Yuuḥanna 13 - Kitaab al Vahd aj Jadid 1978

YASUUV YAGHASSIL RIJLEEN AT TALAAMIIZ

¹ Gubbaal Viid al Fiṣaḥ, lamma Yasuuv virif saavtu jaat vashaan yasiib ad dunya di, wa yamshi le_l Abu, hu ḥabb an naas bitaavu_l kaanu fi_d dunya, wa ḥabbaahum le_l aaxir.

² Wa kaan wakit al vasha, wa Ibliis xaṭṭ fi galib Yahuuza vashaan yasallimu leehum.

³ Yasuuv virif ’in al Abu adda leehu kullu shi fi iideehu, wa ’innu ja min vind Allaah, wa yarjav le Allaah.

⁴ Valashaan kida, hu gaam min al vasha, wa galav hiduumu_l barraani, wa rabaṭ wasṭu be fuuṭa.

⁵ Wa bavdeen xaṭṭ mooya fi ṭisht, wa ibtada yaghassil rijleen at talaamiiz, wa yamsaḥa be_l fuuṭa al kaan rabaṭat beehu fi wasṭu.

⁶ Wa ja le Simvaan Buṭrus. Wa Buṭrus gaal leehu, “Yaa Saiyid, inta taghassil rijleiya?”

⁷ Yasuuv radda valeehu wa gaal, “Inta maa bitavrif hassav ana bavmil shinu, laakin inta maashi tafham bavdeen.”

⁸ Buṭrus gaal leehu, “Inta maa taghassil rijleiya abadan.” Yasuuv gaal leehu, “ ’In kunta maa baghassilak, maa vindak juz mavaai.”

⁹ Simvaan Buṭrus gaal leehu, “Yaa Saiyid, mush rijleiya bass, laakin iideiya wa raasi kamaan.”

¹⁰ Yasuuv gaal leehu, “Al itghassal maa vaawiz illa ghasl rijleehu bass, vashaan jismu kullu naḍiif. Wa intu nuḍaaf, laakin mush kullukum.”

¹¹ Wa huwa virif minu daayir yasallimu. Vashaan kida gaal, “Maa kullukum nuḍaaf.”

¹² Wa bavd maa ghassal rijleehum, wa axad hiduumu wa gavad fi maḥallu taani marra, gaal leehum, “Intu bitavrifu ana vamalta leekum shinu?

¹³ Intu bitnaaduuni Yaa Muvallim wa Yaa Saiyid, wa intu gultu_l ḥagg, vashaan ana kida.

¹⁴ Wa ana_s Saiyid wa_l Muvallim. Ana ghassalta rijleekum. Wa intu kamaan laazim taghassilu rijleen bavḍakum bavḍ.

¹⁵ Ana addeetkum masal, vashaan intu kamaan tavmilu zei maa ana vamalta leekum.

¹⁶ Al ḥagg al ḥagg aguul leekum, ’innu maa fih vabd akbar min saiyidu, wa laa rasuul akbar min ar rassalu.

¹⁷ Iza viriftu_l ḥaajaat di, bitkuunu mubaarakiin iza tavmiluuhum.

¹⁸ Ana maa batkallam van kullakum. Ana vaarif an naas al ixtartum. Laakin da vashaan yatimm al maktuub fi_l Kitaab, Al biyaakul mavaai al veesh, rafav valeiya kuraavu.

¹⁹ Aguul leekum hassav gubbaal maa yaḥṣal, vashaan lamma yaḥṣal, ta’aaminu ana huwa.

²⁰ Al ḥagg al ḥagg aguul leekum, al bigbal az zool al barassilu, bigbalni. Wa_l bigbalni, bigbal ar rassalni.”

YASUUV YAXABBIR BE XAAYINU

²¹ Lamma Yasuuv gaal kida, iḍṭarab be_r ruuḥ, wa shihid wa gaal, “Al ḥagg aguul leekum, waaḥid minnakum maashi yasallimni.”

²² Wa_t talaamiiz kaanu yavaayinu le bavḍ, vashaan maa virifu huwa bikallim van minu.

²³ Wa waaḥid min talaamiizu kaan yintakil vala ṣadr Yasuuv, wa Yasuuv kaan biḥibbu.

²⁴ Simvaan Buṭrus ashshar leehu wa gaal, “Warriina huwa bikallim van minu.”

²⁵ Wa_t tilmiiz daak intakal vala ṣadr Yasuuv wa gaal leehu, “Yaa Saiyid, huwa minu?”

²⁶ Yasuuv radda valeehu wa gaal, “Az zool al baddiihu ḥittat al veesh lamma daxxalta fi_l mulaaḥ, da huwa.” Bavdeen Yasuuv daxxal al veesh fi_l mulaaḥ wa addaahu le Yahuuza ibn Simvaan al Isxariyuuṭi.

²⁷ Wa bavd maa axad al veesh, ash Sheeṭaan daxal fiihu. Wa Yasuuv gaal leehu, “Ad daayir tavmilu, avmilu gawaam.”

²⁸ Wa maa fih waaḥid min al gaavdiin fi_ṭ ṭarabeeza fihim vashaan shinu huwa gaal kida.

²⁹ Valashaan Yahuuza kaan vindu_ṣ ṣanduug, bavḍ minnahum fakkaru ’innu Yasuuv gaal leehu yashtari_l ḥaajaat al hum vaawziin le_l viid, walla yaddi shi le_l masaakiin.

³⁰ Vashaan kida, lamma Yahuuza axad al veesh, marag ṭawwaali. Wa_d dunya kaanat leel.

³¹ Wa lamma Yahuuza marag barra, Yasuuv gaal, “Hassav di, Ibn al insaan itmajjad, wa Allaah itmajjad fiihu.

³² ’In kaan Allaah itmajjad fiihu, Allaah bimajjid al Ibn fi nafsu, wa yamajjidu be surva.

³³ Yaa awlaadi, ana mavaakum mudda giṣaira bavd da. Intu bitfattishu valeiya. Wa zei maa ana gulta le_l Yahuud, baguul leekum, Al maḥall al ana maashi leehu, intu maa bitagdaru taju.

³⁴ Ana baddiikum amr jadiid, vashaan taḥibbu bavḍakum bavḍ. Zei maa ana ḥabbeetkum, intu kamaan taḥibbu bavḍakum bavḍ.

³⁵ Be kida, an naas biyavrifu intu talaamiizi, iza kaan vindakum maḥabba bavḍakum bavḍ.”

³⁶ Simvaan Buṭrus gaal leehu, “Yaa Saiyid, inta maashi ween?” Yasuuv radda valeehu wa gaal, “Al maḥall al ana maashi leehu, inta maa tagdar tamshi leehu hassav, wa laakin inta bitatbavni fi_l aaxir.”

³⁷ Buṭrus gaal leehu, “Yaa Saiyid, vashaan shinu maa bagdar atbavak hassav? Ana baddi ḥayaati fishaanak.”

³⁸ Yasuuv radda wa gaal leehu, “Inta taddi ḥayaatak fishaanni? Al ḥagg al ḥagg aguul leek, gubbaal maa ad diik yakoorik, inta maashi tankirni talaata marraat.