Yuuḥanna 10 - Kitaab al Vahd aj Jadid 1978

AR RAAVI WA XIRFAANU

¹ Al ḥagg al ḥagg aguul leekum, huwa al maa bidxul min al baab le zariibat al xirfaan, laakin yaṭlav be ṭariig taani, al insaan da ḥaraami wa sarraag.

² Laakin al insaan al bidxul be_l baab, huwa raavi_l xirfaan.

³ Al ghafiir yaftaḥ leehu_l baab. Wa_l xirfaan yasmavu ṣootu, wa huwa yanaadi_l xirfaan bituuvu be_l usuum, wa yaguudum barra.

⁴ Wa lamma yamarrig al xirfaan le barra, yamshi giddaamum, wa_l xirfaan yatbavuuhu, vashaan hum biyavrifu ṣootu.

⁵ Laakin hum maa yatbavu_l ghariib abadan, laakin yahrabu minnu, vashaan hum maa biyavrifu ṣoot al ghariibiin.”

⁶ Wa Yasuuv gaal leehum al masal da, laakin hum maa fihmu ash shi al kaan biguulu leehum.

⁷ Valashaan da, Yasuuv gaal leehum kamaan, “Al ḥagg al ḥagg aguul leekum, ana huwa baab al xirfaan.

⁸ Kull aj jo gubbaali, hum ḥaraamiyya wa sarraagiin. Laakin al xirfaan maa simivu leehum.

⁹ Ana huwa_l baab. ’In kaan waaḥid yadxul beiya, hu bikuun muxallaṣ, wa bidxul wa biṭlav wa yalga akl.

¹⁰ Al ḥaraami maa biji illa vashaan yasrig wa yaktul wa yaxrab. Laakin ana jiit vashaan hum yalgu_l ḥayaat, wa yalguuha be_l kaamil.

¹¹ Ana huwa_r raavi_ṣ ṣaaliḥ. Wa_r raavi_ṣ ṣaaliḥ yaddi ḥayaatu fishaan al xirfaan.

¹² Wa laakin al mi’ajjir, al huwa mush ar raavi, wa_l xirfaan mush bituuvu, lamma yashuuf al marfaviin jaai, hu yasiib al xirfaan wa yahrab. Wa_l marfaviin yamsik al xirfaan wa yafartikum.

¹³ Wa_l mi’ajjir yahrab, vashaan huwa mi’ajjir, wa maa bixalli baalu le_l xirfaan.

¹⁴ Ana huwa_r raavi_ṣ ṣaaliḥ. Ana bavrif xirfaani, wa xirfaani biyavrifuuni.

¹⁵ Zei maa al Abu biyavrifni, ana bavrif al Abu. Wa ana baddi ḥayaati vashaan al xirfaan.

¹⁶ Wa ana vindi xirfaan taanyiin, wa hum maa min az zariiba di. Deel kamaan laazim ajiibum. Wa hum bismavu ṣooti. Wa bavdeen yakuun muraaḥ waaḥid wa raavi waaḥid.

¹⁷ Wa valashaan kadi al Abu biḥibbni, vashaan ana baddi ḥayaati, wa baaxuda marra taanya.

¹⁸ Maa fih waaḥid yaaxuda minni, laakin ana baddiiha min nafsi. Vindi sulṭa le addiiha, wa vindi sulṭa baaxuda kamaan. Ana gibilta_l amr da min Abuui.”

¹⁹ Wa_l Yahuud ingasamu taani marra, be sabab al kalaam da.

²⁰ Wa kutaar minnahum gaalu, “Hu vindu sheeṭaan, wa hu majnuun. Vashaan shinu bitasmavu leehu?”

²¹ Taanyiin gaalu, “Da maa kalaam insaan vindu sheeṭaan. (?) Ash sheeṭaan yagdar yaftaḥ vuyuun al vamyaan?”

SHAKK AL YAHUUD

²² Wa kaan Viid at Tajdiid fi Uurushaliim. Wa kaan al wakit shita.

²³ Wa Yasuuv kaan bimshi fi_l heekal fi baraandat Suleemaan.

²⁴ Wa bavdeen, al Yahuud itlammu ḥawaleehu wa gaalu leehu, “Taxalliina nistanna le miteen? Iza inta_l Masiiḥ, guul leena be kalaam mafhuum.”

²⁵ Yasuuv radda wa gaal leehum, “Ana gulta leekum wa intu maa bit’aaminu. Al avmaal al ana bavmila be ism Abuui hum yash‐hadu leiya.

²⁶ Laakin intu maa bit’aaminu, vashaan intu maa min xirfaani, zei maa gulta leekum.

²⁷ Xirfaani bismavu ṣooti, wa ana bavrifum. Wa hum yatbavuuni.

²⁸ Wa ana baddiihum ḥayaat abadiyya, wa hum maa bimuutu abadan, wa maa fih waaḥid yagdar yashiilum min iidi.

²⁹ Abuui al addaahum leiya, hu akbar min kullahum. Wa maa fih waaḥid yagdar yashiilum min iid Abuui.

³⁰ Ana wa_l Abu waaḥid.”

³¹ Al Yahuud rafavu ḥujaar kamaan vashaan yaktuluuhu beeha.

³² Yasuuv radda valeehum wa gaal, “Ana warreetkum avmaal ṭaiba katiira min al Abu. Vashaan yaatu min al avmaal deel taḍrubuuni be_l ḥujaar?”

³³ Al Yahuud raddu wa gaalu leehu, “Niḥna maa binaḍrubak be ḥujaar vashaan vamal ṭaiyib, laakin vashaan at tajdiif, vashaan inta insaan bitavmil nafsak takuun Allaah.”

³⁴ Yasuuv radda valeehum wa gaal, “(?) Maa maktuub fi gaanuunkum, Ana gulta intu aaliha?

³⁵ Kilmat Allaah jaat leehum wa Allaah sammaahum aaliha. Wa maa mumkin yaksir al maktuub fi_l Kitaab.

³⁶ Valashaan da, (?) intu taguulu vala_l gaddasu_l Abu, wa rassalu le_d dunya, Inta tajaddif? vashaan ana gulta ana Ibn Allaah?

³⁷ Iza ana maa bavmil avmaal Abuui, maa ta’aaminu beiya.

³⁸ Laakin in kunta ana bavmila, wa intu maa bit’aaminu beiya, aaminu be_l avmaal, vashaan tavrifu wa tafhamu al Abu fiyya wa ana fi_l Abu.”

³⁹ Vashaan kida, jarrabu taani marra ’an yagbuḍu valeehu, laakin hu faat min been iideehum.

⁴⁰ Wa rajav kamaan le_ṭ ṭarf at taani le_l Urdunn, le_l makaan al Yuuḥanna kaan bivammid fiihu fi_l awwal, wa gavad hinaak.

⁴¹ Wa naas kutaar jo leehu wa gaalu, “Yuuḥanna maa vamal wa laa valaama waaḥda. Wa laakin kull al kalaam al gaalu Yuuḥanna van ar raajil da kaan al ḥagg.”

⁴² Wa naas kutaar aamanu beehu hinaak.