Yuuḥanna 16 - Kitaab al Vahd aj Jadid 1978

VAMAL AR RUUḤ AL GUDUS

¹ Ana gulta leekum kullu da vashaan maa tagavu.

² Hum biṭruduukum min buyuut ar Rabb. Laakin saava bitaji, fiiha aiyi waaḥid al biktulkum yaftakir huwa bixdim Allaah.

³ Wa biyavmilu beekum kida fishaan hum maa virfu_l Abu walla virfooni.

⁴ Ana kallamtakum be da hassav, vashaan lamma saavatum taji, titzakkaru ana gulta leekum da kullu. Ana maa kallamtakum be da fi_l awwal, valashaanni kunta mavaakum.

⁵ Laakin hassav ana maashi le_r rassalni. Wa maa fih waaḥid minnakum yas’alni, Inta maashi ween?

⁶ Laakin vashaan ana gulta leekum da, guluubkum itmalat be_l ḥuzn.

⁷ Laakin aguul leekum al ḥagg, aḥsan leekum ana amshi. Vashaan iza ana maa masheet, al Musaavid maa bijiikum. Laakin iza masheet, barassilu leekum.

⁸ Wa lamma daak yaji, biwabbix ad dunya vala_l xaṭiyya wa vala_l birr wa vala_d deenuuna.

⁹ Hu yawabbix ad dunya vala xaṭiyya vashaan maa bi’aaminu beiya.

¹⁰ Wa vala_l birr vashaan ana maashi le Abuui, wa intu maa bitshuufuuni taani.

¹¹ Wa vala_d deenuuna vashaan ra’iis ad dunya di kaan maḥkuum valeehu.

¹² Ana vindi ḥaajaat katiira aguula leekum, laakin intu maa bitagdaru tafhamuuha hassav.

¹³ Laakin lamma Ruuḥ al ḥagg yaji, huwa biwarriikum kull al ḥagg. Vashaan huwa maa bitkallam min nafsu, laakin kull al bismav, hu bitkallam beehu. Wa biwarriikum al ḥaajaat aj jaaiya.

¹⁴ Huwa bimajjidni, vashaan huwa biyaaxud min al vindi wa bikallimkum.

¹⁵ Kullu shi bitaav al Abu, huwa bitaavi. Vashaan kida, gulta ar Ruuḥ biyaaxud min al vindi, wa biwarriihu leekum.

¹⁶ Bavd shwaiya intu maa bitshuufuuni. Wa kamaan bavd shwaiya intu bitshuufuuni.”

¹⁷ Bavḍ min talaamiizu gaalu bavḍahum le bavḍ, “Da shinu huwa biguul leena, Bavd shwaiya maa bitshuufuuni, wa kamaan bavd shwaiya bitshuufuuni, wa, Vashaan ana maashi le_l Abu?”

¹⁸ Wa gaalu, “Mavna al kalaam da shinu al huwa biguul, Bavd shwaiya? Niḥna maa navrif huwa biguul shinu.”

¹⁹ Yasuuv virif hum vaawziin yas’aluuhu. Wa vashaan kida gaal leehum, “Intu bitas’alu beenkum van da? vashaan ana gulta, Bavd shwaiya maa bitshuufuuni, wa bavd shwaiya kamaan bitshuufuuni?

²⁰ Al ḥagg al ḥagg aguul leekum, Intu bitabku wa bitkooriku, wa_d dunya tafraḥ. Intu bitaḥzanu, laakin ḥuznakum bitghayyar le faraḥ.

²¹ Al mara lamma talid bitaḥzan, vashaan saavata jaat. Laakin bavd maa wildat aṭ ṭifl, maa bititzakkar al wajav al kaanat vindaha. Hiya takuun mabsuuṭa vashaan insaan itwalad fi_d dunya.

²² Wa vashaan kida, intu vindakum ḥuzn hassav. Laakin ana bashuufkum marra taanya, wa guluubkum bikuunu mabsuuṭiin. Wa maa fih zool yashiil al faraḥ bitaavkum minnakum.

²³ Wa fi_l yoom daak, maa bitas’aluuni aiyi shi. Al ḥagg al ḥagg aguul leekum, kull al bitaṭlubuuhu min al Abu b_ismi, biddiihu leekum.

²⁴ Lighaayat hassav, intu maa ṭalabtu ḥaaja b_ismi. Aṭlubu, tagbalu, valashaan faraḥkum yakuun kaamil.

²⁵ Ana gulta da leekum hassav be amsaal. Laakin saava bitaji lamma maa bakallimkum be amsaal bavd da. Fi_l wakit da bakallimkum van al Abu biduun sirr.

²⁶ Wa fi_l yoom daak, intu bitaṭlubu b_ismi. Wa maa baguul leekum ana bas’al al Abu fishaankum.

²⁷ Vashaan al Abu nafsu biḥibbkum, vashaankum ḥabbeetuuni, wa aamantu ana jiit min Allaah.

²⁸ Ana jiit min vind al Abu, wa daxalta_d dunya. Wa ana kamaan basiib ad dunya wa bamshi le_l Abu.”

²⁹ Talaamiizu gaalu leehu, “Hassav inta bititkallam kalaam mafhuum, wa maa taguul masal waaḥid.

³⁰ Hassav di binavrif inta bitavrif kullu shi. Wa maa taḥtaaj le zool yas’alak. Vashaan kida bin’aamin inta jiit min Allaah.”

³¹ Yasuuv gaal leehum, “Hassav intu bit’aaminu?

³² Saava bitaji, wa_s saava di hassav, fiiha kullu waaḥid bitfarrag le beetu. Wa yaxalluuni baraai, laakin ana maa baraai, vashaan al Abu mavaai.

³³ Kallamtakum kida vashaan yakuun leehum salaam fiyya. Fi_d dunya yakuun vindakum tavb. Wa laakin shiddu ḥeelkum, ana ghalabta_d dunya.”