabiid ra’iis al gusus, kaan fih. Wa huwa nasiib ar raajil al Buṭrus gaṭav aḍaanu. Ar raajil da gaal leehu, “(?) Ana maa shuftak mavaahu fi_j jineena?”

²⁷ Wa Buṭrus nakar marra taanya. Wa ṭawwaali ad diik koorak.

YASUUV GIDDAAM BIILAAṬUS

²⁸ Wa bavdeen jaabu Yasuuv min Giyaafa le beet al mudiir. Wa kaan aṣ ṣabaaḥ. Wa hum maa daxalu le beet al mudiir, vashaan maa yanajjisu nufuusum wa laakin yagdaru yaaklu_l Fiṣaḥ.

²⁹ Wa Biilaaṭus ṭalav leehum barra wa gaal, “Intu tashtaku be shinu vala_r raajil da?”

³⁰ Hum raddu wa gaalu leehu, “Iza maa kaan vaamil ḥaajaat baṭṭaala, maa kunna sallamnaahu leek.”

³¹ Biilaaṭus gaal leehum, “Shiiluuhu intu, wa_aḥkumu valeehu be ḥasab al gaanuun bitaavkum.” Wa_l Yahuud gaalu leehu, “Maa vindana sulṭa naktul zool.”

³² Vashaan yatimm kalaam Yasuuv, al gaalu vashaan yawarri beehu yaatu moot kaan maashi yamuut.

³³ Wa bavdeen Biilaaṭus daxal beet al mudiir, wa naada Yasuuv, wa gaal leehu, “Inta Malik al Yahuud?”

³⁴ Yasuuv radda valeehu wa gaal, “Inta bitguul al kalaam da min nafsak? walla naas taanyiin gaalu leek kida vanni?”

³⁵ Biilaaṭus radda valeehu wa gaal, “Ana Yahuudi? Shavbak wa_l gusus al kubaar sallamook leiya. Inta vamalta shinu?”

³⁶ Yasuuv gaal leehu, “Malakuuti maa min ad dunya di. Iza malakuuti min ad dunya di, xaddaamiini biḥaaribu, vashaan maa batsallam le_l Yahuud. Laakin hassav malakuuti maa min ad dunya.”

³⁷ Wa Biilaaṭus gaal leehu, “Vala kida inta malik?” Yasuuv gaal leehu, “Inta bitguul ana malik. Vashaan kida ana itwaladta, wa vashaan kida ana jiit le_d dunya, vashaan ash‐had le_l ḥagg. Kullu waaḥid al yaḥibb al ḥagg yasmav ṣooti.”

³⁸ Biilaaṭus gaal leehu, “Al ḥagg shinu?” Wa lamma gaal kida, marag taani le_l Yahuud, wa gaal leehum, “Ana maa ligiit zanb fiihu.

³⁹ Wa vindakum vaada afikk leekum waaḥid fi_l Fiṣaḥ. Intu daayiriinni afikk leekum Malik al Yahuud?”

⁴⁰ Wa kooraku taani marra wa gaalu, “Laa, maa ar raajil da, laakin Baraabaas.” Wa Baraabaas kaan ḥaraami.