Yuuḥanna 11 - Kitaab al Vahd aj Jadid 1978

MOOT LAVAAZAR

¹ Kaan fih insaan vaiyaan, wa huwa Lavaazar min Beetvanya, ḥillat Maryam wa Marta uxuta.

² Wa kaanat Maryam hiya ad dahanat ar Rabb be riiḥa, wa masaḥat rijleehu be shavara. Wa axuuha Lavaazar kaan vaiyaan.

³ Vashaan kida, axwaat Lavaazar rassalu le Yasuuv wa gaalu leeehu, “Yaa Saiyid, shuuf, huwa_l inta bitḥibbu vaiyaan.”

⁴ Wa lamma Yasuuv simiv, hu gaal, “Al vaya di mush le_l moot, laakin vashaan majd Allaah, vashaan Ibn Allaah yitmajjad beehu.”

⁵ Wa Yasuuv kaan biḥibb Marta wa uxuta wa Lavaazar.

⁶ Wa lamma simiv ’innu vaiyaan, gavad fi_l makaan al hu kaan fiihu yoomeen taani.

⁷ Wa bavd kida, hu gaal le talaamiizu, “Tavaalu, namshi taani le_l Yahuudiyya.”

⁸ At talaamiiz gaalu leehu, “Yaa Muvallim, hassav al Yahuud kaanu daayiriin yaḍrubuuk be_l ḥujaar. Wa inta daayir tamshi le hinaak taani?”

⁹ Yasuuv radda valeehum wa gaal, “Mush iṭnaashar saava fi_l yoom? Iza waaḥid bimshi fi_n nahaar, hu maa bigav, vashaan huwa bishuuf nuur ad dunya di.

¹⁰ Laakin iza yamshi fi_l leel, hu bigav, vashaan an nuur maa fih.”

¹¹ Wa bavd maa itkallam be da, gaal leehum, “Lavaazar ṣaaḥibna naam. Laakin ana maashi agawwimu min an noom.”

¹² Wa_t talaamiiz gaalu leehu, “Yaa Saiyid, iza kaan naam, hu maashi yakuun ṭaiyib.”

¹³ Wa Yasuuv kaan yitkallam van mootu, wa hum fakkaru ’innu kaan bitkallam van an noom.

¹⁴ Bavdeen Yasuuv gaal leehum be kalaam mafhuum, “Lavaazar maat.

¹⁵ Wa ana farḥaan fishaankum ’inni maa kunta hinaak, valashaan intu ta’aaminu. Laakin xalliina namshi leehu.”

¹⁶ Wa Tuuma al ismu_t Teemaan gaal le_t talaamiiz al mavaahu, “Tavaalu namshi, namuut mavaahu kamaan.”

YASUUV YAVAZZI AL AXAWAAT

¹⁷ Wa lamma Yasuuv waṣal, ligaahu kaan fi_l gabr arbavat aiyaam.

¹⁸ Wa Beetvanya kaanat gariiba min Uurushaliim, masaafat miileen tagriiban.

¹⁹ Wa naas kutaar min al Yahuud jo vashaan yavazzu Maryam wa Marta van axuuhum.

²⁰ Wa lamma Marta simivat Yasuuv kaan jaai, mashat wa gaabalatu. Laakin Maryam gavadat fi_l beet.

²¹ Marta gaalat le Yasuuv, “Yaa Saiyid, iza inta kunta hina, axuui maa kaan maat.

²² Laakin ana vaarfa kull al bitaṭlubu min Ailaah, Allaah biddiihu leek.”

²³ Yasuuv gaal leeha, “Axuuki biguum taani.”

²⁴ Marta gaalat leehu, “Ana vaarfa huwa biguum fi_l giyaama, fi_l yoom al axiir.”

²⁵ Yasuuv gaal leeha, “Ana huwa_l giyaama wa_l ḥayaat. Wa_l bi’aamin beiya, wa law maat bikuun ḥai.

²⁶ Wa kullu waaḥid al kaan ḥai wa aaman beiya, maa yamuut le_l abad. (?) Inti bit’aamini be da?”

²⁷ Gaalat leehu, “Aiwa, yaa Saiyid, ana aamanta inta Ibn Allaah al ḥai aj jaai le_d dunya.”

²⁸ Wa lamma gaalat kida, mashat wa naadat uxuta Maryam be_s sirr, wa gaalat leeha, “Al Muvallim ja, wa huwa binaadiiki.”

²⁹ Wa hiya lamma simivat, gaamat gawwaam wa jaat leehu.

³⁰ Wa Yasuuv lissav maa kaan waṣal al ḥilla, laakin huwa kaan fi _l makaan al Marta gaabalatu fiihu.

³¹ Valashaan kida al Yahuud al kaanu fi_l beet yavazzuuha, lamma shaafu Maryam gaamat gawwaam wa maragat, hum tibivooha wa iftakaru hiya maashya le_l gabr vashaan tabki hinaak.

³² Wa lamma Maryam jaat le_l makaan al Yasuuv kaan fiihu, wa shaafatu, hiya wagavat fi rijleehu wa gaalat leehu, “Yaa Saiyid, iza inta kunta hina, axuui maa kaan maat.”

³³ Wa lamma Yasuuv shaafa tabki, wa_l Yahuud aj jo mavaaha yabku kamaan, ruuḥu kaan ḥaziin wa iḍṭarab.

³⁴ Wa gaal leehum, “Xaṭṭeetu jismu ween?” Gaalu leehu, “Yaa Saiyid, tavaal wa shuuf.”

³⁵ Yasuuv baka.

³⁶ Wa_l Yahuud gaalu, “Shuufu keef kaan biḥibbu.”

³⁷ Laakin bavḍ minnahum gaalu, “Huwa al fataḥ vuyuun al vamyaan, maa kaan yagdar yaxalli_r raajil da maa yamuut?”

YASUUV YAGAWWIM LAVAAZAR MIN AL MOOT

³⁸ Wa marra taanya Yasuuv iḍṭarab be ḥuzn fi ruuḥu, wa ja le_l gabr. Wa kaanat maghaara, wa ḥajar kaan maxṭuuṭ valeeha.

³⁹ Yasuuv gaal, “Arfavu_l ḥajar.” Marta, uxut ar raajil al meyyit, gaalat leehu, “Yaa Saiyid, da vafan, vashaan huwa meyyit min muddat arbavat aiyaam.”

⁴⁰ Yasuuv gaal leeha, (?) “Ana maa gulta leeki, kaan aamanti, tashuufi majd Allaah?”

⁴¹ Wa rafavu_l ḥajar, wa Yasuuv rafav vuyuunu le_s sama wa gaal, “Yaa Abuui, ashkurak vashaan simivta leiya.

⁴² Wa ana virifta inta daaiman bitasmav leiya. Laakin vashaan an naas deel al waagfiin hina, ana gulta da, vashaan hum ya’aaminu inta rassaltani.”

⁴³ Wa lamma gaal da, koorak be ṣoot vaali, “Lavaazar, amrug barra!”

⁴⁴ Wa_l meyyit marag, wa iideehu wa rijleehu marbuuṭiin be rubaaṭ, wa washshu malfuuf be gumaash. Wa Yasuuv gaal leehum, “Fikkuuhu, wa xalluuhu yamshi.”

⁴⁵ Wa valashaan kida, kutaar min al Yahuud aj jo le Maryam wa shaafu_l vamalu Yasuuv, aamanu beehu.

⁴⁶ Laakin bavḍ minnahum maragu le_l Farriisiyyiin, wa gaalu leehum van al vamalu Yasuuv.

⁴⁷ Vashaan kida, al gusus al kubaar wa_l Farrisiyyiin jamavu_l majlis wa gaalu, “Binavmil shinu? Valashaan ar raajil da gaavid yavmil valaamaat katiira.

⁴⁸ Iza kaan naxalliihu yavmil kida, kullu_n naas bi’aaminu beehu. Wa bavdeen ar Ruumaan biju wa yaxrabu_l makaan bitaavna wa ummatna.”

⁴⁹ Wa waaḥid minnahum ismu Gayaafa al kaan ra’iis al gusus fi_s sana diik, gaal leehum, “Intu maa bitavrifu ḥaaja.

⁵⁰ Intu maa bitfakkiru ’innu aḥsan leekum insaan waaḥid yamuut van ash shavb, wa_n naas kullu maa yamuutu.”

⁵¹ Laakin huwa maa gaal al kalaam da min nafsu, laakin vashaan hu kaan ra’iis al gusus fi_s sana diik, wa itnabba ’an Yasuuv maashi yamuut le_sh shavb.

⁵² Wa maa vashaan al umma bass, laakin vashaan yajmav awlaad Allaah al mafarragiin le waaḥid.

⁵³ Wa min al yoom daak, hum kaanu yitkallamu mava bavḍ keef yaktuluuhu.

⁵⁴ Wa valashaan kida, Yasuuv maa kaan bimshi wa yabeyyin nafsu le_l Yahuud, laakinnu marag min hinaak le makaan gariib min al xala, le madiina isima Afraayim. Wa gavad hinaak mava talaamiizu.

⁵⁵ Wa kaan Viid al Fiṣaḥ bitaav al Yahuud gariib. Wa katiiriin ṭalavu min al ḥilal le Uurushaliim vashaan yaghassilu nufuusum zei vaadat al Yahuud.

⁵⁶ Wa kaanu yafattishu vala Yasuuv, wa_l waagfiin fi_l heekal gaalu waaḥid le_t taani, “Taftakiru shinu? Hu maa biji le_l viid?”

⁵⁷ Wa_l gusus al kubaar wa_l Farriisiyyiin addu amr, iza aiyi waaḥid virif huwa ween, laazim yaxabbirum vashaan yamsikuuhu.